Back

ⓘ Մկրտիչ Չատըրճեան




                                     

ⓘ Մկրտիչ Չատըրճեան

Ջատըրճեան Մկրտիչ, ծնած է 1870 թուականին։ Նախնական ուսումը ստացած է ծննդավայրը, ուր փայլուն աշակերտ մը ըլլալուն վալին զինք կոչած է "ղէքի" այսինքն ուշիմ, գիտէր Հայերէն, Թրքերէն, արաբերէն եւ պարսկերէն։ Ըլլալով միակ զաւակը իր ընտանիքին, 25 տարեկան հասակին 95-ի ջարդին պատճառաւ կը հեռանայ իր ծննդավայրէն, ուր այլեւս կեանքի եւ ինչքի ապահովութիւն չկար։ Կը հաստատուի Պէյրութ, ուր պետական պաշտօնեայ կըլլայ երկար ժամանակ պաշտօնավարելով Հանրային Պարտուց բաժնին մէջ։ 1905 թուականին կամուսնանայ եւ կունենայ չորս մանչ եւ աղջիկ զաւակ մը։

1926 թուականին, Պրն. Ջատըրճեան տարիքի բերմամբ հանգըստեան կոչուեցաւ, 30 երկար տարիներ զոհողութեամբ ուր հաւատարմութեամբ աշխատելէ եւ պատասխանատու պաշտօններ վարելէ յետոյ, որոնցմէ վերջինը՝ Տնօրէն Հանրային Պարտուց բաժնի, Պէքայի շրջանին, հաստատուած Զահլէ։ 1921 թուականէն ետք, երբ Կիլիկիոյ պարպումով հայերը սկսան հաստատուիլ Լիբանան, երեք տարի յաջորդաբար Տիգրակերտի Հայրէնակցական Միութեան Նախագահ Ընտրուէցաւ։ Հանգստեան կոչուելէ յետոյ պարապեցաւ ընթերցանութեամբ եւ գրականութեամբ։ Կանոնաւոր կերպով աշխատակցեցաւ "Ազդակ" ին, յօդուածներ գրելով բարոյական եւ ընկերային նիւթերու շուրջ, ինչպէս նաեւ տալով թարգմանութիւններ արաբական ու ֆրանսական գրական երկերէն, որոնք հաճոյքով կարդացուեցան ընթերցողներու կողմէ։ Այս շրջանին է որ այս գիրքիս պատրասութեան առնչութեամբ հաճոյքը ունեցայ անձամո ճանչնալու Մկրտիչ Ջատըրճեան, որ համակրելի, կրօնասէր զուարթախօս, ընտանիքի լաւ հայր մը է, հին սերունդի տիպար ներկայացուցիչ մըն էր։ Մեռաւ 25 Մարտ 1937 թուականին Պէյրութ, 67 տարեկանին։

Ինչպէս ըսինք, Մկրտիչ Ջատըրճիան ունեցաւ չորս զաւակ։ Անոոնք ալ կարեւոր համգիստնալնուն, համառօտ կերպով կը խօսինք անոնց մասին։ Պրն. Ֆուատ, ծնած է 1906 թուականին, այժմ կը գրաւէ բարձր գիրք մը Լիբանանի պետական շրջանակներուն մէջ, երկար տարիներ Լիբանանի Մաքսային Տնօրէն էր, շատ պատասխանատու պաշտօն մը զոր ձեռնհասութեամբ կատարեց։ Իսկ վերջերս բարձրացուեցաւ աւելի կարեւոր գիրքի մը՝ Հասարակաց Շահերու բաժնին մէջ։ որ ր Ժօզէֆ, ծնած 1907 թուականին։ Նախնական ուսումը առած ֆրէրներու գոլէճը, ուրկէ շրջանաւարտ ֆիլոզոֆիի դասարանէն, իսկ 1928 թուականին շրջանաւարտ՝ Պէյրութի ֆրանսական իրաւաբանական վարժարանէն, դասարանին աթաջինը հանդիսանալով, 1928 թուականէն ի վեր որպէս իրաւաբան վարժարանէն, դասարանին առաջին հանգիստանալով,1928 թուականէն ի վեր որպէս իրաւաբան կաշխատի Պէյրութի մէջ, մասնագէտ հանրային եւ առեւտրական հարցերու։ Եղած է ֆալանժ կամ արաբերէն քէթայիպ կոչուած լիբանանեան երիտասարդական կարեւոր կազմակերպութեան առաջին չարքայիններէն, որուն աճման եւ զարգացումին մէջ շատ կարեւոր դեր ունեցած է։ Այդ կազմակերպութեան Ընդհ. Քարտուղարն է 1937 թուականէն ի վեր, երբ այդ՝ բարձր շրջանակներուն մէջ կը հանդիսանայ շատ կարեւոր անձնաւորութիւն մը։ 1947 թուականի ընտրութեանց քէթա՛իպները զինք ներկայացուցին որպէս Երեսփոխան Փոքրամասնութեանց։ Ամուսնացած՝ օր. Ա. Քէհեանեանի հետ, ունի 3 զաւակ։ Մեթր Ժօզէֆ հանրային անձնաւորութեան մը բոլոր լաւ յատկութիւնները ունի ամէստ է, ճկուն, նպատակներե յամառօրէն յետապնդող, կը սիրէ ամփոխէն հեռու, առանց աղմուկի աշխատիլ սակայն գործ արտագրել։ Ունի դէպքերը տեսնելու, դասաւորելու կարողութիւն։ Պրն. Միշէլ Մաքսատան քննիչ է։

Մարի ամուսնացած է երկրաչափ Պրն. Վահէ Աշճըեանին հետ։ Իսկ Ճօրճ, ծնած 1920 թուականին, փաստաբան խմբագիր է "Աքսիոն" ֆրանսատառ շաբաթաթերթին, որ քէթայիպներու պաշտօնաթերթն է: