Back

ⓘ Համպուրկի Միջազգային Ծովային Թանգարան




Համպուրկի Միջազգային Ծովային Թանգարան
                                     

ⓘ Համպուրկի Միջազգային Ծովային Թանգարան

Համպուրկի Միջազգային Ծովային Թանգարան, մասնաւոր թանգարան Գերմանիոյ Համպուրկ քաղաքի ՀաֆէնՍիթի շրջանը: Թանգարանին մէջ կը գտնուի Փիթր Թամի նաւերու հաւաքածոն, շինարարական ծրագիրներ, համազգեստներ եւ ծովային արուեստի նմուշներ, որոնք կը կազմեն աւելի քան 40000 գործ եւ աւելի քան մէկ միլիոն լուսանկար: Թանգարանը բացուած է 2008-ին, նախկին պահեստի տեղը:

                                     

1. Պատմութիւն

Թանգարանին սեփական հաւաքածոն սկսած է հաւաքել Axel Springer SE տպագրական ընկերութեան խորհուրդի նախկին նախագահ Փիթր Թամը 1934, երբ ընդամէնը վեց տարեկան էր: Ինչպէս Թամ պատմած է, թանգարանի ստեղծման նախնական պատմութիւնը սկսած է, երբ մայրը իրեն նուիրած է առաջին նմոյշը: Նախքան ՀաֆէնՍիթի շրջանին բացումը, հաւաքածոն կոչուած է "Wissenschaftliches Institut für Schifffahrts- und Marinegeschichte" Առեւտրական նաւերու եւ ռազմածովային պատմութեան ակադեմիական ինստիտուտ՝ տեղակայուած Էլպշոսէ փողոցին մէջ գտնուող առանձնատան մէջ եւ այցելուներուն համար բաց եղած է միայն նախօրօք պայմանաւորուելով: 2004-ին Համպուրկի խորհրդարանը ընդունեց ՀաֆէնՍիթի շրջանին մէջ նոր թանգարան ունենալու դրամաշնորհը: 25 Յունիս 2008-ին Գերմանիոյ նախագահ Հորստ Քէօլերը կատարեց թանգարանին բացումը:

                                     

2. Ճարտարապետութիւն

Kaispeicher B նաւամատոյց B Համպուրկի ամենայայտնի պահեստը, որ 1878 եւ 1879 թուականներուն կառուցած են ճարտարապետներ Պեռնհարտ Գէորգ Յակոբ Հանսենը եւ Վիլհելմ Էմիլ Միրուայնը: Այն կառուցուած է փայտի եւ պողպատէ սիւներու օժանդակ կառուցուածքով, աղիւսներու արտաքին պատերով: Շէնքը նախագծուած է նոր կոթական ոճով եւ օգտագործուած է իբրեւ հացահատիկներու մեքենայացուած շտեմարան եւ փաթեթաւորուած ապրանքներու պահեստ: 1890-ին Համպուրկի քաղաքը գնած է պահեստը եւ զայն անուանած է Kaispeicher B: 2000-ին շէնքը ընդգրկուած է մշակութային ժառանգութեան ցանկին մէջ, սակայն մինչեւ 2003-ի վերջ օգտագործուած է իբրեւ ապրանքներու պահեստ: 2008-ին տեղի կ՛ունենայ վերանորոգուած թանգարանին վերաբացումը: Միրիանա Մարկովիչը MRLV Architekten նախագծած է վերանորոգումը եւ Architekten- und Ingenieurverein Hamburg-ի կողմէ արժանացած մրցանակի:

                                     

3. Ներքին յարդարանքներ, հաւաքածոյ

Թանգարանին հաւաքածոն կը ներառէ Փիթր Թամի անձնական հաւաքածոյէն նմուշներ։ Այն մամուլին կողմէ խիստ քննադատութեան արժանացած է Ատլանտեան ովկիանոսի համար ճակատամարտի, Ատլանտիկայի ճակատամարտի եւ Երկրորդ Համաշխարհային Պատերազմի ընթացքին Գերմանիոյ գաղութային պատմութեան հանդէպ պատմական իրազեկութեան պակասին համար: Որոշ քննադատներ աւելի ուշ փոխեցին իրենց կարծիքը:

