Back

ⓘ Յիշողութեան Մարզանք




                                     

ⓘ Յիշողութեան Մարզանք

Յիշողութեան Մարզանք, երբեմն՝ մրցակցային յիշողութիւն կամ յիշողութեան մտային մարզանք, մրցում, որուն ընթացքին մասնակիցները որոշակի հրահանգներու շրջանակներուն մէջ կը փորձեն մտապահել, այնուհետեւ վերյիշել տեղեկութիւններու տարբեր ձեւեր։ Մարզանքը պաշտօնապէս սկսած է զարգանալ 1991-էն ի վեր։ Գոյութիւն ունին ազգային եւ միջազգային առաջնութիւններ։

Տարածուած մրցումներէն մէկը կը ներառէ խառնած խաղաքարտերու մտապահումը ամէնէն կարճ ժամանակին մէջ, որմէ ետք մասնակիցէն կը պահանջուի դասաւորել այլ տուփերու խաղաքարտեր՝ նոյն հերթականութեամբ։

Մնեմոնիկայի թեքնիքները ընդհանրապէս կը նկատուին մրցումին կարեւոր մասերէն մէկը եւ կը բարելաւուին բուռն աշխատանքի շնորհիւ։ Ատոնք կրնան ներառել Լոկիի մեթոտը, մնեմոնիկայի կապակցութեան մեթոտի օգտագործումը եւ մասերու բաժանումը։ Կօգտագործուին նաեւ այլ թեքնիքներ՝ տեղեկութեանց պահեստաւորման եւ վերյիշելու համար։

                                     

1. Պատմութիւն

Յիշողութեան մարզման թեքնիքները քննարկուած են թերեւս Հին Յունաստանի մէջ, իսկ պաշտօնական յիշողութեան մարզումը երկար ժամանակ նկատուած է հիմնական կրթութեան կարեւոր մասերէն մէկը եւ յայտնի եղած է "յիշողութեան արուեստ" անունով։ Այնուամենայնիւ, մարզուած մտապահման զարգացումը՝ որպէս մարզանք, սկսած է միայն ուշ 20-րդ դարուն, բայց նոյնիսկ այն ժամանակ մնացած է յարաբերականօրէն սահմանափակ իր շրջանակներուն մէջ։ Առաջին համաշխարհային մրցումը տեղի ունեցած է որպէս Յիշողութեան Աշխարհի Առաջնութիւններ 1991-ին եւ շարունակուած է ամէն տարի՝ բացառութեամբ 1992-ը։

                                     

2. Մրցումներ

1991-ին Յիշողութեան աշխարհի առաջնութիւններու հիմնադրութենէն ետք բազմաթիւ երկիրներու մէջ հիմնուեցան ազգային մրցումներ։ Անոնք կը ներառեն Միացեալ Նահանգներու առաջնութիւնները, որոնք սկսած են 1997-ին, Հնդկականի ազգային յիշողութեան առաջնութիւնները, Գերմանական յիշողութեան առաջնութիւնները, Միացեալ Թագաւորութեան բաց յիշողութեան առաջնութիւնները եւ այլ առաջնութիւններ։ Ազգային առաջնութիւններ տեղի կունենան նաեւ Հարաւային Ափրիկէի, Աւստրալիոյ, Սինկափուրի, Չինաստանի, Ճափոնի եւ Մեքսիքայի մէջ։

                                     

3. Կոչումներ

Յիշողութեան աշխարհի առաջնութիւններու կազմակերպիչ Յիշողութեան աշխարհի մարզանքի խորհուրդին կողմէ տրուած է յիշողութեան մրցաշարքերու մասնակիցներու բարձրագոյն կոչումը՝ յիշողության գրոսմայստեր ։ Ենթադասակարգումով, գոյութիւն ունին հետեւեալ կոչումները՝ միջազգային գրոսմայստեր, գրոսմայստեր եւ միջազգային վարպետ։ 2016-ի Նոյեմբերի տուեալներով աշխարհի վրայ կը հաշուուի մօտաւորապէս 200 գրոսմայստեր։

                                     

4. Թեքնիքներ

Մրցաշարքի մասնակիցները կը նկարագրեն մտապահման հմտութիւններու բարելաւման բազմաթիւ մեթոտներ եւ թեքնիքներ։ Անոնցմէ քանի մը հատը ստեղծած են սեփական մեթոտներ եւ հրատարակուած իրենց անուններով։ Անոնք կը ներառեն, օրինակ, մնեմոնիկայի տոմինիքեան համակարգը անգլերէն՝ Mnemonic dominic system, որ իր անունը ստացած է ի պատիւ նախկին աշխարհի ախոյեան Տոմինիք ՕՊրայընի, մնեմոնիկայի հիմնական համակարգը, ինչպէս նաեւ անձ-գործողութիւն-առարկայ համակարգը, որ կը ներառէ խաղաքարտերու եւ թիւերու կանոնաւորութիւն դէպի մարդոց, գործողութիւններու եւ առարկաներու յաջորդականութիւն։ Այս մեթոտները կը կոչուին նաեւ "մնեմոթեքնիքներ" ։

Ճոշուա Ֆոէրը կը նշէ.

Հակառակ, որ իւրաքանչիւր մասնակից իւրաքանչիւր գործողութեան մտապահման համար ունի իր սեփական իւրայատուկ մեթոտը, բոլոր մնեմոթեքնիքները էապէս հիմնուած են զարգացման կանոնաւորման հասկացողութեան վրայ, ըստ որուն որքան իմաստալից է բան մը, այնքան աւելի դիւրին է զայն յիշել։Կաղապար:Բք

                                     

5. Տեսակներ

Յիշողութեան առաջնութիւններուն մէջ ձգողական առարկայի հարցը կրնայ ըլլալ անսահմանափակ, սակայն Յիշողութեան աշխարհի առաջնութիւններուն կան հետեւեալ առաջադրանքները.

  • Արագ խաղաքարտեր՝ միշտ վերջին տեսակն է։ Կարելի եղածին չափ արագ մտապահել 52 խաղաքարտէ բաղկացած տուփի խառնած խաղաքարտերու դասաւորութիւնը։
  • Մէկ ժամ՝ խառն դասաւորութեամբ թիւեր
  • Մէկ ժամ՝ խաղաքարտեր
  • Վերացական պատկերներ պատահականօրէն ընդհանրացած՝ սեւ եւ ճերմակ
  • Պատահական դասաւորուած բառերու ցուցակներ
  • 15 վայրկեան՝ անուններ եւ դէմքեր աշխարհի ցուցանիշ՝ 164 անուն
  • Արտասանուող թիւեր, մէկ երկվայրկեանի մէջ կարդալ մէկ հատը
  • Հինգ վայրկեան՝ խառն դասաւորութեամբ թիւեր
  • 5 վայրկեան՝ պատմական/ապագայի տարեթիւեր յօրինուած իրադարձութիւններ եւ տարեթիւեր
  • 30 վայրկեան՝ երկուքական համակարգի թիւեր

Ի յաւելում աւանդական մրցաշարքերուն, որոնք կը կազմակերպուին Յիշողութեան աշխարհի մարզանքներու խորհուրդի կամ Յիշողութեան միջազգային կազմակերպութեան կողմէ, յիշողութեան մարզիկները յաճախ կը մրցակցին այլընտրանքային ձեւով կազմակերպված մրցաշարքերու մէջ։ Այդ մրցաշարքերն են Յիշողութեան լիկայի առաջնութիւնները նախապէս՝ Յիշողութեան Ծայրագոյն մրցաշարք, Մեմորիատը եւ Մեմօ Խաղերը։

Միւս տիպի յիշողութեան առաջնութիւնները կրնան չպարունակել ժամանակի սահմանափակումներ։ Օրինակ π թիւի մտապահման յայտնի է, իբրեւ Պիֆիլոլոկիա ցուցանիշները սկսած են արձանագրել 1970-ականներէն։ Ներկայիս ցուցանիշ կրողը կրցած է մտապահել աւելի քան 70000 նիշ π թիւէն։



                                     

6. Ցուցանիշեր

Յիշողութեան մարզանքին մէջ նոր ցուցանիշերը կը սահմանուին շատ յաճախ։ Խաղաքարտերու արագ մտապահման վերջին աշխարհի ցուցանիշը կը պատկանի Միացեալ Նահանգներէն Ալեքս Միուլենին՝ 19.96 երկվայրկեան 52 խաղաքարտ։ 5 վայրկեանի մէջ ամէնէն շատ թիւեր մտապահելու ցուցանիշը կը կիսեն Ալեքս Միուլենը եւ Շուէտէն Մարվին Վոլոնիուսը՝ 520 թուանշան։

                                     

7. Յայտնի Մասնակիցներ

Աշխարհի ախոյեաններ

  • Էնտի Պել Միացեալ Թագաւորութիւն՝ յիշողութեան աշխարհի եռեակի ախոյեան 1998, 2002-03
  • Պեն Փրիտմոր Միացեալ Թագաւորութիւն՝ յիշողութեան աշխարհի եռեակի ախոյեան 2004, 2008-09
  • Քլեմընս Մեյըր Գերմանիա՝ յիշողութեան աշխարհի երկակի ախոյեան 2005-06
  • Ալեքս Միուլեն ԱՄՆ՝ յիշողութեան աշխարհի երկակի ախոյեան 2015-16
  • Կիունթըր Կարստըն Գերմանիա՝ յիշողութեան աշխարհի ախոյեան 2007
  • Տոմինիք ՕՊրայըն Միացեալ Թագաւորութիւն՝ յիշողութեան աշխարհի ութեակի ախոյեան 1991, 1993, 1995-97, 1999-2001
  • Ճոնաթան Հենքոք Միացեալ Թագաւորութիւն՝ յիշողութեան աշխարհի ախոյեան 1994
  • Վանկ Ֆենկ Չինաստան՝ յիշողութեան աշխարհի երկակի ախոյեան 2010-11
  • Ճոնաս վոն Էսսեն Շուէտ՝ յիշողութեան աշխարհի երկակի ախոյեան 2013-14
  • Յոհաննէս Մալոու Գերմանիա՝ յիշողութեան աշխարհի ախոյեան 2012

Այլ

  • Եանժա Ուինսերսուլ Մոնկոլիա, նախքան՝ Շուէտ՝ միջազգային գրոսմայստեր, Gothenburg Open առաջնութեան ախոյեան, ցուցանիշ կրող
  • Մարվին Վոլոնիուս Շուէտ՝ միջազգային գրոսմայստեր, Շուէտի երկակի ախոյեան, աշխարհի փոխախոյեան, ցուցանիշ կրող
  • Հուանկ Շենկուա Չինաստան՝ միջազգային գրոսմայստեր, աշխարհի փոխախոյեան
  • Ճոշուա Ֆոեր ԱՄՆ՝ ԱՄՆ-ի յիշողութեան առաջնութեան հեղինակ եւ ախոյեան 2006
  • Շի Պինպին Չինաստան՝ միջազգային գրոսմայստեր, երկակի Չինաստանի ախոյեան, ցուցանիշ կրող
  • Օլա Քարէ Ռիսա Նորվեկիա՝ միջազգային գրոսմայստեր, Նորվեկիոյ առաջին յիշողութեան մարզիկ, ցուցանիշ կրող
  • Էտ Քուք Միացեալ Թագաւորութիւն՝ Memrise-ի հեղինակ, գրոսմայստեր, հիմնադիր եւ գործադիր տնօրէն
  • Պրէյտեք Եատաւ Հնդկաստան՝ միջազգային գրոսմայստեր, Հնդկաստանի քառեակի ախոյեան
  • Քեթի Քերմոտ Միացեալ Թագաւորութիւն՝ ցուցանիշ կրող բառեր, անուններ եւ դէմքեր տեսակին մէջ
  • Լենս Շիրհարթ ԱՄՆ՝ միջազգային գրոսմայստեր, աշխարհի ցուցանիշ կրող արտասանուող թիւեր տեսակին մէջ
  • Սենկեսամտան Ուլզիխութակ Մոնկոլիա՝ միջազգային գրոսմայստեր
  • Տենիէլ Թեմեթ Միացեալ Թագաւորութիւն՝ գրող, կը զբաղի աուտիզմի ուսումնասիրութեամբ
  • Քրիսթիան Շաֆեր Գերմանիա՝ միջազգային գրոսմայստեր
  • Նելսոն Տելիս ԱՄՆ՝ քառեակի ԱՄՆ-ի յիշողութեան ախոյեան 2011-12, 2014-15, գրոսմայստեր
  • Պորիս Քոնրատ Գերմանիա՝ միջազգային գրոսմայստեր, ցուցանիշ կրող
  • Ռոն Ուայթ ԱՄՆ՝ երկակի ԱՄՆ-ի յիշողութեան ախոյեան 2009-10
  • Փույեւջաւ Իրդենեսայխան Մոնկոլիա՝ միջազգային գրոսմայստեր, Մոնկոլիոյ ախոյեան, 2015-ի պատանիներու աշխարհի ախոյեան
  • Սայմոն Ռէյնհարտ Գերմանիա՝ միջազգային գրոսմայստեր, Գերմանիոյ քառեակի ախոյեամ, աշխարհի երկակի փոխախոյեան, յիշողութեան ծայրագոյն մրցաշարքի երկակի ախոյեան


                                     

8. Արտաքին յղումներ

  • Պատահական թիւեր արտադրող՝ աշխատանքային յիշողութիւնը մարզելու համար
  • ԱՄՆ յիշողութեան ազգային մրցաշարքերու պաշտօնական կայք
  • Memoriad՝ ինտելեկտուալ ողիմպիականներու պաշտօնական կայք
  • Մրցաշարքի պաշտօնական կայք անգլերէն

Users also searched:

...
...
...