Back

ⓘ Հրաչեայ Քոչար




Հրաչեայ Քոչար
                                     

ⓘ Հրաչեայ Քոչար

Հրաչեայ Քոչար 1910, Արեւմ.Հայաստան - 2 Մայիս 1965, Երեւան), հայ արձակագիր, հրապարակախօս, ՀԽՍՀ պետական մրցանակի առաջին դափնեկիր, ԽՍՀՄ գրողներու միութեան անդամ ։

Ծնած է Արեւմտեան Հայաստան, Բագրեւանդ գաւառի Ղումլիպուճաղ գիւղին մէջ։ Գաղթի ժամանակ ծնողքը կորսնցուցած, կը փրկուի Ցեղասպանութենէն՝ թուրքերուն կողմէն իրականացուած կոտորածներէն, համագիւղացիներուն հետ կ՛անցնի Արեւելեան Հայաստան Հայաստանի Արարատեան դաշտի գիւղերը։ Ապա՝ 1927ին Երեւան, ուր կամբողջացնէ ուսումը ու կը վարէ խմբագրական պաշտօն։ 1930–ական տարիներուն կը գրէ առաջին վիպակներն ու պատմուածքները։

                                     

1.1. Կենսագրական համառօտ գիծեր Լիբանան այցելութիւն

Սովիետական Հայաստանի առաջին մտաւորականն է որ Լիբանան կու գայ, 1961 Յունուարի վերջաւորութեան։ Այցելութեան ընթացքին, կ՛ այցելէ հայկական կրթական հաստատութիւններ կը հանդիպի Ն․ Փալանճեան ճեմարանի տնօրէն՝ Սիմոն Վրացեանին եւ կառոյցներ։

Հայաստան վերադարձին, զգալի կ՛ըլլայ անոր քաղաքական եւ գաղափարական ընբռնումներուն մէջ ունեցած շրջադարձը։ Ան է որ Հայաստանի իշխանութիւններէն կը պահանջէ հաստատել Հայաստանի արտաքին նախարարութիւն մը, հրատարակել Ֆրանց Վերֆելի "Մուսա Լեռան 40 օրերը", Շանթի գործերը, Սարդարապատի բլուրին վրայ կառուցել յուշահամալիր մը, վերականգնել զօր․ Անդրանիկին անունը, կերտել Եղեռնի յուշարձան մը, մեծ շուքով նշել Եղեռնի յիսնամեակը․․․։

                                     

1.2. Կենսագրական համառօտ գիծեր Կեանքին վերջին տարիները

Կեանքին վերջին տարիներուն, ուշագրաւ վերադարձով մը իր ազգային ակունքներու՝ Հ. Քոչար կը գրէ ներշնչեալ վիպակներու շարք մը՝ "Սպիտակ Գիրքը", որուն մաս կազմող "Նահապետ" ը, "Կարօտ" ը եւ այլ կտորներ պիտի տարածուին ու ճանչցուին նաեւ շարժանկարի ճամբով։ Անոնք նոր արժէք կու տան իր գործին, սրբագրելով կուսակցական-քարոզչական գրականութեան նուիրուած գործիչ դիմագիծ մը։ Մահացած է Երեւան։

                                     

1.3. Կենսագրական համառօտ գիծեր Իր Գործերէն

  • "Հերոսների Ծնունդը" Նամակներ
  • "Սպիտակ Գիրքը"
  • "Օգսէն Վասպուրի ճանապարհորդութիւնը"
  • "Բարեկամութիւն"
  • "Ժամանակներ"
  • "Մեծ Տան Զաւակներ"