Back

ⓘ Տոքթ. Մարդինզ կօշիկներ




Տոքթ. Մարդինզ կօշիկներ
                                     

ⓘ Տոքթ. Մարդինզ կօշիկներ

Քլաոս Մարդինզ Բ. համաշխարհային պատերազմի ընթացքին գերմանական բժիշկ էր: 1946-ին, դահոյկով վիրաւորուելէ ետք կը ստեղծէ ուղղամարմնական կօշիկ մը իր ճարտարագէտ ընկերոջ Հերպըրդ Ֆունքի օգնութեամբ: Այդպիսով կը ծնի առաջին կօշիկը, որուն ներբանը օդով լեցուած էր։

Այս նոր գիւտը կը սկսի ծախուիլ նախ Գերմանիոյ մէջ ու հետաքրքրել տարեցներ, որոնք ոտքի հարցեր ունէին, բայց անիկա շուտով կը տարածուի, այնպէս որ Քլաոս Մարդինզ կորոշէ արտադրութեան իրաւունք ստանալ եւ օրինականացնել անոր վաճառքը: Երկու տարուան ընթացքին Տոքթ. Մարդինզ կօշիկները կը տարածուին ամբողջ Եւրոպայի տարածքին։

1959-ին Պիլ Կրիկզ անունով անգլիացի կօշիկ արտադրող մը կը գնէ կօշիկին արտադրութեան իրաւունքները։

                                     

1. Նկարագրութիւն

Քանի մը մանրամասնութեամբ կը տարբերի ներբանը կարելու ձեւը, ետեւի սեւ ու դեղին պիտակը, ներբանին թափանցիկ քաուչուկը, դեղին կարերը, եւ այլն:

Մեծ նորութիւնը օդով լեցուած ներբանն է, որ շատ հանգստաւէտութիւն կապահովէ: Բոլոր նիւթերը անջրանցիկ են, այնպէս որ ո՛չ իւղը, ոչ ալ խոնաւութիւնը կրնան աւրել կօշիկը։

                                     

2. 1960՝ Համաշխարհային Յաջողութիւն

1 Ապրիլ 1960-ին, կարտադրուի առաջին Տոքթ. Մարդինզ զոյգը, նշանաւոր կարճ կրկնակօշիկը, ութ ծակերով ու գոց կարմիր կաշիով, Wallstone գործարանին մէջ։

Սկիզբը, կօշիկը գործարաններու մէջ աշխատող բանուորները կը հագուին, բայց 1970 եւ 1980 թուականներու ընթացքին կը դառնայ Փանք եւ Սքինհետ punk and skinhead movement հակամշակութային շարժումներուն խորհրդանիշը: Կրկնակօշիկը իսկական խորհրդանիշ կը դառնայ բազմաթիւ երգչախումբերու համար, ինչպէս The Clash, The Cure, Red Hot Chili Peppers, եւ այլն:

Կօշիկը տեղ կը գտնէ նաեւ նորաձեւութեան մէջ. 1990 տարիներուն մէջ, զոյգերուն կէսը կանանց կողմէն կը գնուին։ Ներկայիս կօշիկը մեծ թիւով ստեղծողներու միջեւ գործակցութիւններու շնորհիւ կը գտնուի տարբեր գոյներով, ձեւերով ու նիւթերով, այնպէս որ միշտ այժմէական եղած է, ու կը մնայ ։

                                     

3. Արտադրութիւն

Ժամանակին, բոլոր կօշիկները Անգլիա կարտադրուէին, Wallstone-ի գործարաններուն մէջ, բայց 2003-ին շինութեան մեծամասնութիւնը Չինաստան կը տեղափոխուի: Մէկ շաբթուան ընթացքին միայն 1000 զոյգ Անգլիա կը շինուի, որոնց վրան փորագրուած է "Made In England" ։

Users also searched:

...
...
...