Back

ⓘ Ռուսական Թատրոն




Ռուսական Թատրոն
                                     

ⓘ Ռուսական Թատրոն

Ռուսական թատրոն, թատրոնը Ռուսաստանի մէջ։ Թատերարուեստի բազմազան տարրեր բովանդակած են Ռուսական ժողովրդակական թատերական խաղերը, ծէսերը։ Այդ խաղերը, թատերական ներկայացման վերածուելու գործընթացին, նպաստած են Ռուս թափառաշրջիկ դերասանները՝ սքոմորոխները ։

Առաջին արքայական թատրոնը Ռուսաստանի մէջ կը պատկանէր Ալեքսէյ Միխայլովիչ արքային եւ գոյատեւած է 1672-1676 թուականներ։ Թատրոնի սկզբնաւորումը կապուած է կալուածատէր Արթամոն Մաթվէեւի Artamon Matveyev հետ՝ կրթուած անձնաւորութեան մը, որ կ՝ ընդունէր արեւմտեան մշակոյթը, եւ խորհուրդ տուած է ռուս արքային, որ զուարճանքի բազմազան միջոցներ կը փնտրէր, եւրոպական թատրոնի օրինակով թատրոն մը ստեղծել։ Արթամոն Սերկէեւիչը անձնապէս յանձն առաւ իր իսկ առաջարկին կատարեալ լուծման՝ ՝ հրամայելով Մոսկուա ապրող գերմանական սլոպոտայի, քահանայ Եոհան Կոթֆրիտ Կրեկորիին, որ զբաղուի թատերախումբի դերասաններու հաւաքագրութեամբ ։ Քահանան ո՛չ միայն յանձն առաւ նորեկ դերասաններուն 64 երիտասարդներ, որոնց հաւաքած էր եւ կը համոզէր իրենց դերասան դառնալ, այլեւ աստուածաշունչական նիւթով ներկայացում մը գրեց՝ Եթերի մասին, որ փրկած է հրէաներուն Ամանի վայրագութիւններէն։ Ներկայացումը ստացաւ "Արտաքսերքսեան գործողութիւն" refer to king Artaxerxes of Persia անուանումը, եւ գրուած էր հեղինակի մայրենի լեզուով՝ գերմաներէնով, սակայն այն որոշուեցաւ բեմականացնել ռուսերէն լեզուով։ Այդ իսկ պատճառաւ հաւաքագրեցին բոլոր թարգմանիչներուն Պոսոլսկի գերատեսչութիւնէն, ներկայացման բնագիրը բաժնեցին քանի մը անհաւասար մասերու եւ բաժնեցին թարգմանիչներուն։ Երբ ամբողջ ստեղծագործութիւնը թարգմանուեցաւ, պարզուեցաւ, որ բնագիրը զուրկ է ամբողջականութիւնէն։ "Էսֆիրի" սկիզբը գրուած էր շատ մանրակրկիտ ձեւով՝ բանաստեղծական ոճով, իսկ բնագիրին մէջտեղի մասը յանկարծ կը վերածուէր արձակի։

Հաւանական է, որ ո՛չ բոլոր թարգմանիչները գերազանց կը տիրապետէին գերմաներէն լեզուին, այդ իսկ պատճառաւ բնագիրը մօտաւորապէս թարգմանած էին։ Սակայն բացառուած չէ նաեւ այն, որ առանձին թարգմանիչներ այնպէս կառռւցած էին ներկայացումը, որ գերմաներէն բնագիրը առաւելագոյնս մօտեցուցած էին ռուսական իրողութեան։ Յամենայն դէպս հեղինակը անձնապէս չէր պնդեր, որպէսզի ամէն ինչ մանրակրկիտօրէն թարգմանուեր։ Քահանային համար այդ նշանակութիւն չունէր, քանի որ ներկայացումը արքան "պատուիրած" էր։ Արքան շատ կը փափաքէր բարելաւել յարաբերութիւնները Պարսկաստանի հետ եւ ներկայացումն ալ այդ երկրի մասին էր։

Սկիզբը ներկայացումը նախատեսուած էր բեմադրել արքայական իշխաններէն մէկուն տան մէջ, սակայն գործը լուրջ մօտեցում կը պահանջէր եւ շուտով արքային մերձմոսկովեան բնակավայրի՝ Փրէոպրաժենսքի գիւղին մէջ, կառուցուեցաւ իսկական թատերական կառոյց։

