Back

ⓘ Երկրորդ Համաշխարհային Պատերազմի Կանանց Յուշարձան




Երկրորդ Համաշխարհային Պատերազմի Կանանց Յուշարձան
                                     

ⓘ Երկրորդ Համաշխարհային Պատերազմի Կանանց Յուշարձան

Երկրորդ համաշխարհային Պատերազմի Կանանց Յուշարձան, Լոնտոնի Ուայթհոլ փողոցին վրայ Կենոտաֆէն հիւսիս գտնուող Մեծ Բրիտանիոյ ազգային պատերազմի յուշահամալիր: Աշխատանքն է քանդակագործ Ճոն Ու. Միլսի, բացման արարողութիւնը կատարած է Եղիսաբէթ Բ ը Յուլիս 2005-ին:

Յուշահամալիրի ստեղծման նպատակով կազմակերպուած է դրամահաւաք, որուն իր մասնակցութիւնը բերած է Ազգային ժառանգութեան յիշատակի հիմանդրամը: Պարոնուհի Պութրոյտը դրամահաւաքի գումարը ձեռք բերած է "Ով կ՛ուզէ դառնալ միլիոնատէր" հեռուստաներկայացման ընթացքին:

                                     

1. Հիմնադրում

Յուշահամալիրի ստեղծման գաղափարը 1997-ին առաջ անցուցած է թոշակի անցած դիւանագէտ Տէյվիտ Մակնոլի Ռոպերտսոնը, որ տեղեկացուցած էր, որ շատ երկիրներ ունին Երկրորդ Համաշխարհային Պատերազմի ժամանակ կանանց կատարած աշխատանքը յաւերժացնող ազգային յուշարձան, մինչդեռ Մեծ Բրիտանիան չունէր: Նախորդ արշաւներու արդիւնքով Ռոպերտսոնի մասնակցութեամբ իրականացուած դրամահաւաքով յաջողած էր յուշատախտակ փակցնել Նիւ Եորքի Սուրբ Պետրոսի տաճարին մէջ: Արշաւի առաջատարներն էին նախկին հրացանակիրներ Էտնա Սթորրը եւ Միլտրէտ Ուիլը: Դրամահաւաքին իրենց աջակցութիւնը բերին Պարունուհի Պութրոյտը, բրիտանացի երգչուհի, Բրիտանական Կայսրութեան շքանշանակիր Վերա Լիննը եւ Բրիտանական թագաւորական ընտանիքի անդամ արքայադուստր Աննան: Դրամահաւաքին աջակցեցան նաեւ քաղաքական գործիչներ Ճոն Կրոկանը, Հիու Պէյլին, Պարոնուհի Ֆինլա Լանտաֆցին եւ Ռոպերթ Քրաուֆորտը:

Ազգային ժառանգութեան յիշատակի հիմնադրամը յատկացուց 934.115 ֆունտ ստերլինկ, 800.000 ֆունտ ստերլինկ հանգանակեց Պարոնուհի Պութրոյտը, որ 2002-ին "Ով կ՛ուզում դառնալ միլիոնատէր" հեռուստաներկայացման ընթացքին յայտնուեցաւ բարեգործական նպատակով: Գումարի մնացած մասը հանգանակեց Նիւ Եորքի մէջ հիմնադրուած Երկրորդ համաշխարհային պատերազմի յուշահամալիր հիմնադրամը:

                                     

2. Նախագծում

Նախագիծի նախնական տարբերակը կը ներկայացնէր օդային յարձակման հսկիչ կնոջ, որ ապաստան կու տար երեխաներու: Այս տարբերակը պարզուեցաւ, մինչեւ վերջնական տարբերակը ստացաւ:

Պրոնզէ յուշարձանը ունի 6.7 մեթր բարձրութիւն, 4.9 մեթր երկարութիւն եւ 1.8 մեթր լայնութիւն: Յուշարձանի կողերու գրուածքները կը կրկնօրինակեն պատերազմի ժամանակի գիրքերու համար օգտագործուող տառատեսակը: Յուշարձանի շուրջ 17 անհատական հագուստներ ու համազգեստներ են, որոնք կը խորհրդանշեն Երկրորդ համաշխարհային պատերազմի ժամանակ կանանց ստանձնած տարբեր աշխատանքները: Հանդերձանքը կը ներառէ համազգեստներ, որոնք հագած են կիներ ցամաքային բանակին մէջ, արքայական ռազմածովային նաւատորմին մէջ, բուժքրոջ, ոստիկանի հագուստ, զոդման դիմակ:

                                     

3. Յուշարձանի բացում

Յուշարձանի բացման արարողութիւնը տեղի ունեցած է 9 Յուլիս 2005-ին, Լոնտոնի պայթիւններէն երկու օր ետք: Յուշարձանը բացած է Եղիսաբէթ Բ ը Երկրորդ համաշխարհային պատերազմի աւարտին 60-ամեայ տարեդարձի միջոցառումներու շրջանակներուն ընթացքին: Բացման արարողութեան մասնակցած են նաեւ Պարոնուհի Պութրոյտը, Մարգարիտ Թետչերը, Վերա Լիննը, Պաշտպանութեան քարտուղար Ճոն Ռէյտը, ինչպէս նաեւ պատերազմի վեթերան կանայք, ինչպէս նաեւ Ֆրանսական դիմադրութեան բրիտանացի գործակալ Նենսի Ուէյքը: Բացման ժամանակ անցած են հինգ ուղղաթիռներ՝ Apache, Sea King, Lynx, Chinook եւ Merlin, որոնք վարած են կանանց անձնակազմը: Անոր յաջորդած են կին օդաչուներու վարած երկու Tornado ADV-ները:

                                     

4. Վանդալութիւն

Մայիս 2015-ի ընտրութիւններուն Մեծ Բրիտանիոյ պահպանողական կուսակցութեան յաղթանակէն ետք, յուշարձանը վանդալներու կողմէն ներկուած է կարմիր գրութեամբ: Դաունինկ փողոցը վնասը համարած է "վիրաւորական", եւ առնուազն 17 մարդ ձերբակալուած է Ուայթհոլ փողոցի բախումներու ժամանակ:

                                     
  • մասնաճիւղերը ինչպէս Էրմիթաժ գրեթէ 3 մլն արուեստի գործ եւ համաշխարհային մշակոյթի յուշարձան Ռուսական թանգարանը ռուսական արուեստի ամենամեծ թանգարանը