Back

ⓘ Նիլ Սայմըն




Նիլ Սայմըն
                                     

ⓘ Նիլ Սայմըն

Մարվին Նիլ Սայմըն, Մենհեթըն, Նիւ Եորք, Նիւ Եորք, Ամերիկայի Միացեալ Նահանգներ) Ամերիկացի թատերագիր եւ գրագէտ։ Ծնած է Նիւ Եորք Ամերիկեան տնտեսական մեծ տագնապի օրերուն, ինչ որ բազմաթիւ դժուարութիւններ տուած է իր ապրելաձեւին, ընտանիքին աղքատութեան պատճառով։ Գրած է շուրջ 30 թատերական կտոր եւ 30 ֆիլմ։ Ոեւէ ուրիշ գրագէտէ մը աւելի արժանացած է Օսքարի եւ Թոնիի մրցանակներու թեկնածութեան: 17 անգամ Թոնի մրցանակի թեկնածու դարձած է եւ արժանացած՝ 3-ին։ 1966-ին Պրոտուէյի բեմերուն վրայ չորս յաջորդական յաջողութիւններ ձեռք բերած է, որուն իբրեւ արդիւնք ի պատիւ իրեն, բացուած է Նիլ Սայմընի Թատերասրահը Նիւ Եորքի մէջ։ 1983-ին միակ ապրող թատերագիրն էր, որ իր անունով թատերասրահ ունէր:

Իր առաջին թատերական կտորը եղած է Come Blow Your Horn-ը 1961, զոր ամբողջացուցած է 3 տարուան ընթացքին, ինչպէս նաեւ 678 շարունակական Պրոտուէյի ներկայացումներ՝ արձանագրելով հսկայական յաջողութիւն։ Այդ յաջողութիւնը շարունակուած է 2 նոյնքան յաջող կտորներով՝ Barefoot in the Park 1963 եւ The Odd Couple 1965, որուն շնորհիւ արժանացած է Թոնի մրցանակի մը։ Այս յաջողութիւնը զինք դարձուցած է սիրուած եւ նշանաւոր թատերագիր մը Ամերիկացիներու սիրտին մէջ։

Ան իր յաջողութիւնը կը պարտի իր լուրջ եւ խորք ունեցող նիւթերուն, որոնք թեթեւ կատակերգական կամ սիրային դարձուածքով մը ներկայացուած կըլլան յաճախ։

1991-ին Lost in Yonkers կտորին համար Սայմըն Pulitzer Prize for Drama-ի արժանանալէ ետք, քննադատներ կը սկսին հասկնալ որքան բարդ ընկերային եւ բարոյական հարցերու մասին կը գրէ Սայմըն. նիւթեր, որոնք ամէնէն շատ կը հետաքրքրեն աշխարհականները։ Ան ընդհանրապէս կարծարծէ հետեւեալ նիւթերը՝ ամուսնացած զոյգերու միջեւ հարցեր, անբարոյութիւն, անհաւատութիւն, պատանեկան կեանք եւ ծերանալու վախը։ Անոր կտորներուն բոլոր դերասանները ընդհանրապէս Նիւ Եորք ծնած ու մեծցած անձինք էին։