Թանգարանին մէջ շրջագայութիւնը կը սկսի Էլպա գետին մէջ յայտնաբերուած 3000-ամեայ մակոյկով: Նաեւ կը ցուցադրուի 1946-ին Berliner Zeitung թերթին մէջ Նիւրենպերկեան դատավարութեան մասին յօդուածին մէջ տպագրուած Ատմիրալ Քարլ Տէօնիցի 1891-1945 մարշալական մականը: Յոդուածը կը նկարագրէ նացիական պատերազմի յանցագործներուն դէմ դատավճիռները:

Ցուցադրութիւնը կը ներառէ նաեւ ծովային կամ ռազմածովային թեմաներ, կէտերու փղոսկրէ պատրաստուած նաւերու նմոյշներ, զէնքեր, համազգեստներ եւ զարդարանքներ: Կը ցուցադրուի նաեւ Ճէյմս Քէյրտի ուղեւորութեան վերարտադրութիւնը: Թանգարանին արխիւը կը ներառէ նաեւ Տրաֆալկարի ճակատամարտին իր յաղթանակով հանրածանօթ Հորացիոյ Նելսոնի 47 բնօրինակ նամակները:

12000 մ 2 տարածութեան վրայ ներկայացուած 36000 նմուշներէ բաղկացած հաւաքածոն ունի հետեւյալ բաժանումները՝

  • 9-րդ յարկ՝ նաւերու նմոյշներու մեծ աշխարհը, ջրային մարզաձեւեր
  • 7-րդ յարկ՝ ծովային հետազօտութիւններ եւ ձկնորսութիւն
  • 3-րդ յարկ՝ նաւաշինութեան եւ ճարտարագիտութեան բարելաւում
  • 2-րդ յարկ՝ ծովագնացութեան նաւակներ՝ հին ժամանակներէն մինչեւ Hanse Sail, Cape Horniers եւ ծովահէնութիւն
  • 8-րդ յարկ՝ ծովային արուեստ պատկերասրահ եւ "գանձարան"
  • Ներքնայարկ՝ ֆուայէ, ընդունարան, ճաշարան եւ թանգարանային խանութ
  • 5-րդ յարկ՝ աշխարհի ռազմածովային նաւատորմերը սկսած 1815-էն
  • 6-րդ յարկ՝ առեւտրային նաւեր, նաւարկութիւններ եւ նաւահանգիստներ
  • 1-ին յարկ՝ հետազոտողներ, նաւարկութիւն, հաղորդակցութիւն եւ փոքրիկներու տարածք
  • 4-րդ յարկ՝ կեանքը նաւատորմին մէջ, նաւերու սպառազինութիւն
  • 10-րդ յարկ՝ "10-րդ երկայնություն" մշակութային ֆորում, հատուկ ցուցահանդեսներ

Բացի մշտական ցուցադրութենէն՝ թանգարանը նաեւ կը ներկայացնէ քանի մը յատուկ ցուցադրութիւններ, օրինակ, viking-ներու մասին ցուցադրութիւնը:



                                     

4. Այցելուներ

Թանգարանին նիւթական շահոյթը կը հաշուարկուի տարեկան 150.000 այցելուով: 2008-ին թանգարանը առաջին անգամ մասնակցած է "Tag des offenen Denkmals" "Բաց ժառանգութեան օր" ամէնամեայ համազգային միջոցառման, որ կը հովանաւորէ Deutsche Stiftung Denkmalschutz-ը: Թանգարանը կը մասնակցի նաեւ Համպուրկի թանգարանային գիշեր ծրագրին:

                                     

5. Տեղայնք

թԹանգարանը կը գտնուի Համպուրկի նավահանգստին վրայ՝ Շպայխերշտատթի մէջ պահեստային տարածք: Համպուրկի սենատին կողմէ շէնքը վարձավճարով 99 տարիով տրամադրուած է հիմնադրամին:

                                     

6. Գրականութիւն

  • Möwe, Friedrich 2005. Tamm-Tamm: eine Anregung zur öffentlichen Diskussion über das Tamm-Museum in German. Informationskreis Rüstungsgeschäfte in Hamburg. Hamburg: GNN, Gesellschaft für Nachrichtenerfassung und Nachrichtenverbreitung. ISBN 978-3-938372-03-6.
  • Meyer, Jürgen 1976. Schiffe aus Knochen und Elfenbein: Sammlung Peter Tamm und anderer Besitz: Altonaer Museum in Hamburg, Norddeutsches Landesmuseum, 22. September bis 21. November 1976. Hamburg: Altonaer Museum. OCLC 17110417.