Back

ⓘ Հայոց Ցեղասպանութեան Թանգարան




Հայոց Ցեղասպանութեան Թանգարան
                                     

ⓘ Հայոց Ցեղասպանութեան Թանգարան

Հայոց Ցեղասպանութեան Թանգարան, թանգարան Երեւանի մէջ, ուր կը ցուցադրուին՝ 1915-էն 1923 իրականացուած Հայոց Ցեղասպանութեան վերաբերող փաստաթուղթեր, լուսանկարներ, գրականութիւն եւ այլն։

                                     

1. Պատմական ակնարկ

Հայոց Ցեղասպանութեան թանգարանը իր դռները կը բանայ 1995 թուականին, երբ կը նշուէր Ցեղասպանութեան 80-ամեակը։ Թանգարանի կառոյցը բացառիկ նախագիծ ունի։

Աւելի քան տասնամեայ գործունէութեան ընթացքին թանգարանը կընդունի բազմաթիւ այցելուներ՝ դպրոցականներ, ուսանողներ եւ աննախադէպ թիւով զբօսաշրջիկներ Հայաստանէն ու արտասահմանէն։

Հայաստանի Հանրապետութիւն ժամանած պաշտօնական պատուիրակութիւններու այցելութիւնը Հայոց Ցեղասպանութեան թանգարան նախատեսուած է պետական արարողակարգով, ուստի բազմաթիւ օտարերկրեայ պատուիրակութիւններ, յայտնի հասարակական եւ քաղաքական գործիչներ արդէն իսկ այցելած են թանգարան։

                                     

2. Շինարարական կառոյցը

Թանգարանի երկյարկանի շէնքը կառուցուած է բարձունքի մէկ կողմը՝ չնսեմացնելու համար յուշահամալիրի խիստ ազդեցիկ տպաւորութիւնը։

Թանգարանի տանիքէն կերեւին գեղատեսիլ Արարատեան դաշտն ու փառահեղ Արարատ լեռը։ Թանգարանի առաջին յարկը ստորգետնեայ է, այնտեղ կը գործեն վարչական, գիտարուեստական ծառայութիւնները, ինչպէս նաեւ 170 հոգիի համար նախատեսուած Կոմիտասի անուան դահլիճը։ Այնտեղ տեղակայուած են նաեւ գիտական ու թանգարանային արժէքներու պահոցները, գրադարանը, ընթերցասրահը։ Թանգարանային ցուցադրութիւնը տեղակայուած է երկրորդ յարկը՝ ընդգրկելով մօտ 1000 ք.մ. տարածք։ Ան ունի երեք հիմնական փակ եւ մէկ բացօթեայ ցուցասրահներ։

Ցեղասպանութեան յուշակոթողը կառուցուած է յաւերժացնելու 20-րդ դարու առաջին ցեղասպանութեան անմեղ զոհերու յիշատակը։ Հայոց Ցեղասպանութեան թանգարանի առաքելութիւնը խարսխուած է այն համոզումին վրայ, որ ցեղասպանութեան ընդունումը կարեւոր քայլ է՝ ապագային նմանատիպ ողբերգութիւնները կանխելու համար։

                                     

3. Հայոց Ցեղասպանութեան Թանգարանին աշխատանքային ժամերը

Երեքշաբթի-Կիրակի՝ 11.00-16.00, ազատ օր՝ Երկուշաբթի, թանգարանը փակ է պաշտօնական ոչ աշխատանքային օրերուն, 24 Ապրիլին թանգարանի աշխատանքային ժամերը կերկարաձգուին։

                                     

4. Ի՞նչպէս հասնիլ

Հետիոտն՝ Մարզահամերգային համալիրէն կամ Աթէնքի փողոցէն՝ 15-20 վայրկեան քալելով։ Ինքնաշարժով՝ Հրազդան մարզադաշտէն դէպի աջ՝ Աթէնքի փողոցով։ Ճանապարհի աջ կողմը կերեւի դէպի թանգարան ուղղող ցուցանակը։

