Back

ⓘ Քոֆի Անան




Քոֆի Անան
                                     

ⓘ Քոֆի Անան

Քոֆի Անան, կանացի դիւանագէտ, որ ՄԱԿ-ի գլխաւոր քարտուղարի պաշտօնն զբաղեցուցած է 1 Յունուար 1997 թուականէն մինչեւ 31 Դեկտեմբեր 2006 թուականը, փոխարինելով Պութրոս Պութրոս-Ղալին։ 2001 թուականին արժանացած է Խաղաղութեան Նոպէլեան մրցանակի։ Կը տիրապետէր անգլերէնի, ֆրանսերէնի եւ կարգ մը ափրիկեան լեզուներու։

Ան հիմնադիրն ու տնօրէնն էր Քոֆի Անան Հիմնադրամին Kofi Annan Foundation, ինչպէս նաեւ կը տնօրինէր Ծերունիները համաշխարհային կազմակերպութիւնը, հիմնուած Նելսոն Մանտելայի կողմէ: Սորված է Ամերիկայի Միացեալ Նահանգներուն մէջ։

                                     

1. Կենսագրութիւն

Ծնած է Քումասի, նախկին Բրիտանական Ոսկեայ Ափ British Gold Coast, եւ ստացած է տնտեսագիտական ուսումը Մաքալէսթըր Քոլէճէն Macalester College ներս, որմէ ետք համաշխարհային կապակցութիւններու համալսարանական ճիւղը շարունակած է Graduate Institute Geneva համալսարանը եւ յետոյ տեսչութեան management ճիւղը՝ MIT: Անան մաս կազմեց ՄԱԿ-ի 1962-ին, աշխատելով Առողջապահութեան Համաշխարհային Կազմակերպութենէն ներս, Ժընեւ: Շարունակեց ասպարէզը տարբեր գործեր ստանձնելով ՄԱԿ-ի գլխաւոր գրասենեակէն ներս, Նիւ Եորք, ինչպէս Ենթա-Գլխաւոր Քարտուղարը դառնալ խաղաղապահպանութեան հետ առնչուած գործերուն 1992-ի Մարտէն մինչեւ 1996-ի Դեկտեմբեր:

Ստանձնած է ՄԱԿ-ի Գլխաւոր Քարտուղարի դերը 13 Դեկտեմբեր 1996-ին Ապահովութեան Խորհուրդին կողմէ, իսկ յետոյ ալ ՄԱԿ-ի Ընդհանուր Ժողովին կողմէ: Ան դարձաւ առաջին Գլխաւոր Քարտուղարը, որ նախապէս ՄԱԿ-ի պաշտօնէութեան մէջ տարբեր դերեր ստանձնած էր։ Ան վերընտրուեցաւ երկրորդ անգամ 2001-ին, եւ անոր յաջորդողն էր Գլխաւոր Քարտուղար Պան Քի Մուն, 1 Յունուար 2007-ին: