Back

ⓘ Արմէն Հախնազարեան




Արմէն Հախնազարեան
                                     

ⓘ Արմէն Հախնազարեան

Արմէն Հախնազարեան, Թեհրան, Իրան - 19 Փետրուար 2009, Աախեն, Գերմանիա), ճարտարապետութեան դոկտոր, Հայկական ճարտարապետութիւնը ուսումնասիրող հիմնադրամի հիմնադիր։

                                     

1. Կենսագրութիւն

Ագուլիսցի լեզուաբան, դոկտոր Յովհաննէս Հախնազարեանի որդին է։

1959-ին աւարտած է Թեհրանի Քուշէշ-Դաւիթեան դպրոցը, 1969-ին՝ Աախէնի Հռենոս-Վեսֆալիայի բարձրագոյն արուեստագիտական դպրոցի ճարտարապետութեան եւ քաղաքական ճարտարագիտութեան հիմնարկի ճարտարապետութեան բաժինը, իսկ 1973-ին՝ քաղաքաշինութեան բաժինը՝ որպէս Ճարտարապետութեան դոկտոր Dr. Ing. Architekt-Planer։

Ուսումնասիրական գործունէութիւնը սկսած է 1968-ին՝ չափագրելով Արտազ գաւառի Սուրբ Թադէոսի Վանքը։

1970-ական թուականներուն իրագործած է դէպի Արեւմտեան Հայաստան՝ թիւով վեց, իւրաքանչիւրը շուրջ երկամսեայ տեւողութեամբ գիտարշաւները։

Աւելի ուշ, զրկուելով գիտարշաւներուն անձամբ մասնակցելու հնարաւորութենէն, մինչեւ կեանքին աւարտը շարունակած է կազմակերպել գիտարշաւներ դէպի Արեւմտեան Հայաստան, Փոքր Հայք եւ Կիլիկիա։

1973-ին ամուսնացած է ճարտարապետ Մարկրիթ Պունեմաննին Margrit Bunemann հետ եւ ունեցած է երկու դուստր՝ Թալին եւ Շահրիզ։

1974-ին Թեհրանի մէջ հիմնադրած եւ ղեկավարած է "Մոնիթ" Monit ճարտարապետական ընկերութիւնը։

1982-ին Աախէնի մէջ պաշտօնապէս կը հիմնէ Հայկական ճարտարապետութիւնը ուսումնասիրող հասարակական կազմակերպութիւնը 2010-էն՝ հիմնադրամ, որ 1996-ին կարձանագրուի ԱՄՆ-ի մէջ, իսկ 1998-ին՝ Հայաստանի մէջ։

1983-էն էտք երկար տարիներ դասաւանդած է Աախէնի համալսարանի քաղաքաշինութեան հիմնարկին մէջ։

Վախճանած է Աախէնի մէջ, իսկ աճիւնափոշին ամփոփուած է Աախէնի եւ Արտաշաւանի գերեզմանոցներուն մէջ։

                                     

2. Վերանորոգումներ

  • Տաթեւ գիւղի եկեղեցի
  • Թեհրանի Սբ. Գէորգ եկեղեցի
  • Քարինտակի Սբ. Աստուածածին եկեղեցի
  • Վանաքի Սբ. Սարգիս եկեղեցի
  • Ծոր Ծորի Սբ. Աստուածածին վանք
  • Արտազի Սբ. Թադէոս վանք
  • Դարաշամբի Սբ. Ստեփանոս վանք
  • Դաւիթ Բէկ գիւղի եկեղեցի
  • Քեսապ ապանին մէջ քանի մը պատմական բնակելի տուներ
  • Քեսապի Գարատուրան գիւղի Սբ. Ստեփանոս եկեղեցի
  • Դադիվանք համալիրի տարբեր շինութիւններ
  • Ուշի գիւղի Սբ. Սարգիս վանքի միանաւ եկեղեցի
  • Սաղմոսավանք
                                     

3. Հրատարակութիւններ

  • Documents of Armenian Architecture։ Nor Djulfa. Venezia, 1992
  • Սբ. Թադէոս առաքեալի եւ Սբ. Ստեփանոս նախավկայի վանքերը
  • Ակնարկ Հայկական ճարտարապետութեան, 1988
  • 1983-1989-ններուն" Armenian Architecture” մանրաժապաուէններու 7 հատորեակներ
  • Julfa: The Annihilation of the Armenian Cemetery by Nakhijevan’s Azerbaijani Authorities
  • Արտազի երեք վանքերը
                                     

4. Պարգեւներ

  • 10 յունիսի 2008-ին ՀՀ Ազգային Ճողովի պատուոյ շքանշան
  • 29 յունուար 2009-ին՝ Հայաստանի Ազգային գրադարանի Յակոբ Մեղապարտի անուան շքանշան
  • 2009 ՀՀ քաղաքաշինութեան նախարարութեան պատուոգիր
                                     

5. Արտաքին յղումներ

  • Ա. Հախնազարյանի հիշատակին նվիրված հանդես
  • Մահախոսական՝ Պատմա-բանասիրական հանդեսում
  • Հարցազրույց Ա. Հախնազարյանի հետ` Օգոստոս 7, 2002
  • Մահախոսական
  • Ա. Հախնազարյանի կենսագրական
  • ՀՀ Ազգային ժողովի պատվո շքանշան