Back

ⓘ Ապու Պաքր Ալ Պաղտատի




Ապու Պաքր Ալ Պաղտատի
                                     

ⓘ Ապու Պաքր Ալ Պաղտատի

Ապու Պաքր Ալ Պաղտատի, ղեկավարն էր Իրաքի եւ Արեւելքի Իսլամական Պետութեան, որ Սուննի իսլամական սալաֆի ժիհատականներու կազմակերպութիւն մըն է եւ կիշխէր Իրաքի եւ Սուրիոյ զանազան շրջաններու մէջ։ Միացեալ Ազգերու Կազմակերպութեան, ինչպէս նաեւ Եւրոպական Միութեան եւ այլ պետութիւններու կողմէ, անիկա կը նկատուէր ահաբեկչական կազմակերպութիւն: Յունիս 2014-ին, Մոսուլի մեծ մզկիթին մէջ ինքզինք կը յայտարարէ իբր Իսլամական Պետութեան խալիֆան։

4 Հոկտեմբեր 2011-ին, ԱՄՆ-ի Պետական բաժինը Պաղտատին աւելցուցած է "Սփեշըլի Տեզիկնէյթըտ Նաշընըլզ" ցուցակին մէջ եւ յայտարարած է 10 միլիոն տոլարի պարգեւ մը՝ անոր մահուան մասին որեւէ տեղեկութիւն ապահովելու կամ զայն բռնելու համար: 16 Դեկտեմբեր 2016-ին, ԱՄՆ աւելցուցած է պարգեւը 25 միլիոն տոլարի՝ Ալ Քայիտայի ղեկավար Այման Ալ Զաուահարիի համար տրուելիք պարգեւին չափ:

Ըստ Տանըլտ Թրամփի կատարած յայտարարութեան, 27 Հոկտեմբեր 2019-ին, ամերիկեան "Տելթա Ֆորս" -ի Սուրիոյ Իտլիպի շրջանին մէջ կատարած Պարիշայի յարձակումին ժամանակ Պաղտատի ինքզինք եւ երեք երեխաներ անձնասպանական գօտիով սպաննած է:

31 Հոկտեմբեր 2019-ին, ՏԱՀԷՇ կը հաստատէ Պաղտատիի մահուան լուրը ու կազմակերպութեան ղեկավարութեան պաշտօնը կը ստանձնէ Ապու Իպրահիմ Ալ Հաշեմի Ալ Քուրաշի:

                                     

1. Անուններ

Ապու Պաքր Ալ Պաղտատի ծածկանունն է այն անձին, որ բազմաթիւ անուններ եւ ածականներ ունի իրեն առնչուած, ինչպէս՝ Ապու Տուա أبو دعاء, Ալ Շապահ ոգի եւ Ապու Պաքր Ալ Պաղտատի Ալ Հուսէյնի Ալ Հաշիմի Ալ Քուրաշի أبو بكر البغեادي الحسيني الهاشمي القرشي: Իր կողմնակիցներուն կողմէ ան ճանչցուած է Ամիր Ալ Մումինին أمير المؤمنين, Հաւատացեալներու էմիրը, Խալիֆ Ապու Պաքր, Խալիֆ Ալ Պաղտատի, Խալիֆ Իպրահիմ خَلِيفَةُ إِبْرَاهِيم եւ Շէյխ Պաղտատի ածականով:

Ապու Պաքր

Կը կարծուի, որ Պաղտատի Ապու Պաքր անունը որդեգրած է հիմնուելով Ապու Ալ Քասեմ Մուհամետ Իպն Ապտալլահ Իպն Ապտ Մաթթալեպ Իպն Հաշեմ արաբերէն՝ أبو القاسم محمد ابن عبد الله ابن المطّالب ابن هاشم ‎, որ կը փոխարինէր Մուհամետ մարգարէն, երբ ան անհանգիստ ըլլար, ըստ Սուննի իսլամական մշակոյթին:

Ծննդեան Անուն

Ամիր Ապու Պաքր Ալ Պաղտատիի ծննդեան անունը Իպրահիմ Աուատ Իպրահիմ Ալ Պատրի արաբերէն՝ إبراهيم عواد إبراهيم البدري ‎ է:

                                     

2. Հեռանկար

Կը կարծուի, որ Ալ Պաղտատի ծն.՝ Իպրահիմ Աուատ Իպրահիմ Ալի Մուհամետ Ալ Պատրի Ալ Սամրաի, արաբերէն՝ إبراهيم عواد إبراهيم علي محمد البدري السامرائي ‎ ծնած է 1971-ին՝ Սամարայի մօտ, Իրաք: Ան անդամ է Ալ Պու Պատրի ցեղախումբին, որ իր մէջ կը ներառէ աւելի փոքր ցեղախումբեր, ինչպէս՝ Ռատհաուիյա, Հուսէյնիյա, Ատնանիյա եւ Քուրայշ:

Տը Տէյլի Թելեկրաֆ-ի հետ հարցազրոյցի մը ընթացքին, Պաղտատիի ժամանակակիցները զայն նկարագրած են որպէս ամչկոտ, չարտայայտուող, հաւատացեալ եւ բռնութենէ զգուշացող երիտասարդ մըն էր։ Մինչեւ 2004, աւելի քան տասնամեակ մը, ապրած է Թոպչիի մզկիթին փակած պզտիկ սենեակի մը մէջ։ Թոփչի աղքատիկ շրջակայք մըն է Պաղտատի արեւելեան ծայրամասին մէջ՝ Սուննի եւ Շիա իսլամներով բնակուած:

Իրաքի Իսլամական Բանակի ղեկավար եւ Պաղտատիի հասակակից Ահմատ Ալ Տապաշ, որ կռուած է 2003-ի Իրաքի գրաւման կառավարութեան կողմակից ուժերու դէմ Ալ Պաղտատին նկարագրած են, ինչպէս որ նկարագրած են Թոպչիի բնակիչները, ըսելով. "Ես ու Պաղտատի միասին կուսանէինք Իսլամական համալսարանին մէջ, նոյն դասարանը, բայց իմ բարեկամս եղած չէ: Ան լուռ ու վերապահ էր։ Իր ժամանակը կանցընէր մինակ: Անձնապէս կը ճանչնայի բոլոր ղեկավարները. Զարքաուի՝ Ալ Քայիտայի նախկին ղեկավարը եղբօրմէ մը աւելի մօտիկ էր հետս. Բայց Պաղտատին չէի ճանչնար: Ան աննշան էր, աղօթք կառաջնորդէր շրջանիս մէջ, բայց մէկը զինք չէր նկատեր":

2014-ին, ամերիկացի եւ իրաքցի տեղեկութեան վերլուծողներ ըսած են, թէ Պաղտատի ունի Քուրաանի ուսուցման տոքթորական վկայական, որ ստացած է Պաղտատի Սատտամ Համալսարանէն: Ըստ կենսագրութիւններու, որոնք Յուլիս 2013-ին շրջանառած են համացանցի ծայրայեղական ֆորումներու վրայ, ան Իսլամական Գիտութիւններու պսակաւոր արուեստից, մագիստրոսի եւ տոքթորական վկայականները ստացած է Պաղտատի Իսլամական Համալսարանէն: Այլ տեղեկութեան մը համաձայն, ան մանկավարժութեան տոքթորական վկայական ստացած է Պաղտատի Համալսարանէն:

Ապահովութեան խորհրդատուներու ընկերութիւններէն Սուֆան Կրուփէն Փաթրիք Սքինըր ըսած է. "Անոնք՝ ԱՄՆ-ի եւ Իրաքի կառավարութիւնները ֆիզիքապէս գիտեն այդ մարդուն ով ըլլալը, բայց իր պատմութիւնը առասպել մըն է": "Ան շատ լաւ պահած է իր անձնական գաղտնիքը եւ բարձրացուցած իր վումբին պատիւը", ըսած է Փաթրիք Ճոնսըն, որ "ՌԱՆՏ առեւտրական ընկերութենէն" է՝ աւելցնելով, որ փոքր տարիքի մարդիկը անով հրապուրուած են: 2015-ին, ան կոչուած է անյայտ շէյխը, որովհետեւ ան անճանաչելի էր՝ նոյնիսկ իր կազմակերպութեան մէջ:

                                     

3. Իսլամ Կղերական

Կը կարծուի, որ Պաղտատի արդէն իսլամ յեղափոխական մըն էր Սատտամ Հուսէյնի ղեկավարութեան օրերէն: Շատեր ալ կը կարծեն, որ ան մզկիթի մէջ կղերական էր 2003-ին ԱՄՆ-ի կողմէ կատարուած յարձակումի ժամանակ:

Այդ յարձակումէն ետք, Պաղտատի ներդրում ունեցած է Ժամաաթ Ժայշ Ահլ Ըլ-Սուննա Ուալ Ժամաա զինեալ խմբաւիրման հիմնադրութեան գործընթացին մէջ եւ դարձած է կազմակերպութեան "շարիա" կոմիտէի ատենապետը: 2006-ին, Պաղտատի եւ իր խումբը միացած է "Մուժահիտին Շուրա" խորհուրդին, ուր ապ ապդամ եղած է "շարիա" կոմիտէութեան եւ նոյն տարին անոր անուանափոխութենէն ետք՝ որպէս Իրաքի Իսլամական Պետութիւն արաբերէն՝ الدولة الإسلامية في العراق ‎, Պաղտատի "շարիա" կոմիտէուեան ընդհանուր խորհրդականը կը դառնայ եւ անդամ՝ խումբի աւագ խորհրդատուներու ժողովին:

                                     

3.1. Իսլամ Կղերական ԱՄՆ-ի Արգելափակում

2 Փետրուար 2004-ին, Ալ Պաղտատի ձերբակալուած է Իրաքի մէջ ԱՄՆ-ի ուժերուն կողմէ, Ֆալլուժայի մօտ եւ բանտարկուած Ապու Ղարիպ եւ Քամփ Պուքքա կեդրոններուն մէջ Իպրահիմ Աուատ Իպրահիմ Ալ Պատրի անունով, իրբեւ՝ "քաղաքային արքելափակեալ" մինչեւ Դեկտեմբեր 2004, երբ Միացեալ վերաքննութիւնը անգլերէն՝ Combined Review եւ Ազատ արձակման յանձնախումբը անգլերէն՝ Release Board կառաջարկեն անոր ազատ արձակումը: Եւ ի վերջոյ, նոյն թուականին ան ազատ կարձակուի, իբրեւեւ՝ "ցած մակարդակի բանտարկեալ":

Շարք մը թերթեր եւ պատկերասփիւռի կայաններ նշած են, թէ Ալ Պաղտատի բանտարկուած մնացած է 2005-էն 2009: Այս տեղեկութիւնները, որոնք չեն հաստատուած Ապահովական բաժանմունքին կողմէ ի յայտ եկած է Քամփ Պուքքայի նախկին հրամանատար Քոլոնել Քենեթ Քինկի հետ կատարուած հարցազրոյցի մը ժամանակ: Ալ Պաղտատի ՏԱՀԵՇ-ի այլ ապագայ ղեկավարներու հետ բանտարկուած է Քամփ Պուքքայի մէջ:

                                     

3.2. Իսլամ Կղերական Իրաքի Իսլամական Պետութեան Ղեկավար

Իրաքի Իսլամական Պետութիւնը, որ նաեւ ծանօթ էր Իրաքի Ալ Քայիտա անունով, Ալ Քայիտայի Իրաքի բաժանմունքն էր։ Ապու Օմար Ալ Պաղտատիի մահէն ետք, 16 Մայիս 2010-ին նշանակուած է այդ կազմակերպութեան ղեկավարը:

իբրեւեւ Իրաքի իսլամական պետութեան ղեկավար, Ալ Պաղտատի պատասխանատու եղած է ահաբեկչական մեծ գործողութիւններու, ինչպէս՝ 28 Օգոստոս 2011-ի Պաղտատի Ումմ Ալ Քուրա մղկիթին մէջ տեղի ունեցած անձնասպանական պայթումը, որ պատճառ դարձած է Սուննի օրինատու Խալիլ Ալ Ֆահտաուիի մահուան: 2011-ի Մարտ եւ Ապրիլ ամիսներուն, Իրաքի իսլամական պետութեան կողմէ Պաղտատի հարաւը տեղի ունեցած է 23 յարձակում, որոնց հրահանգը տուած է Ապու Պաքր Ալ Պաղտատի:

2 Մայիս 2011-ին, Ալ Քայիտա կազմակերպութեան հիմնադիրին եւ անոր ղեկավարին՝ Ուսամա Պին Լատընի մահէն ետք, որ տեղի ունեցաւ Փաքիստանի Ապպութապատ քաղաքին մէջ, Ալ Պաղտատի կատարած է յայտարարութիւն մը, որուն մէջ կը գովաանէր Պին Լատընը եւ կըսէր թէ շատ ահաւոր կերպով պիտի լուծէ անոր վրէժը: 5 Մայիս 2011-ին, Ալ Պաղտատի պատասխանատուութիւնը կը կրէ Պաղտատէն 100 քիլոմեթր հարաւ գտնուուղ Հիլլա քաղաքի մէջ կատարուած յարձակումին, որ պատճառած է 24 ոստիկանի մահ եւ 72 վիրաւոր:

15 Օգոստոս 2011-ին, Իրաքի Իսլամական Պետութեսն անձնասպանական գործողութիւնները Մուսուլի մէջ պատճառեցին 70 զոհ: Կարճ ժամանակ ետք, իբրեւեւ Պին Լատընի մահուան փոխհատուցում, կազմակերպութիւնը խոստացած է Իրաքի տարբեր շրջաններու մէջ տարբեր ձեւերով 100 յարձակում կատարել, ինչպէս՝ ասպատակութեամբ, անձնասպանական գործողութիւններով, ճամբու եզերքի ռումբերով եւ փոքր բանակներով:

22 Դեկտեմբեր 2011-ին, ականուած ինքնաշարժներով եւ պայթուցիկ գործիքներով յարձակումներ կատարուած են Պաղտատի տարբեր թաղամասերուն մէջ՝ պատճառելով նուազագոյն 63 զոհ եւ 180 վիրաւոր: Այս մէկը կատարուեցաւ ԱՄՆ-ի զինուորներու նահանջէն քանի մը օր ետք: 26 Դեկտեմբերին, Իրաքի իսլամական պետութիւնը համացանցի ժիհատական ֆորումներու վրայ հրատարակած է խօսք մը, որ կը հաստատէ կատարուած գործողութիւնները եւ Պաղտատի յարձակման թիրախները ճշդօրէն ուսումնասիրուած էր եւ գործողութիւնները բաժնուած էին թիրախներու ապահովական կեդրոններու, զինուորական պահակներու եւ Ալ Տաժժալ բանակի հաւաքուելու վայրերուն մէջ՝ այս մէկը վերագրելով Մուքթատա Ալ Սատրի Մահտի բանակին:

2 Դեկտեմբեր 2012-ին, իրաքցի պաշտօնեաներ ըսած են, որ անոնք Պաղտատի մէջ ձերբակալած են Ալ Պաղտատին, 2 ամիս անդադար գործողութիւններէ ետք: Անոնք նաեւ ըսած են, թէ անոնք ձեռք բերած են ցուցակ մը, որ կընդգրկէ Ալ Քայիտայի այլ գործակալներուն անունները եւ իրենց գտնուած վայրերը: Բայց, այս մէկը հերքուած է Իրաքի իսլամական պետութեան կողմէ: 7 Դեկտեմբեր 2012-ին, Ալ Ժազիրայի հետ հարցազրոյցի ժամանակ, Իրաքի ներքին գործոց նախարարը ըսած է, թէ բանտարկուողը Ալ Պաղտատի չէր, այլ՝ հատուածի մը հրամանատարը, որ ամբաստանուած է Պաղտատի հիւսիսէն դէպի Թաժի տանող շրջանէն:



                                     

4.1. Իրաքի եւ Արեւելքի Իսլամական Պետութեան Ղեկավար Դէպի Սուրիա ընդարձակում եւ Ալ Քայիտայէն բաժանում

Ալ Պաղտատի մնաց Իրաքի իսլամական պետութեան ղեկավարը մինչեւ իր պաշտօնական ընդարձակումը դէպի Սուրիա՝ 2013, երբ, 8 Ապրիլ 2013-ի խօսքի մը մէջ կը յայտարարէ Իրաքի եւ Արեւելքի Իսլամական Պետութեան կազմութիւնը՝ արաբերէն թարգմանուած որպէս Իրաքի եւ Սուրիոյ Իսլամական Պետութիւն կամ ՏԱՀԵՇ:

Կազմակերպութեան կազմութեան ժամանակ, Ալ Պաղտատի ըսած է, թէ Սուրիոյ պատերազմի ժիհատական խումբերէն Ժապհաթ Ալ Նուսրա Սուրիոյ մէջ ընդարձակումն է Իրաքի իսլամական պետութեան եւ ՏԱՀԵՇի իշխանութեան տակ պիտի ըլլայ: Ժապհաթ Ալ Նուսրայի ղեկավար Ապու Մուհամետ Ալ Ժուլանի վիճած է այս հարցին շուրջ: Ուստի, Ալ Քայիտա էմիր Այման Ալ Զաուահիրի կատարեց յայտարարութիւն մը, ըստ որուն ՏԱՀԷՇ պէտք է վերանար եւ Ալ Պաղտատի իր գործունէութիւնը շարունակէ միայն Իրաքի մէջ: Սակայն, Ալ Պաղտատի անտեսեց Ալ Զաուահիրիի իշխանութիւն եւ իր ենթակայ դարձուց Ժապհաթ Ալ Նուսրայի օտար կռուողներուն 80 առ հարիւրը: Յունուար 2014-ին, ՏԱՀԵՇ սուրիական Րաքքա քաղաքէն վտարեց Ժապհաթ Ալ Նուսրան եւ նոյն ամսուան ընթացքին այս երկու կազմակերպութիւններու միջեւ Տէր Զօրի կռիւները պատճառ դարձան հարիւրաւոր կռուողներու մահուան եւ տասը հազարաւոր քաղաքացիներու տեղահանութեան: Փետրուար 2014-ին, Ալ Քայիտա իր յարաբերութիւնները խզեց ՏԱՀԵՇ-ի հետ:

Կարգ մը արեւելեան աղբիւրներու համաձայն, Ալ Պաղտատի եւ ՏԱՀԵՇ գաղտնի նիւթական օժանդակութիւններ ստացած են Սէուտական Արաբիոյ եւ Քաթարի քաղաքացիներէն եւ զինուորագրած է նոր կռուողներ՝ մասնաւորապէս Սէուտական Արաբիայէն:



                                     

4.2. Իրաքի եւ Արեւելքի Իսլամական Պետութեան Ղեկավար Խալիֆայութեան Հռչակում

29 Յունիս 2014-ին, ՏԱՀԵՇ յայտարարեց համաշխարհային խալիֆայութեան հռչակումը: Ալ Պաղտատի, որ դարձաւ անոր խալիֆան՝ "խալիֆ Իպրահիմ" անունով եւ ՏԱՀԵՇ իր անունը փոխեց Իսլամական Պետութեան: Այս շարժումներու վաւերականութեան շուրջ բազմաթիւ քննարկումներ կատարուած են, յատկապէս՝ իսլամական աշխարհին մէջ:

Խալիֆայութեան հռչակումը խստօրէն քննադատուած է Միջին Արեւելքի կառավարութիւններու, այլ ժիհատական խումբերու եւ Սուննի իսլամ աստուածաբաններու եւ պատմագէտներու կողմէ: Քաթարի մէջ գործող պատկերասփիւռի կայանի հաղորդավար եւ աստուածաբան Եուսուֆ Ալ Քարատաուի ըսած է. "Իսլամական պետութեան հռչակումը ոչնչութիւն է շարիա օրէնքին եւ վտանգաւոր հետեւանք ունի Իրաքի սուննիներուն եւ Սուրիոյ պատերազմին" ՝ աւելցնելով, որ "խալիֆ" անունը կրնայ աւելնալ ամբողջ իսլամ պետութեան կողմէ եւ ոչ թէ խումբի մը:

իբրեւեւ խալիֆ, Ալ Պաղտատի պէտք է հետեւի Սուննայի կանոններուն, որոնք դրուած եւ արձանագրուած են "սահիհ հատիթ" -ի մէջ։ Ըստ մշակոյթին, եթէ խալիֆ մը որեւէ ժամանակ այս օրէնքներուն չհետեւի, ապա ան պէտք է հրաժարի իր պաշտօնէն եւ հասարակութիւնը խալիֆայութենէն կընտրէ նոր խալիֆ մը, որ ամէնէն հաւատացեալ եւ հոգեւորական անձը կըլլայ: Ալ Պաղտատիի խալիֆի կարգավիճակը բաղդատուած է հարցականի տակ առնուած այլ խալիֆայութիւններու հետ՝ իր խալիֆայութեան ժխտումի պատճառով:

Ձայնային նամակի մը մէջ, Ալ Պաղտատի յայտարարած թէ ՏԱՀԵՇ պիտի արշաւէ դէպի "Հռոմ" ՝ այսինքն արեւմուտք, որպէսզի Միջին Արեւելքէն Եւրոպա տարածուող Իսլամական պետութիւն մը հիմնէ: Ան ըսած է, որ այս շարժումին պիտի գրաւէ Հռոմն ու Սպանիան եւ ամբողջ աշխարհի իսլամներուն ստիպած է, որ գաղթեն դէպի նոր Իսլամական պետութիւն:

8 Յուլիս 2014-ին, ՏԱՀԵՇ համացանցի վրայ հրատարակեց Տապիք պարբերաթերթը: Կերեւի, թէ այս վերնագիրը ընտրուած է Մալահիմի կամ Վերջին ժամանակներուն իսլամական տարբերակին հետ յետնաբանական կապերուն պատճառով:

Հոկտեմբեր 2014-ին, ըստ տեղեկագրութեան մը, վիրաւորուելէ ետք Ալ Պաղտատի ձգած է ՏԱՀԵՇ-ի մայրաքաղաք Ռաքքան՝ Հակառակորդ ուժերու անդադար ռմբակոծումներուն պատճառով եւ հաստատուած է Իրաքի Մոսուլ քաղաքին մէջ, որ այդ ժամանակ ՏԱՀԵՇ-ի ենթակայ մեծագոյն քաղաքն էր:

5 Նոյեմբեր 2014-ին, Ալ Պաղտատի Ալ Քայիտայի էմիր Այման Ալ Զաուահիրիի ուղարկած է նամակ մը, որուն մէջ կառաջարկէ անոր հնազանդութիւն խալիֆայութեան՝ ՏԱՀԵՇ-ի մէջ պաշտօնի մը համար: Այս լուրը հաղորդուած է Թալիպանի տեղեկատուութեան բարձրաստիճան պաշտօնեաներէն մէկը: Ալ Զաուահիրի պատասխան չէ տուած եւ իր երախտագիտութիւնը յայտնած է Մուլլահ Օմարի:

7 Նոյեմբեր 2014-ին, ոչ հաստատուած տեղեկագրութիւններ հաղորդած են, թէ Պաղտատի սպաննուած Մուսուլի մէջ օդային հարուածէ մը, այլ տեղեկութիւններ ալ ըսած են, թէ ան վիրաւորուած է:

20 Յունուար 2015-ին, Սուրիական մարդկային իրաւունքներու դիտարանը տեղեկացուց, որ Ալ Պաղտատի օդային հարուածէ մը վիրաւորուած է Ալ Քայիմի մէջ, որ ՏԱՀԵՇ-ի տիրապետութեան տակ գտնուող իրաքեան սահմանի վրայ կը գտնուէր: Այս պատճառով, ան կը քաշուի Սուրիա:

8 Փետրուար 2015-ին, երբ Յորդանան արձակած է 56 օդային սարքեր, որոնք 5-էն 7 Փետրուար երկարող ժամանակաշրջանին պատճառած 7.000 զինեալներու մահ, ըսուած է, թէ Ապու Պաքր Ալ Պաղտատի Պաղտատէն Մուսուլ փախած է՝ վախնալով իր կեանքէն: Սակայն, երբ Փաշմերկայի աղբիւր մը ԱՄՆ-ի յարձակողներուն յայտած է, թէ Ալ Պաղտատի Մուսուլի մէջ է, ԱՄՆ-ի յարձակողները 2 ժամ անդադար ռմբակոծած է այն վայրերը, ուր ՏԱՀԵՇ-ի ղեկավարներ կը գտնուին:

14 Օգոստոս 2015-ին, հաղորդուած թէ Ալ Պաղտատի ամերիկացի պատանդ Քայլա Միուլըրը յայտարարած է իր "կինը" եւ՝ անդադար զայն բռնաբարած: ՏԱՀԵՇ-ի ընկերային էջերէն մէկէն ի յայտ եկաւ թէ Միուլըր սպաննուած է Փետրուար 2015-ին՝ ՏԱՀԵՇ-ի հակառակորդ խումբերէն մէկուն արձակած օդային հարուածէ մը. սակայն, այլ աղբիւրները կը հաղորդեն, թէ Միուլըր ՏԱՀԵՇ-ի կողմէ սպաննուած է:

                                     

4.3. Իրաքի եւ Արեւելքի Իսլամական Պետութեան Ղեկավար Աղանդաւորութիւն եւ Աստուածապետութիւն

Կըսուի, թէ Ալ Պաղտատի իր անունը առած է իսլամական առաջին խալիֆէն՝ Ապու Պաքրէն, որ առաջնորդած է "Ճիշդ ուղեւորները" կամ արաբերէնով՝ "Ռաշիտուն" -ը: Ըստ Սուննի իսլամական մշակոյթին, Ապու Պաքր կը փոխարինէր Մուհամետ Մարգարէն, երբ ան անհանգստանար: Պատմագէտներ "Ռաշիտուն" կը կոչեն նաեւ Սիֆֆինի Պատերազմի ժամանակ Սուննի եւ Շիա իսլամականներու առաջին բախումին: բազմաթիւ հրատարակիչներ կապ մը գտած են այդ հին դէպքերուն եւ այսօրուան ԱլՊաղտատիի սալաֆիութեան եւ խալիֆայութեան: aims under al-Baghdadis rule.

ՏԱՀԵՇ-ի կայուն իշխանութեան, աստուածապետութեամբ զբաղող կղերականներու թիւի աճման եւ խումբին Քուրաանի մէջ գրուածի կառավարման օրինաձեւին պատճառով՝ կարգ մը վերլուծաբաններ Ալ Պաղտատին յայտարարած են աստուածապետ, իսկ ՏԱՀԵՇ-ը՝ Աստուածապետութիւն: Դարաւոր կեդրոններու աղեհանութիւնը, խիստ "շարիա" օրէնքներու հաստատումը եւ խումբին իշխանութեան տակ գտնուող շրջաններու խալիֆայութեան եւ Սուննիացութիւնը կը հաստատեն ապակրօնականութեան բացակայութիւնը: Յուլիս 2015-ին՝ ջարդերու եւ մահապատիժներու տեսերիզներու տարածումը արգիլելէ ետք, լրագրող մը Ալ Պաղտատի նկարագրած է լաւ եւ բարի կողմ ցոյց տուող:

                                     

4.4. Իրաքի եւ Արեւելքի Իսլամական Պետութեան Ղեկավար 13 Նոյեմբեր 2014

ՏԱՀԵՇ հրապարակեց ձայնային արձանագրութիւն, որուն մէջ խօսած է Ալ Պաղտատի: 17 վայրկեան տեւողութեամբ ընկերային ցանցերու վրայ տեղադրուած արձանագրութեան մէջ, խօսողի կըսէ, թէ ՏԱՀԵՇ-ի կռուողները կռիւը պիտի չդադրեցնեն՝ նոյնիսկ եթէ մէկ զինուոր մնայ: Խօսողը Իսլամական պետութեան քաջալերողներուն ստիպած է "ժիհատի հրաբուխները ժայթքել" աշխարհի բոլոր կողմերը: Ան ըսած է, թէ յարձակումներ տեղի պիտի ունենան Սէուտական Արաբիոյ մէջ, սէուտցի ղեկավարները նկարագրած է որպէս "օձերու պետ" եւ ըսած թէ ԱՄՆ-ի կողմէ զինուորական շարժումը Սուրիոյ եւ Իրաքի մէջ ձախողած են: Ան նաեւ ըսած է, որ ՏԱՀԵՇ պիտի շարունակէ առաջ երթալ, "պիտի կտրէ" Յորդանանի եւ Լիբանանի սահմանները եւ "ազատագրել Պաղեստինը": 2014-ին, Ալ Պաղտատի նաեւ ըսած է, թէ իսլամական ժիհատականները երբեք պիտի չվարանին Իսրայէլը ջնջելու՝ անոր ԱՄՆ-ի աշակցութիւնը վայելելուն պատճառով:

                                     

4.5. Իրաքի եւ Արեւելքի Իսլամական Պետութեան Ղեկավար 14 Մայիս 2015

14 Մայիս 2015-ին, ՏԱՀԵՇ տեղադրած է ձայնային նամակ մը, որ ըստ իրենց Ալ Պաղտատիի կողմէ է: Արձանագրութեան մէջ Ալ Պաղտատի կը ստիպէ իսլամներուն, որ գաղթեն դէպի Իսլամական պետութիւն եւ Իրաքի ու Սուրիոյ կռիւին միանան: Ան նաեւ դատապարտած է Եմէնի մէջ սէուտցիներու պատատումը եւ ըսած է, թէ այս խնդիրը պիտի մղէ սէուտական թագաւորական ընտանիքին անկման: Ան նաեւ յայտնած է, թէ Իսլամութիւնը երբեք խաղաղութեան կրօնք չէ, այլ ատիկա "կռիւի կրօնք է": Պաշտօնական գնարկում մը կատարուած է, որ այս խօսքը փաստած է, որ Ալ Պաղտատի մնացած է իշխանութեան գլուխը կամ ազդեցութիւն բանեցնել ՏԱՀԵՇ-ի վրայ: Assessment was made that this statement proved that al-Baghdadi remained in control or influencing ISIL.

                                     

4.6. Իրաքի եւ Արեւելքի Իսլամական Պետութեան Ղեկավար 26 Դեկտեմբեր 2015

Այս թուականին, հրապարակուած է մօտաւորապէս 23 վայրկեան տեւողութեամբ ձայնային արձանագրութիւն մը, որ կը ներառէ խաչակիրներու եւ հրեաներու մասին մեկնաբանութիւններ, որոնք այս վերջին երկուքէն կը վերաբերէր հրեայ անձերու:

                                     

4.7. Իրաքի եւ Արեւելքի Իսլամական Պետութեան Ղեկավար 2 Նոյեմբեր 2016

Այս թուականին հրապարակուած է ձայնային արձանագրութիւն մը, որուն մէջ կըսուի, թէ ՏԱՀԵՇ պէտք ունի Մուսուլի մէջ իր ուժերը պահպանելու եւ թէ Իսլամական պետութեան ուժերը պէտք է կռուին շիաներուն եւ ալաուիներուն դէմ, որպէսզի Սէուտական Արաբիոյ եւ Թուրքիոյ դէպ կռուելու եւ, որպէսզի անհատներ նահատակուին Լիպիոյ մէջ։ Հաղորդագրութիւնը կը պարունակէ պարսիկ Սալմանէն խօսք մը, որ կըսէ, թէ ցերեկ մը եւ գիշեր մը իսլամութեան համար կռուիլը աւելի պատուաւոր է քան մէկ ամիս պահեցողութիւն կատարելը:"

                                     

4.8. Իրաքի եւ Արեւելքի Իսլամական Պետութեան Ղեկավար 28 Սեպտեմբեր 2017

Այս թուականին, ՏԱՀԵՇ զինեալ խմբաւորումը իր Ալ Ֆուրքան լրատու աղբիւրի կայքին վրայ հրատարակած է 46 վայրկեան տեւողութեամբ ձայներիզ մը, որուն մէջ կը խօսի Ապու Պաքր Ալ Պաղտատի: Ձայնագրութեան թուականը յայտնի չէ, բայց Ալ Պաղտատի անդրադարձած է Հիւսիսային Քորէայի սպառնացումը ԱՄՆ-ի եւ Ճափոնի:

Ձայներիզին մէջ, ան նաեւ անդրադարձած է մօտաւորապէս մէկ տարի տեւած Մուսուլի կռիւներուն, ուրկէ անոնք դուրս դրուեցան 10 ամիս կռուելէ ետք: Ան իր խօսքին մէջ նշած է Համայի մէջ տեղի ունեցած կռիւներուն, որոնց ընթացքին նոյնպէս՝ խմբաւորումը Իրանի կողմնակից կռուղներէն դուրս դրուած է քաղաքէն:

Ան ըսած է. "Մուսուլի կռուողներու մերժած են յանձնուիլ՝ ի գին իրենց արեան եւ դիակին, միայն մէկ տարի կռուելէ ետք":

                                     

4.9. Իրաքի եւ Արեւելքի Իսլամական Պետութեան Ղեկավար 23 Օգոստոս 2018

Իր վերջին ձայներիզէն մօտաւորապէս տարի մը ետք, կը հրատարակուի նոր ձայներիզ մը, որուն մէջ Պաղտատիի հետեւորդներուն կոչ կուղղուի տոկալ՝ հակառակ Իրաքի եւ Սուրիոյ մէջ ունեցած ծանր կորուստներուն, ինչպէս նաեւ կը մղէ նոր ահաբեկչական յարձակումներու աշխարհի չորս կողմը: Ան նաեւ կանդրադառնայ օրուան վերջին իրադարձութիւններուն, ինչ որ կը փաստէ, թէ ձայներիզը նոր արձանագրուած է: բազմաթիւ մասնագէտներ կը կարծեն, որ այդ երիզին մէջի ձայնը Պաղտատին է, որովհետեւ կը նմանէր անոր նախկին ձայներիզներուն ձայնին:

                                     

4.10. Իրաքի եւ Արեւելքի Իսլամական Պետութեան Ղեկավար 29 Ապրիլ 2019

29 Ապրիլ 2019-ին, ՏԱՀԵՇ-ի հաղորդակցութեան ցանցին կողմէ հրապարակուած 18 վայրկեան տեւողութիւն ունեցող տեսերիզին մէջ կերեւի Ապու Պաքր Ալ Պաղտատին: Այսպիսով հինգ տարի ետք, ան դարձեալ կերեւի հանրութեան: Տեսերիզին մէջ Պաղտատի կերեւի զէնքով մը ու կը խօսի օրուան իրավիճակին մասին, ինչպէս՝ Պաղուզ Ֆաուքանիի մէջ Իսլամական Պետութեան պարտութեան, Սրի Լանքայի ռմբակոծումներուն եւ Սուտանի ու Ալճերիոյ նախագահներուն գահընկեց ըլլալուն մասին: Կարելի է ըսել, որ տեսերիզը նկարահանուած է անոր հրապարակումէն մօտաւորապէս շաբաթ մը առաջ:

                                     

4.11. Իրաքի եւ Արեւելքի Իսլամական Պետութեան Ղեկավար 16 Սեպտեմբեր 2019

16 Սեպտեմբեր 2019-ին, Պաղտատի կը հրապարակէ ձայնային հաղորդագրութիւն մը, որուն մէջ կոչ կուղղէր ՏԱՀԷՇ-ի բանտարկեալներն ու իրենց ընտանիքները, ինչպէս Շամիմա Պեկումը, ազատել Իրաքի եւ Սուրիոյ բանտերէն: Անիկա արձանագրուած ու հրատարակուած էր Ալ-Ֆուրքան Հաղորդագրութեան Կազմակերպութեան կողմէ:

                                     

4.12. Իրաքի եւ Արեւելքի Իսլամական Պետութեան Ղեկավար Ժառանգութիւն

Օգոստոս 2019-ին Պաղտատի կը յայտարարէ, թէ իրաքցի զինեալ Ապտուլլահ Քարտաշ պիտի ըլլայ իր ժառանգորդը:

                                     

