Back

ⓘ Փայլատակում (ֆիլմ)




Փայլատակում (ֆիլմ)
                                     

ⓘ Փայլատակում (ֆիլմ)

Կաղապար:Կատեգորիա չկա

Փայլատակում The Shining 1980-ի ֆիլմ։

Սկսնակ գրող Ճէք Թորընսը Ճէք Նիքըլսըն աշխատանքի կը տեղաւորուի Քոլորատոյի լեռներուն մէջ գտնուող մեծ ու շքեղ հիւրանոցի մը մէջ որպէս ձմեռնային պահակ, եւ կը տեղափոխուի հոն կնոջ՝ Ուէնտիի Շէլլի Տիւվըլ եւ որդուն՝ Տէննի Լլոյտ հետ։ Հիւրանոցի տնօրէն Սթիւըրտ Ուլմանը Ճէք Թորընսին կը պատմէ մութ պատմութիւն մը նախկին աշխատակից Տելպըրթ Կրէյտիին մասին, որ աշխատած էր հոն քանի մը սէզոն առաջ եւ հիւանդանալով քլաուսթրաֆոպիով, սպանած էր իր կնոջը եւ երկուորեակ աղջիկներուն։ Այդ պատմութիւնը չի յուզէր Ճէքը եւ ան տեղափոխուելով հիւրանոց կը ցանկայ աւարտին հասցնել իր սկսած վէպը։ Ամիս մը անց Ճէքը կը սկսի դառնալ դիւրաբորբոք եւ կը սկսի կասկածիլ որ իր անյաջողութիւններուն պատճառը կինն է, իսկ Տէննիին կը սկսին հետապնդել սպանութեան տեսարաններով տեսիլքներ։ Սեւամորթ չիֆ-խոհարար Տիք Հալլորանը, որ օժտուած էր հեռազգացութեան թելեփաթի շնորհքով, կը պատմէ Տէննիին, որ որոշ մարդիկ օժտուած են այսպէս կոչուած "փայլատակումի" շնորհքով, այսինքն կրնան տեսնել աւելին քան միւսները։ Տէննին կը հարցնէ Տիքի կայ արդեօք բան մը, ինչէն պէտք է զգուշանալ այս հիւրանոցին մէջ եւ Տիքը խորհուրդ կու տայ անոր զգոյշ մնալ թիւ 237 սենեակէն։ Ատկէ յետոյ ֆիլմին մէջ կը սկսին ծաւալուիլ հիմնական իրադարձութիւնները.

                                     

1. Դերերուն մէջ

  • Լիա Պելտամ- լոգարանի աղջիկ
  • Սքէթմըն Քրոզըրս- չիֆ խոհարար Տիք Հալլորան
  • Տէննի Լլոյտ - Տէննի Թորընս
  • Պարրի Նելսըն- Սթիւըրտ Ուլման
  • Շէլլի Տիւվըլ - Ուէնտի Թորընս
  • Էնն Ճէքսըն- բժիշկ
  • Ռոպին Փափփաս- բուժքոյր
  • Թոնի Պերթոն- Լարրի Տուրքին
  • Պէրրի Տէննըն- Պիլլ Ուաթսըն
  • Լիզա Պարնս- երկուորեակ քոյրեր
  • Պիլլի Կիպսըն- լոգարանի պառաւ
  • Ճօ Թերկէլ- պարմէն Լլոյտ
  • Տեւիտ Պաքսթ- անտառապահ
  • Ֆիլիփ Սթոուն- Տիլպերթ Կրէյտի
  • Ճէք Նիքըլսըն - Ճէք Թորընս
                                     

2. Մրցանակներ

Ֆիլմը տարբեր վարկանիշային ֆիլմերու ցանկին վրայ կը զբաղցնէ հետեւալ տեղերը.

  • Entertainment Weekly ամսագիրի ընթերցողներու լաւագոյն սարսափ ֆիլմերու վարկանիշային ցանկ - 9
  • 2003 թուականին հրապարակուած "Channel 4" -ի "100 ամենասարսափելի ֆիլմեր" ցանկ - 1
  • "Bravo TV" -ի 2005 թուականին հրապարակուած "100 ամենասարսափելի պահեր" ցանկ - 6
  • Ամերիկեան սինէ-ակադեմիայի կողմէն հրապարակուած Ամերիկեան բոլոր ժամանակներու ֆիլմերու 100 լաւագոյն դրական եւ բացասական հերոսներու ցանկին վրայ Ճէք Նիքըլսընի մարմնաւորած Ճէք Թորընսը 25-րդ տեղը կը զբաղցնէ որպէս բացասական հերոս
  • Ամերիկեան սինէ-ակադեմիայի "100 ամենալարուած սիւժէ ունեցող ֆիլմերու" ցանկ - 29
  • Ամերիկեան բոլոր ժամանակներու 100 լաւագոյն թրիլըր ֆիլմերու ցանկին վրայ - 29-րդն է
  • "Total Film" -ի 2004 թուականին հրապարակուած "լաւագոյն սարսափ ֆիլմեր" ցանկ - 5
  • 250 լաւագոյն ֆիլմեր ըստ IMDb վարկածի վարկանիշային ցանկին վրայ ֆիլմը կը զբաղցնէ 48-րդ տեղը 2011 թուականի Օգոստոս 4-ի դրութեամբ
  • Ամերիկեան բոլոր ժամանակներու ֆիլմերու 100 լաւագոյն խօսքերու ցանկին վրայ ընդգրկուած է Ճէք Թորընսի "Ահա Ճոննին" խօսքը - 68

