Back

ⓘ Տեմիս Ռուսոս




Տեմիս Ռուսոս
                                     

ⓘ Տեմիս Ռուսոս

Տեմիս Ռուսոս, յոյն երգիչ։ Իր երաժշտական գործունէութեան ընթացքին, ամբողջ աշխարհին վաճառած է իր ալպոմներու մօտաւորապէս 70 միլիոն օրինակ։

                                     

1. Կենսագրութիւն

Տեմիս Ռուսոս, ծնած է 15 Յունիս 1946-ին Եգիպտոսի Աղեքսանտրիոյ քաղաքին մէջ, երաժշտական հարուստ աւանդոյթներով յունական ընտանիքի մէջ։ Անոր մայրը երգչուհի էր, իսկ հայրը՝ դասական կիթառ նուագող։ Երաժշտական դպրոցին մէջ ուսանած տարիներուն, Տեմիս իւրացած է շեփորի, կիթառի, ելեկտրական կիթառի եւ երգեհոնի: 1950-ականներու կէսերուն, ընտանիքը տեղափոխուած է Յունաստան:

1964-1966 կը մասնակցի "The idols" յունական ռոք նուագախումբին, իբրեւ ելեկտրական կիթառի նուագիչ։

1967-ին Տեմիս Ռուսոս Վանկելիս Փափաթանասիուի Βαγγέλης Παπαθανασίου եւ Լուքաս Սիտերասի հետ ստեղծած են "Aphrodites Child" խումբը։ 1968-ին, Յունաստանի մէջ տեղի ունեցած ռազմական յեղաշրջումէն ետք, խումբը տեղափոխուած է Փարիզ, ուր յաջողութեան հասած՝ "Rain & Tears", "Spring Winter Summer And Fall" եւ "It’s Five O’Clock" երգերուն շնորհիւ։

1971-ին Ռուսոս հեռացած է խումբէն եւ սկսած մեներգիչի գործունէութիւն։ 1974-ին անոր "Forever & Ever" ալպոմը մեծ յաջողութիւն բերած է։ "Happy То Be On An Island In The Sun" երգի միակ անգլիական հիթ-շքերթին մէջ բարձրացած է մինչեւ 5-րդ հորիզոնական, բայց "Can’t Say How Much I Love You" երգի եւ "Souvenirs" ալպոմի ցած դիրքերը կը վկայեն Ռուսոի հեղինակութեան անկումը։ Սակայն յամառ երգիչը "The Demis Roussos Phenomenon" հեղինակային երգով յաղթական երթ կատարած է դէպի անգլիական "Թոփ 20" -ի գագաթը։ Նոյն թուականին "When Forever Has Gone" երգը երկրորդ հորիզոնականին հասած է։ Աւելի քիչ յաջողութիւն արձանագրած էր "Kyrila" երգը, որ մէկ կերպով 40-րդ հորիզոնականը գրաւած էր։

Տեմիս Ռուսոս նախապատուութիւն կու տայ իր զգեստաւորուած "շոու" ի բեմական ձեւաւորման, հանդիսականներուն ուշադրութիւնը գրաւելով մինչեւ երգել սկսիլը։

Ռուսոսը տուն ունէր Ֆրանսայի մէջ Նէյիի մէջ, սակայն տարուան մեծ մասը Յունաստանի մէջ կ՛ապրէր:

Մասնակցած է "Հրէ մարտակառքեր" եւ "Սայրի վրայով վազողը" ֆիլմերու ձայնագրութեան։

Գրած է "Ինչպէս նիհարցայ" գիրքը։

                                     

1.1. Կենսագրութիւն Գերութիւնը Օդանաւին Մէջ

14 Յունիս 1985-ին ճակատագիրի բերումով, ապագայ կնոջ՝ Փամելային հետ յայտնուած է ահաբեկիչներու ձեռքին մէջ։ Այդ օրը ամերիկեան "Թրանս Ուորլտ Էրլայնզ" ընկերութեան "Պոյինկ 727" օդանաւը, որ կը կատարէ Աթէնք - Հռոմ թիւ 847 թռիչքը, կ՛ առեւանգեն Հիզպուլլահի երկու ահաբեկիչներ՝ պահանջելով դէպի Մերձաւոր Արեւելք թռչիլ: Անոնք նաեւ կը պահանջին Իսրայէլի բանտերէն ազատ արձակել լիբանանցի 700 բանտարկեալներ։ Երգիչը օդանաւին ութ յոյն ուղեւորներէ մէկն էր, որոնց ազատ կ՛ արձակեն՝ դեռեւս Աթէնքի օդակայանին մէջ ձերբակալուած երրորդ ահաբեկիչին բանտէն ազատելու դիմաց։ Ռուսոս, չէր սիրեր յիշել այս սարսափելի միջադէպը, որովհետեւ քանի մը օր պատանդի կարգավիճակի մէջ գտնուած էր։ Սակայն երգիչը մեծ ժողովրդականութիւն կը վայելէր նաեւ արաբական երկիրներուն մէջ, եւ ահաբեկիչները անոր հանդէպ համեմատաբար լաւ կը վերաբերէին եւ նոյնիսկ ինքնագիր վերցուցած էին, բայց նաեւ անորմէ պահանջած էին քանի մը օր շարունակ իրենց համար երգել:

1999-ին մեկնած է Հայաստան: 2010-ին Մոսկուայի մէջ ստացած է Տաշիր փառատօնի մրցանակը՝ հայերու կողմէ սիրուած արտասահմանեան երգիչ անուանակարգին մէջ:

Մահացած է 25 Յունուար 2015-ի գիշերը, Աթէնքի հիւանդանոցներէն մէկուն մէջ:

                                     

2. Ընտանիք

Տեմիս Ռուսոս ունէր երկու երեխայ։ Դուստրը՝ Էմիլիան, կապրի Փարիզ, իսկ որդին՝ Սիրիլը, Յունաստանի մէջ կը բնակի եւ կաշխատի իբրեւ տիճէյ՝ տարածելով իր հօր արուեստը: Չորս անգամ ամուսնացած էր։ Վերջին կինը՝ Մարին, փարիզաբնակ ֆրանսուհի էր։

                                     
  • հարաւային Իտալիա, պատուոյ քաղաքացիի պարգեւին կ արժանանայ Փեփինօ տի Քափրի Տեմիս Ռուսոս Nel Sole Nel Sole Io Di Notte - Al Bano Il ragazzo che sorride Pensando
  • երգչուհի Տալիտա Dalida, յօրինող Ժորժ Մուստաքի Georges Moustaki, երգիչ Տեմիս Ռուսոս Demis Roussos, բանաստեղծ Ճիւզեփէ Ունկարեդի Giuseppe Ungaretti, գծագրիչ

Users also searched:

...
...
...