1672 թուականի Հոկտեմբեր 17-ին կայացաւ այդքան սպասուած թատրոնի բացումը եւ առաջին ներկայացումը։ Այդ կարեւոր իրադարձութեան ներկայ էին ինքը՝ արքան եւ անոր բոլոր մօտիկ կալուածատէրերը։ Յատուկ օթեակին մէջ կը գտնուէր թագուհին եւ իր պալատական տիկնայքը։ Ներկայացումը տեւած է 10 ժամ, արքան դիտած է ողջ ներկայացումը եւ շատ գոհ մնացած։ Երբ ներկայացումը կ՛աւարտի, հանդիսականները անմիջապէս կ՛երթան բաղնիք, քանզի կը կարծէին, որ այդպիսի "գործողութենէն" ետք անհրաժեշտ էր մաքրել բոլոր մեղքերը։ Թատրոնը այդ ժամանակ կը համարուէր ամօթալի։ 1673 թուականին որոշ փոփոխութիւններ տեղի ունեցան։ Թատրոնը տեղափոխեցին մէկ այլ կառոյց։ Թատերախումբի դերասանական կազմը նոյնպէս յաւելուած դերասաններ ունեցաւ։։ Ինչպէս իր յօդուաածին մէջ կը պատմէ Եուրի Մոսքալենքոն. "Յայտնի է նաեւ Եոհան Կրեկորիի վարձատրումը։ Առաջին ներկայացումին համար, որ այդքան հաճոյացուց արքային, գերմանացի քահանան ստացաւ 100 ռուբլիանոց 40 սամոյր соболь, ռուս. դրամական միաւոր եւ քանի մը հատ ալ 8 ռուբլիանոց։ Բացի այդ արքան փափաքեցաւ նայիլ բոլոր դերասաններուն աչքերուն մէջ, եւ անոնք բոլորն ալ ներկայացան", իսկ ինքը՝ թատերագրողը, սկսաւ նոր ստեղծագործութիւն գրել։

Սակայն 1676 թուակնի Յունուար 29-ին, երբ մահացաւ Ալեքսէյ Միխայլովիչ արքան, մահացաւ եւ առաջին ռուսական արքայական թատրոնը։

                                     
  • Լիտուայի ռուսական թատերական թատրոնը: Владимир Водо. Русский драматический отметил юбилей Թատրոնի պաշտոնական կայքը Լիտվիայի ռուսական դրամատիկական թատրոն Halina
  • Հայկական թատրոն յունական եւ հռոմէական թատրոններու հետ միասին աշխարհի ամենահին թատրոններու շարքին կը դասուի Թատերարուեստի հնագոյն եւ ժողովրդական տեսակը
  • Թիֆլիսի օփերայի եւ պալեթի թատրոն վրաց. თბილისის ზაქარია ფალიაშვილის სახელობის ოპერისა და ბალეტის სახელმწიფო აკადემიური თეატრი, Թիֆլիսի Զաքարիա Փալիաշւիլիի
  • Պաքուի հայկական պետական թատրոն կազմակերպուած է Պաքուի մէջ, 1920 - ին Թատրոնը փակուած է 1949 - ին Ներկայացումներ բեմադրած են Ժասմէն, Ս. Արմէնեան, Վահրամ
  • Աստրախանի հայկական թատրոն ռուս. Астраханский армянский театр հիմնադրուած է Թովմաս Ֆասուլաճեան 1868 - ին, Պայծառ Ֆասուլաճեանի, Վ Յարալեանի, Գ Ամիրաղեանի
  • Թիֆլիս վրաց. თბილისი, հին հայկական անուանումը Տփղիս, ռուսական եւ խորհրդային իրականութեան մեջ ծանօթ է եղել իբրեւ Թիֆլիս Վրաստանի մայրաքաղաքը, ինչպէս
  • Հայրապետովեան թատրոն ռուս. Гайрабетовский театр նախկին թատրոն Նոր Նախիջեւանի մէջ այժմ Դոնի Ռոստովի Պրոլետարսկի շրջանի կազմին մէջ Գտնուած է Բոլշաեա
  • Գաբրիէլ Սունդուկեանի Անուան Ազգային Ակադեմական Թատրոն Առաջին Պետթատրոն հիմնադրուած է 1921 թուականի Օգոստոս 16 - ին, բացուած է 25 Յունուար1922 - ին, Երեւանի
  • Արաքսեան 22 Մայիս 1869 1869 - 05 - 22 Երեւան, Կովկասի Փոխարքայութիւն, Ռուսական Կայսրութիւն - 29 Օգոստոս 1918 1918 - 08 - 29 կամ 26 Օգոստոս 1918 1918 - 08 - 26
  • Արազեան 1 Հոկտեմբեր 1879 1879 - 10 - 01 Երեւան, Կովկասի Փոխարքայութիւն, Ռուսական Կայսրութիւն - 16 Յուլիս 1957 1957 - 07 - 16 Երեւան, Հայաստանի Խորհրդային
  • 1772 44.5108 Յակոբ Պարոնեանի Անուան Պետական Երաժշտական Կատակերգութեան Թատրոն հիմնադրուած է 23 Դեկտեմբեր 1941 - ին, Երեւանի մէջ Երեւանի Երաժշտական Կատակերգութեան
  • թուականին այժմ Ռուսթաւելու անուան վրացական թատրոն այստեղ ներկայացումներ կու տան հայկական, ռուսական եւ վրացական թատերախումբերը Թիֆլիսի արուեստագիտական