Հ

                                     

3. ետաքրքրական փաստեր

  • Պէյսպոլի մականի վրայ, որով Ուէնտին կը զարնէ Ճէքին, քատրերէն մէկուն մէջ կարելի է նկատել Քարլ Եասթրզեմսքիի ստորագրութիւնը, որ "Ռէտ Սոքս" թիմի յայտնի խաղացող էր. թիմ, որուն հաւատարիմ երկրպագուն էր Սթիվըն Քինկը։
  • Ֆիլմի սկիզբը, երբ գրողի ինքնաշարժը կը սլանայ լեռներով, քատրերէն մէկուն վարի աջ անկիւնը կարելի է նկատել նկարահանող ուղղաթիռին ստուերը։
  • Սթէնլի Քուպրիկը նկարահանող խումբին համապատասխան հոգեբանական իրավիճակի մէջ պահելու համար անընդհատ անոնց կը ցուցադրէր բեմադրիչ Տէյվիտ Լինչի նկարահանած "Գլուխ-ռետին" սարսափ ֆիլմը։
  • Օվըրլուք Overlook հիւրանոցի տեքորը մինչ օրս կը նկատուի համաշխարհային սինեմատոկրաֆիի ամենամեծ տեքորներէն։
  • Ֆիլմի շահոյթը կազմած է մօտ 44 միլլիոն տոլլար։ Մինչեւ "Միզերի" ֆիլմի պաստառ բարձրանալը 1990 թուական, "Փայլատակումը" Սթիվըն Քինկի վէպերու էքրանացումներէն ամենամեծ շահոյթ բերած ֆիլմն էր։
  • Սթիվըն Քինկի վեպին մէջ նկարագրուած էին երեւակայական թուփ-կենդանիներ, որոնք կը շարժուէին այն ժամանակ, երբ անոնց չէին նայեր։ Սակայն Քուպրիկը կը փոխարինէ զանոնք մեծ լապիրինթով, որու կառուցման համար օգտագործուած է շուրջ 900 թոնն աղ եւ փենոփլասթ։
  • Սկիզբը Քուպրիկը որոշած էր Տիք Հալլորանի սպանութեան քատրը նկարահանել 70 տապլով, սակայն Ճէք Նիքըսընը խնդրած էր Քուպրիկի յարգել 69-ամյայ դերասանին, որ ի դէպ չդիմանալով նկարահանումի դժուարութիւններուն, լացած էր եւ ըսած Քուպրիկի. - "Ի՞նչ կ՚ուզէք ինձմէ, միսթր Քուպրիկ" ։
  • Ճէք Թորընսի դերով սկիզբը Քուպրիկը կը քննարկէր նկարահանել Ռոպըրթ Դը Նիրոն, որուն խաղին հետեւած էր "Թաքսիսթը" ֆիլմէն եւ Ռոպին Ուիլիըմսին "Մորքը եւ Մինտին" ֆիլմաշարէն, սակայն յետոյ ան հրաժարեցաւ եւ ընտրեց Ճէք Նիքըլսընը։
  • Տէննիի դերին համար փորձարկուած է մօտ 5000 երեխա։
  • Քուպրիկի պատուերով դերասանուհի Շէլլի Տիւվըլին՝ որ կը մարմնաւորէր Ճէք Թորընսի կնոջ՝ Ուէնտի Թորընսին, արգիլուած էր նկարահանումի ժամանակ ըսել գովեստի կամ քաջալերութեան խօսքեր, աւելին Քուպրիկը անընդհատ պատճառ կ՚որոնէր, որ յաճախ պոռար անոր վրայ՝ պահելով անոր լարուածութեան մէջ։ Յետագային, ըստ դերասանուհիի խօսքերուն, այդ ամէնը Քուպրիկը կ՚ընէր անոր խաղը աւելի տպաւորիչ դարձնելու համար։
  • Արիւնոտ դէմքով մարդը, որ կը վախցնէ Ուէնտիին՝ "Հիանալի երեկոյթ է, այդպէ՞ս չէ" արտայայտութեամբ, ֆիլմի խմբագիր Նորման Կայն է։
  • Այն քատրը, ուր Ճէքը կը կոտրէ դուռը, նկարահանուած է 3 օրուան ընթացքին եւ այդ ընթացքին օգտագործուած է 60 դուռ։
  • Թորընսի ինքնաշարժըVolkswagen Beetle մակնիշի է։
  • Սթէնլի Քուպրիկը, որ ճատրակի մեծ սիրահար էր, մէկ օրով դադրեցուցած էր նկարահանումները եւ ճատրակ խաղցած էր դերասան Թոնի Պերթընին հետ չնայած այն բանին, որ ֆիլմի նկարահանումները ետ կ՚իյնային ժամանակէն։

Users also searched:

...
...
...