                                     

5. Հայոց Ցեղասպանութեան Թանգարանի ցուցասրահները

Թանգարանի երեք փակ եւ մէկ բացօթեայ ցուցասրահները կը զբաղեցնեն աւելի քան 1000 ք.մ. տարածք։

  • Թանգարանի առաջին ցուցասրահի արեւմտեան պատին, ինը մեթր լայնութեամբ եւ հինգ մեթր բարձրութեամբ, քանդակուած է հայկական բարձրաւանդակի եւ հարեւան երկիրներու քարտէսը. հիւսիսը Սեւ ծովն է, արեւելքը՝ Կասպից ծովը, հարաւը՝ պարսկական բարձրաւանդակը եւ հարաւ արեւմուտքը՝ Միջերկրական ծովը։ Քարտէսին վրայ ներկայացուած են Օսմանեան կայսրութեան, մինչեւ 1915-ին, գոյութիւն ունեցող հայաբնակ այն վայրերը, որոնց բնակչութիւնը ենթարկուեցաւ զանգուածային տեղահանութիւններու եւ սպանդի։

Այս սրահին մէջ ներկայացուած են լուսանկարներ եւ ժողովրդագրական աղիւսակներ՝ Արեւմտեան Հայաստանի եւ Օսմանեան Թուրքիոյ մինչեւ 1914 թուական հայկական բնակավայրերու եւ հայ բնակչութեան թուաքանակի վերաբերեալ։ Աղիւսակները տուեալներ կը պարունակեն նաեւ յիշեալ ժամանակահատուածին այս բնակավայրերուն մէջ գործող հայկական եկեղեցիներու ու դպրոցներու մասին։ Ցուցասեղաններուն մէջ տեղ գտած լուսանկարները, նիւթերը կը ներկայացնեն հայ բնակչութեան խաղաղ կեանքը մինչեւ Ցեղասպանութիւն։

  • Երրորդ սրահին մէջ փակցուած աղիւսակները կամփոփեն հայ բնակչութեան թուաքանակը 1914 թ ին եւ 1922 թ ին, կու տան տեղահանուածներու եւ սպանուածներու թիւը։ Յատուկ տեղ յատկացուած է միջազգային կազմակերպութիւններու եւ տարբեր երկիրներու օրէնսդիր մարմիններու ընդունած՝ Հայոց Ցեղասպանութիւնը դատապարտող փաստաթուղթերու բնագիրներու ներկայացման։ Այստեղ կը ցուցադրուի նաեւ Հայոց Ցեղասպանութեան վերաբերեալ հրատարակուած բազմալեզու հնատիպ գրականութիւն։ Ցուցասեղաններուն մէջ ներկայացուած է ԱՄՆ-ի եւ եւրոպական երկիրներու, Ռուսաստանի մէջ ծաւալած մարդասիրական շարժման վերաբերեալ նիւթեր։
  • Երկրորդ ցուցասրահը 700ք.մ. կը ներկայացնէ ականատեսներու վկայութիւններ եւ փաստաթուղթեր՝ հայերու դէմ իրագործուած կոտորածներու եւ վայրագութիւններու վերաբերեալ։ Ցուցադրութիւնը կընդգրկէ 1915-1917 թուականներուն կատարուած բազմաթիւ մեծադիր լուսանկարներ, արխիւային փաստաթուղթեր, վայրագութիւններու զոհ դարձած նշանաւոր հայերու, ինչպէս նաեւ հայ ժողովուրդի բարեկամներու լուսանկարներ։

Նոյն սրահին մէջ, կրանիտէ պատուանդաններու վրայ տեղադրուած են բիւրեղապակեայ սկահակներու մէջ ամփոփուած Արեւմտեան Հայաստանի վեց նահանգներէն բերուած հողեր. Կարին Էրզրում, Վան, Բաղէշ Պիթլիս, Սեբաստիա Սվազ, Խարբերդ, Տիգրանակերտ Տիարպեքիր։ Այստեղ կը տեսնենք նաեւ ճիւղերը տարածած կրանիտէ ծառ մը, որ կը խորհրդանշէ հայ ժողովուրդի վերածնունդն ու յաւերժութիւնը։

  • Թանգարանի վերջին սրահը հայկական հին շինութիւններուն բնորոշ բացօթեայ ներքին բակն է։ Կիսաշրջանաձեւ, տասներկու հաւասար հատուածներու բաժնուած պատին վրայ փորագրուած են օտար, ժամանակի ակնառու պետական գործիչներու, դիւանագէտներու, գիտնականներու, գրողներու՝ Հայոց Ցեղասպանութիւնը դատապարտող խօսքերը։ Սրահը նման է դատարանի, ուր ականատեսները կու տան իրենց դատապարտող վկայութիւնները. Վերջին խօսքը այցելուինն է։

Թանգարանին մէջ կը գործէ նաեւ ֆրանսացի, ծագումով հայ յայտնի նկարիչ Ժանսեմի Յովհաննէս Սեմերճեան անունը կրող ժամանակաւոր ցուցադրութիւններու համար նախատեսուած պատկերասրահ։



                                     
  • Երուսաղէմի հայկական թանգարան եբրայերէն המוזיאון הארמני Երուսաղէմի հայոց պատրիարքարանի Էդուարդ եւ Էլեն Մարտիկեան թանգարան Հայկական թանգարանը կը գտնուի
  • Արուեստի Թանգարան Ժամանակակից Արուեստի Թանգարան Հայոց Ցեղասպանութեան Զոհերու Յուշահամալիր Հայաստանի Բնութեան Պետական Թանգարան Երևանի Կենդանաբանական Պարտէզ Յովհաննէս
  • տեխնիկայի Թանգարան Կապի Թանգարան Տիեզերքի Թանգարան Հայաստանի Պատմութեան Թանգարան Երեւանի Պատմութեան Թանգարան Հայոց Ցեղասպանութեան Թանգարան - ինստիտուտ Էրեբունի
  • 34 կտաւներէ, նուիրած է Հայոց Ցեղասպանութեան թանգարանին: Մեծ Եղեռնի Գեղանկարիչը Ցուցադրութիւն Հայոց Ցեղասպանութեան թանգարան - հիմնարկին մէջ Bibliothèque
  • օր Հայաստանի մէջ մարդիկ կ այցելեն Ծիծեռնակաբերդի յուշահամալիր եւ ծաղիկներ կը դնեն համալիրի անմար կրակին առջեւ Հայոց ցեղասպանութեան թանգարան - ինստիտուտ
  • Կարէն Տէմիրճեանի թանգարան հիմնադրուած է ՀՀ կառավարութեան 9 Յունուար 2001 - ի թիւ 9 որոշմամբ Թանգարանը հիմնուած է Կարէն Տէմիրճեանի կեանքն ու գործունէութիւնը
  • Torosian Findagrave արտագրուած է 2013 թ հունվարի 2 Նիւթեր Հայոց Ցեղասպանութեան թանգարան - ինստիտուտից Robert Fisk: The Armenian hero whom Turkey would
  • Ազգային ժողովի պատգամաւոր 1965 թուականէն գործունեայ օրէն մասնակցած է հայոց ցեղասպանութեան ճանաչման, Արցախի հիմնահարցի լուծման, 1988 - 1996 թուականներուն Հայաստանի
  • կը պահպանուի Հայոց Ցեղասպանութեան թանգարան - կեդրոնի ֆոնտին մէջ Մերձաւոր Արեւելքի Նպաստամատոյցի Աննախընթաց Նպաստը Հայոց Ցեղասպանութեան Գաղթականներուն

Users also searched:

հայոց ցեղասպանություն, հարություն մարության, ցեղասպանության թանգարանի մասին,

...
...
...