5. Իբրեւ Համաշխարհային Ահաբեկիչ Արձանագրուած

ԱՄՆ-ի պետութեան բաժանմունքին կողմէ Ապու Պաքր Ալ Պաղտատի արձանագրուած է իբրեւեւ մասնաւոր անուանի համաշխարհային ահաբեկիչ: Այս անուանումը անցած է 11 Սեպտեմբեր 2001-ի դէպքերէն ետք՝ Ճորճ Պուշի կողմէ՝ իբրեւեւ ԱՄՆ-ի հարստութիւններու բաժանմունքի Արտաքին պահանջքներու հսկողութեան գրասենեակի թիւ 13224 հրաման 23 Սեպտեմբեր 2001-ին, եւ այս մէկը սկսած է ի գործ դրուիլ 24 Սեպտեմբեր 2001-ի արեւելեան ժամով կէս գիշերի ժամը 12:01-ին: ԱՄՆ-ի արդարութեան համար գնահատագիրի բաժանմունքը նշած է, թէ Ապու Պաքր Ալ Պաղտատի ՏԱՀԵՇ ահաբեկչական կազմակերպութեան գերագոյն ղեկավարն է եւ պարփակուած է Իրաքի մէջ զանազան յարձակումներու՝ 2011-էն ի վեր՝ իբրեւեւ ՏԱՀԵՇ-ի ղեկավար, պատճառ դարձած է Միջին Արեւելքի մէջ հազարաւոր քաղաքացիներու մահուան, ինչպէս նաեւ Ճափոնէն, Միացեալ Թագաւորութենէն եւ ԱՄՆ-էն առեւանգուածներու սպաննութեան:

                                     

5.1. Իբրեւ Համաշխարհային Ահաբեկիչ Արձանագրուած Կարծուած Վայր

Ալ Պաղտատի մեծագոյն թիրախն է ՏԱՀԵՇ-ի դէմ պատերազմին: ԱՄՆ-ի գաղտնի սպասարկութիւնը կը կարծէ, թէ ան Ռաքքայի մէջ կը գտնուի, եւ շատ մէջտեղ չելլեր ու կը մնայ քաղաքացիներուն մէջ պահուըտած: Կը կարծուի, որ ՏԱՀԵՇ տեղակայուած է Ռաքքայի կարգ մը շէնքերու մէջ, բայց քաղաքացիներուն գլխաւոր դերոններուն մօտ գտնուիլը թոյլ չտար այս տեղերը թիրախ դարձնելու: Փետրուար 2016-ին, շրջանառած են նկարներ, որ հաւանաբար ան ներկայացած ժողովուրդին Ֆաժուլլահ մղկիթին մէջ:

7 Փետրուար 2017-ին հաղորդուած է, որ Հայտեր Ալ Ապատի ըսած է, թէ գիտէ Ալ Պաղտատիի գտնուած վայրը: Միացեալ Ձեռնարկի ուժէն Քոլոնել Ճոն Տորիըն ըսաղ է, թէ Ալ Պաղտատի կրնայ անձնասպանական գօտիով քնացած ըլլայ, որպէսզի հարկ եղած ժամանակ գործածէ զայն, մանաւանդ երբ ինքզինք ձերբակալուած գտնէ:

                                     

6. Պաղտատիի Մահուան, Վիրաւորանքին Եւ Բանտարկութեան Մասին Հաղորդագրութիւններ

Ընկերային ցանցերու համաձայն, 18 Մարտ 2015-ին սուրիական սահմանի Նինուէ մարզի Ալ Պաաժ շրջանին մէջ հակառակորդի օդային սարքէ մը վիրաւորուած է Ապու Պաքր Ալ Պաղտատի: Ան շատ ահաւոր վիրաւորուած պէտք էր ըլլար, որովհետեւ ՏԱՀԵՇ-ի ղեկավարները ժողով մը գումարած են՝ որոշելու համար իր յաջորդը: Ըստ տեղեկութիւններու, 22 Ապրիլին Ալ Պաղտատիի վիճակը տակաւին չէր բարելաւուած ՏԱՀԵՇ-ը ղեկավարելու համար: ԱՄՆ-ի պաշտպանութեան բաժանմունքը ըսած է, որ Ալ Պաղտատի օդային հարուածներու թիրախ չէ եւ պատճառ չունինք հաւատալու, որ ատիկա Պաղտատին էր:" 22 Ապրիլ 2015-ին, իրաքեան կառավարութեան աղբիւրներ տեղեկացուցած են, որ Ապու Ալա Ալ Աֆրի՝ նախկին բնագիտութեան ուսուցիչ մը, որ ինքզինք Ալ Պաղտատիի տեղակալը հռչակած է, ստանձնած է ղեկավարութեան պաշտօնը՝ մինչեւ Սլ Պաղտատիի վիճակի բարելաւումը:

Ապրիլ 2015-ին, "Տը կարտիըն" հաղորդած է, որ Ալ Պաղտատի կը դարմանուի՝ Մուսուլի մէջ 18 Մարտ 2015-ին օդային սարքէ մը ծանրօրէն վիրաւորուած ըլլալուն պատճառով: Նաեւ հաղորդուած է, որ ողնահարի գործողութիւն մը զինք դարձուցած անդամալոյծ եւ ան պիտի չկարենայ ամբողջականօրէն ղեկավարել կազմակերպութիւնը: 13 Մայիսին, ՏԱՀԵՇ-ի զինեալներ սպառնացած են, թէ պիտի լուծեն Ալ Պաղտատիի վրէժը, որ իրաքեան պաշտպանութեան նախարարութիւնը կը կարծէ, որ կատարուած է Եւրոպայի մէջ՝ յարձակումներով:

11 Հոկտեմբեր 2015-ին, Իրաքի օդային ուժը ըսած է, որ Անպար շրջանին մէջ, որ սուրիական սահմանին մօտ կը գտնուի, ռմբակոծած է Ալ Պաղտատին փոխադրող սարքը, երբ ան Քերապլա կուղուէր ՏԱՀԵՇ-ի ժողովի մը ներկայ գտնուելու համար. այդ տեղը նոյնպէս ռմբակոծուած է: Անոր ճակատագրին մասին բան չէ հաղորդուած: Կային տարակարծութիւններ, ըստ որոնց, Ալ Պաղտատի այն ժամանակ այդ փոխադրամիջոցին մէջ չէր գտնուէր:

9 Յունիս 2016-ին, Իրաքի պետական պատկերասփիւռի կայանը հաղորդած է, որ Ալ Պաղտատի հիւսիսային Իրաքի մէջ ամերիկեան օդային սարքէ մը վիրաւորուած է: Հակառակորդ հաղորդողները ըսած են, թէ չեն կրնար լուրը հաստատել:

14 Յունիս 2016-ին, Միջին Արեւելեան ցանցեր յայտնած են, թէ 12 Յունիսին Ալ Պաղտատի ամերիկեան օդային սարքով սպաննուած է: Հակառակորդ կողմի հաղորդավարները ըսած են, որ չեն կրնար լուրը հաստատել: Սակայն "Տը ինտիփենտընթ" ետքը յայտնած է, որ տարածուած են նկարներ, որոնք կը կարծուին, թէ ՏԱՀԵՇ-ի են, եւ այս մէկուն պատճառով Ալ Պաղտատիի սպաննութեան լուրը մէջտեղ ելած է:

3 Հոկտեմբեր 2016-ին, շարք մը լրատու աղբիւրներ յայտնած են, որ Ալ Պաղտատի եւ 3 այլ ՏԱՀԵՇ-ի ղեկավարներ ահաբեկիչի մը կողմէ թունաւորուած են, բայց տակաւին ողջ են:

18 Ապրիլ 2017-ին, կարգ մը լրատու աղբիւրներ յայտնած են, թէ Ալ Պաղտատի ձերբակալուած է Սուրիոյ մէջ։ Ըստ Եւրոպական Ապահովական եւ Տեղեկատուական բաժանմունքին, կարգ մը ցանցեր յայտնած են, թէ Ալ Պաղտատի ձերբակալուած է սուրիական եւ ռուսական միացեալ ուժերու կողմէ: Սակայն, Ռուսաստանի արտաքին գործոց նախարարը Ռուտոյի ըսաւ, որ իրենք տեղեակ չէին լուրէն եւ բանտարկութենէն:

11 Յունիս 2017-ին, Սուրիոյ պետական պատկերասփիւռի կայանը յայտնած է, թէ Ալ Պաղտատի ԱՄՆ-ի կողմէ արձակուած հրետանիի հարուածով մը սպաննուած է:

16 Յունիս 2017-ին, ռուսական աղբիւրներ հաղորդած են, որ Ալ Պաղտատի ՏԱՀԵՇ-ի այլ 30 ղեկավարներու եւ 300 կռուողներու հետ կրնայ սպաննուած ըլլալ ռուսական օդային հարուածէ մը՝ 28 Մայիսին, Ռաքքայի մէջ: Ռուսական այս տեղեկութիւնը "Ռաքքան Լուռ Կը Ջարդուի" -ի եւ "ՍՈՀՐ" -ի յայտնածներու չէ համապատասխանած. անոնք տեղեկացուցած են, որ գտած են 17-18 զոհուած քաղաքացիներ եւ թերեւս 10 ՏԱՀԵՇ-ի անդամներ օդային հարուածէ սպաննուած՝ 28 Մայիսին, Ռաքքայի հարաւը: ԱՄՆ կասկած կը յայտնէ՝ պատճառաբանելով անկախ փաստերու պակասը: The United States cast doubt on the claim, noting a lack of independent evidence.

23 Յունիս 2017-ին, ռուս քաղաքագէտ Վիքթոր Օզերով յայտնած է, թէ Ալ Պաղտատի մահուան լուրը մօտաւորապէս 100 տոկոս ճիշդ է: Ապա, Իրան հաստատած է ռուսական լուրը՝ աւելցնելով, որ Ալ Պաղտատի սպաննուած օդային հարուածէ մը:

29 Յունիս 2017-ին, Իսլամական Հանրապետութեան լրատու գործակալութիւնը եւ Իրանի կառավարութեան պաշտօնական ցանցը հրատարակեցին յօդուա մը՝ վկայելով իրանեան ղեկավար Այաթոլլահ Ալի Խամէնէն Քուտս ուժին հետ՝ նշելով, որ Ալ Պաղտատի շատ հաւանաբար մահացած է: Իսլամական Հանրապետութեան լրատու գործակալութիւնը այս վկայակոչումը կը վերցնէ այս յօդուածի նորացուած ձեւին մէջ:

11 Յուլիս 2017-ին, իրաքեան Ալ Սումարիա լրատու գործակալութիւնը իր կայքին վրայ յայտնած է, թէ ՏԱՀԵՇ Թել Աֆարի մէջ տարածած կարճ հաղորդագրութիւն մը, ըստ որուն, Ալ Պաղտատի մահացած է: Սուրիական Մարդկային իրաւունքներու դիտարանը յայտնած է, թէ ինք հաստատած է մահուան լուրը: ԱՄՆ-ի պաշտպանութեան բաժանմունքը յայտնած է, թէ ինք կը փորձէր նոր լուրը հաստատել: Քրտական ահաբեկչական պաշտօնեայ Լահուր Թալապանի Ռոյթըրզի յայտնած է, թէ ինք 99 առ հարիւր վստահ է, որ Ալ Պաղտատի ողջ է եւ պահուըտած է Ռաքքայի մէջ:



                                     

7.1. Անձնական Կեանք Ասմա Ֆաուզի Մուհամետ Ալ Տուլայմի եւ Իսրաա Ռաժապ Մահալ Ա Քայսի

Ռոյթըրզ՝ վկայակոչելով Իրաքի մէջ ցեղախմբային աղբիւրներ, յայտնած է, որ Պաղտատի ունի երեք կին՝ 2 իրաքցի 1 սուիրացի: Իրաքի ներքին գործոց նախարարը յայտնած է, թէ Ալ Պաղտատի ունի երկու կին՝ Ասմա Ֆաուզի Մուհամետ Ալ Տուլայմի եւ Իսրաա Ռաժապ Մահալ Ա Քայսի: Սակայն, 2016-ին, Ֆոքս Նիուզ հաղորդած է՝ հիմնուելով տեղական աղբիւներէ, թէ Սաժա Ալ Տուլայմի Ալ Պաղտատիի ամէնէն զօրաւոր կինն է:

                                     

7.2. Անձնական Կեանք Տիէն Քրուկեր

Ապրիլ 2015-ին, կարգ մը ցանցեր յայտնած են, թէ 31 Մարտին Ալ Պաղտատի ամուսնացած է գերմանացի պատանուհիի մը հետ: 28 Փետրուար 2016-ին, իրաքեան լրատու աղբիւրներ յայտնած է, թէ ինք 2 այլ կիներու հետ ձգած է ՏԱՀԵՇ-ը եւ գացած է Իրաք: Իր անունը Տիէն Քրուկեր էր:

Իսրայէլի Ազգային լուրերու հաղորդագրութիւն մը յայտնած է, թէ Տիէն Քրուկըր ամուսնացած է Հոկտեմբեր 2015-ին, Նինուէ նահանգին մէջ:

                                     

7.3. Անձնական Կեանք Սուժիտա Ալ Տուլայմի

Ըստ բազմաթիւ աղբիւրներու, Սուժիտա Ալ Տուլայմի՝ կամ Սաժա, ըստ այլ աղբիւրներու, Ալ Պաղտատիի կինն է կամ էր։ Հաղորդուած է, որ զոյգը զիրար համացանցի վրայ ծանօթացած եւ սիրահարուած է: 2013-ի վերջաւորութեան կամ 2014-ի սկիզբը, Տուժիտա Ալ Տուլայմի Սուրիոյ մէջ ձերբակալուած է եւ ազատ արձակուած է Մարտ 2014-ին, իբրեւեւ փոխանակում 13 մայրապետներու, որոնք Ալ Քայիտայի կապուած զինեալներու մօտ կը գտնուէին: Նոյն ամսուան ընթացքին, ազատ արձակուեցան իր երկու որդիները եւ կրսեր եղբայրը: Իրաքի ներքին գործոց նախարարը յայտնած է, որ Սաժա Ալ Տուլայմի անունով կին չկայ:

Ալ Տուլայմիի ընտանիքը կը հաւատայ ՏԱՀԵՇ-ի գաղափարախօսութեան: Հայրը՝ Իպրահիմ Տուլայմի, որ սպաննուած է Սեպտեմբեր 2013-ին, Տէր Աթիէի մէջ սուրիական բանակին դէմ գործողութեան ժամանակ, ՏԱՀԵՇ-ի էմիրն էր Սուրիոյ մէջ։ Քոյրը՝ Տուաա պատասխանատու էր անձնասպանական գործողութեան, որ թիրախ դարձուցած էր Էրպիլի մէջ քրտական հաւաքոյթ մը: Իրաքի ներքին գործոց նախարարը ըսած է, թէ իր եղբայրը Իրաքի մէջ մահապատիժի ենթարկուած է՝ հարաւային Իրաքի մէջ շարք մը տեղեր ռմբակոծելու պատճառով: Սակայն, Իրաքի կառավարութիւնը յայտնած է, թէ Ալ Տուլայմի Ալ Քայիտայի կապուած Սուրիոյ մէջ Ժապհաթ Ալ Նուսրայի անդամի մը աղջիկն է:

Նոյեմբեր 2014-ի վերջաւորութեան, Ալ Տուլայմի իր երկու որդիներուն եւ դուստրին հետ ձերբակալուած է եւ հարցաքննութեան ենթարկուած է Լիբանանի կառավարութեան կողմէ: Անոնք սխալ թուղթերով կը ճամբորդէին: Պզտիկները մնացած են մանկատան մը մէջ իսկ ինք՝ հարցաքննուած:

Այս ձերբակալումը արդիւնքն էր Լիբանանի, Սուրիոյ եւ Իրաքի գաղտնի սպասարկութիւններուն: Անյայտ սպասարկութիւն մը "Նիւ Եորք Թայմզ" -ի յայտնած է, թէ Իրաքի Պատերազմի ժամանակ, երբ ամերիկացիները ձերբակալեցին Իրաքի մէջ Ալ Քայիտայի ղեկավարին՝ Ապու Մուսապ Ալ Զարքաուիի կինը, շատ քիչ տեղեկութիւն ստացանք, եւ երբ ետ ղրկեցին, Զարքաուի սպաննեց զինք: Դեկտեմբեր 2014-ի դրութեամբ, Ալ Պաղտատիի ընտանիքը լիբանանեան իշխանութիւններուն կողմէ նախատեսուած էին իբրեւեւ գերիները փոխանակող անձեր:

Ալ Տուլայմիի եւ Ալ Պաղտատիի միջեւ կապին մասին "Էմ.Թի.Վի." պատկերասփիւռի կայանէն շատ յստակ բացատրութիւն տուած է Լիբանանի ներքին գործոց նախարար Նոհատ Մաշնուք՝ ըսելով, որ Տուլայմի այժմ Ալ Պաղտատիի կինը չէ: Ան ամուսնացած է երեք անգամ. առաջին անգամ նախկին Իրաքի վարչակարգէն անձի մը հետ, որմէ ունի երկու որդի: Կարգ մը աղբիւրներ յայտնած են, թէ առաջին ամուսինին անունը Ֆալլահ Իսմայիլ Ժասըմ է, որ անդամ եղած է "Ռաշիտին" բանակին եւ սպաննուած է 2010-ին՝ Իրաքի բանակին հետ պատերազմի մը ընթացքին: Մաշնուք աւելցուցած է, որ վեց տարի առաջ ան երեք ամիս ամուսնացած է Ապու Պաքր Ալ Պաղտատիի հետ, որմէ ունի աղջիկ մը: Այժմ, ան ամուսնացած է պաղեստինցիի մը հետ եւ յղի է անկէ: Ան նաեւ ըսած է, թէ կատարած են ծինային քննութիւն իր եւ իր աղջկան վրայ եւ արդիւնքները ցոյց տուած է, թէ ինքը աղջկան մայրն է, ինչպէս նաեւ նոյն քննութիւնը կատարուած է Ալ Պաղտատիի վրայ, եւ փաստուած է, որ ինք աղջկան հայրն է:

Ալ Մոնիթըր լիբանանեան ապահովական աղբիւրէ մը յղում կատարելով յայտնած է, որ Ալ Տուլայմի 2014-ի սկիզբէն ի վեր հետազօտութեան կենթարկուէր: Ան ըսած է, որ Ժապհաթ Ալ Նուսրա Մարտին պնդած է, որ զինք ալ ընդգրկեն փոխանակուող բանտարկեալներուն թիւին մէջ, ի փոխան Մաալուլայի մայրապետներուն: Բանակցողները իրենց կարգին ըսած են, որ ան շատ կարեւոր է եւ իրեն համար պատրաստ են ամէն ինչ չեղեալ նկատելու: Ան նաեւ աւելցուցած է, որ Ալ Նուսրայի ղեկավարներէն Ապու Մալիք Ալ Թալլի յայտնած է, որ ան Ապու Պաքր Ալ Պաղտատիի կինն է:

9 Դեկտեմբեր 2014-ին, Ալ Տուլայմի եւ իր պաղեստինցի ամուսինը՝ Քամալ Խալաֆը պաշտօնապէս կը ձերբակալուին, երբ Լիբանանի զինուորական դատարանը հրովարտակ մը հանեց եւ զանոնք ամբաստանեց իբրեւեւ ահաբեկչական խմբաւորման մը պատկանող, ահաբեկչական կազմակերպութեան մը հետ կապ ունեցող եւ ահաբեկչական գործողութիւններ ծրագրող: Դեկտեմբեր 2015-ին, Լիբանանի կառավարութիւնը Ալ Տուլայմին եւ իր աղջիկը ազատ արձակեց՝ ի փոխան լիբանանցի զինուորներու, որոնք առեւանգուած էին Ժապհաթ Ալ Նուսրայի կողմէ:

                                     

7.4. Անձնական Կեանք Զաւակներ

Ըստ "Տը կարտիըն" -ի լրագրողի մը, Ալ Պաղտատի Իրաքի մէջ ամուսնացած է 2000-ին՝ տոքթարական վկայականը ստանալէ ետք: Այս ամուսնութենէն ունի զաւակ մը, որ 2014-ին 11 տարեկան էր:

Չորսէն վեց տարեկան եղող աղջիկը, որ Սաժա Ալ Տուլայմիի հետ Լիբանանի մէջ բանտարկուած էր 2014-ին, Ալ Պաղտատիի դուստրն էր:

                                     

7.5. Անձնական Կեանք Ճիւղաւորուած Ընտանիք

2014-ին, Սաժա Ալ Տուլայմիի բանտարկութենէն ետք, կապ հաստատուած է իր քրոջ՝ Տուաա Ամիտ Իպրահիմի հետ, որ 2011-ին ձերբակալուած էր՝ անձնասպանական գօտիով Էրպիլ մուտք գործելու ժամանակ: Տուաա այժմ կը մնայ քրտական բանտի մը մէջ:

Անպար շրջանի Խալիտիյա Խորհուրդին պատասխանատուն Փետրուար 2016-ին տեղեկացուցած է. "Այսօր, Իրաքի օդուժը օդային հարուած մը տուած է ՏԱՀԵՇ-ի Ռամատիի արեւելքը գտնուող Խալիտիյա կղզիի Ալպու Պալիի "շարիա" դատարանին վրայ։ Այս մէկը պատճառ դարձած է Ալ Պաղտատիի եղբօրորդիի՝ Ապու Ահմետ Ալ Սամարաիի սպաննութեան, ինչպէս նաեւ՝ իր 8 ընկերակիցներուն եւ Ատըլ Ալ Պալաուիի՝ Ալպու Պալիի զինուորական հրամանատարին: