Back

ⓘ Լիբանանեան Համալսարան




                                     

ⓘ Լիբանանեան Համալսարան

Լիբանանեան Համալսարան, Լիբանանի բարձրագոյն ուսման պետական միակ կեդրոնն է: 1951-ին հիմնուած է Ուսուցիչներու Բարձրագոյն Տունը կազմակերպութիւնը պրոֆեսորներու եւ զարգացած անձնաւորութիւններու կողմէ՝ վայելելով Լիբանանի նախագահ Պշարա Ալ Խուրիի հովանաւորութիւնը: Այս կազմակերպութիւնը եղաւ համալսարանին առաջին դասարանը:

Այժմ, համալսարանէն ներս կը գործեն 16 բաժանմունքներ եւ կը հրամցնէ աշակերտներու եւ ուսուցիչներու մշակութային, կրօնական եւ ընկերային խումբեր: Այս անկախ համալսարանը կը վայելէ վարչական, ակադեմական եւ նիւթական ազատութիւն: Իր կրթական նպատակներէն են ստեղծել մշակոյթներու միացում մը եւ աշակերտին տալ համապատասխան ուսուցումը՝ պարզագոյն ձեւով, որ զայն կարտօնէ տիրանալ զանազան պաշտօններու:

                                     

1. Պատմութիւն

Լիբանանեան Համալսարանը հիմնուած է 1951-ին, ուսուցանելու համար բարձրագոյն կրթութիւն լիբանանեան շրջապատին՝ համալսարանական վկայականներով: Ի միջի այլոց, սկսած է աշակերտներուն թիւը աւելնալ երկրորդական 10րդ, 11րդ եւ 12րդ կարգերուն մէջ:

Առաջին բաժանմուքներն էին Ուսուցիչներու Բարձրագոյն Տունը եւ Վիճակագրութիւններու Կեդրոնը: 1951-ին, առաջին դասարանը, որ կը բաղկանար 68 աշակերտներէ, մուտք գործեց համալսարան՝ բազմաթիւ պրոֆեսորներու եւ զարգացած անձնաւորութիւններու հսկողութեամբ եւ Լիբանանի Հանրապետութեան նախագահ՝ Պշարա Ալ Խուրիի հովանաւորութեամբ:

26 Փետրուար 1953-ին, յօդուած թիւ 25-ը հիմնեց համալսարանի տնտեսագիտութեան եւ վարչագիտութեան կեդրոնը՝ Տնտեսագիտութեան եւ Վարչագիտութեան Դպրոց անունով:

Յաջորդ մեծ փոփոխութիւններն էին 1939-ի թիւ 2883 յօդուածը եւ 1960-էն 1972-ի յօդուածները, որոնց շնորհիւ համալսարանին կառոյցին մէջ աւելցան նոր նիւթեր եւ բոլոր աշխատանքները կարգ ու կանոնի դրուեցան: Աշակերտները մաս կազմեցին շատ մը բաժանմուքներու վարչութեան:

                                     

2. Համալսարանի Տնօրէններ

Հետեւեալ անձնաւորութիւնները Լիբանանեան Համալսարանի տնօրէնութեան պաշտօնը վարած են.

  • Իպրահիմ Քօպէյսի 2001-2006
  • Ասաատ Տիապ 1993-2000
  • Ատնան Հուսէյն 2011-մինչեւ այսօր
  • Զուհայր Շոքր 2006-2011
  • Ժորժ Թոհմէ1980-1988
  • Ֆուատ Ըֆրեմ Ըլ Պուսթանի 1953-1970
  • Պութրոս Տիպ 1977-1980
  • Էտմոն Նաաիմ1970-1976
                                     

3. Բաժանմուքներ

Համալսարանը ունի 16 բաժանմուքներ եւ 2 դպրոցներ, որոնք են.

  • Ճարտարապետական բաժանմունք
  • Երկրագործութեան բաժանմունք
  • Արհեստագիտութեան ակադեմական դպրոց
  • Գրականութեան եւ Մարդկային Գիտութիւններու բաժանմունք
  • Ատամնաբուժական բաժանմունք
  • Հանրային Առողջութեան բաժանմունք
  • Թղթակցութեան բաժանմունք
  • Գիտութիւններու բաժանմունք
  • Իրաւաբանութեան, Քաղաքական Գիտութեան եւ Վարչագիտութեան բաժանմունք
  • Մանկավարժութեան բաժանմունք
  • Արուեստի բաժանմունք
  • Դեղագործութեան բաժանմունք
  • Ընկերային Գիտութիւններու բաժանմունք
  • Բժշկութեան բաժանմունք
  • Զբօսաշրջութեան եւ Պանդոկի Վարչագիտութեան բաժանմունք
  • Առեւտրական Վարչագիտութեան եւ Քաղաքական Տնտեսութեան բաժանմունք

Մինչեւ 1975, համալսարանի բոլոր բաժանմունքներն ու դպրոցները կը գտնուէին Պէյրութի եւ անոր արուարձաններուն մէջ, բայց 1976-ին Լիբանանի Քաղաքացիական պատերազմի պատճառով, այլ մասնաճիւղեր բացուած են Պէյրութի եւ Լեռնալիբանանի շրջաններուն, Հիւսիսային Լիբանանի, Հարաւային Լիբանանի եւ Պեքաայի մէջ։ Այս որոշումը կայացուեցաւ պատերազմական ճնշուած իրավիճակին հետեւանքով փոխադրութեան դժուարին պայմաններու պատճառով: Կրթական ծրագիրը ամրապնդուած էր բոլոր մասնաճիւղերուն մէջ։ Գլխաւոր գրասենեակն ու գլխաւոր վարչական գրասենակը կը գտնուէին Պէյրութի մէջ՝ Պէյրութի Ազգային Թանգարանին ետեւը:



                                     

4. Հետազօտութիւն

Լիբանանեան Համալսարանին մէջ կը գտնուի PhD մակարդակի ուսուցման զանազան նիւթեր, ունենալով 3 տոքթորական դպրոց, որոնք կուսուցանեն հետեւեալ մասնագիտութիւնները. Ուոսողութիւն, Բնագիտութիւն, Կենսաբանութիւն, Քիմիագիտութիւն, Ճարտարապետութիւն, Արուեստ, Կրթութիւն, Գրականութիւն, Իրաւաբանութիւն, Առեւտուր, Քաղաքական Տնտեսութիւն եւ այլ մասնագիտութիւններ:

                                     

5. Գործունէութիւն եւ Յարմարութիւններ

Համալսարանը իր աշակերտներուն համար կը կազմակերպէ դաշտագնացութիւններ եւ մարզական գործունէութիւններ, ինչպէս նաեւ աշակերտներու փոխանակում՝ թէ՛ երկրէն թէ՛ այլուր: Իւրաքանչիւր բաժանմունքի իւրաքանչիւր ճիւղ ունի իր գրադարանը: Նաեւ, աշակերտներուն առիթ կը տրուի մարզումներու անձնական եւ հանրային բաժիններու մէջ։ Յատուկ ուսումնաթոշակ կը տրամադրուին ռահվիրաներուն, որպէսզի իրենց ուսումը շարունակեն արտասահմանի մէջ։ Բոլոր աշակերտները ապահովագրուած են: Վկայեալներուն վկայականներն ու մրցանակները կը տրուին վկայականաց բաշխման արարողութեան ժամանակ:

                                     

6. Նշանաւոր Շրջանաւարտներ

  • Ղատա Օուային, թղթակից
  • Մուհամատ Ալի Եուսէֆ, գրող եւ թարգմանող
  • Րաֆիֆ Սիտաուի, ընկերաբան եւ համալսարանի պրոֆեսոր
  • Ժան Տաուտ, բանաստեղծ, թատերագիր, պրոֆեսոր
  • Ատնան Հուսէյն, Քաղաքագէտ
  • Շարպէլ Թայյահ, ֆրանսախօս վիպագիր
  • Օմար Քարամէ, նախկին Լիբանանի վարչապետ
  • Սերժ Վենթուրինի, ֆրանսացի բանաստեղծ 1979-1981
  • Պասսամ Պարաքէ
  • Րընէ Հայք, գրող եւ վիպագիր
  • Միշէլ Սլէյման, Լիբանանի 11րդ նախագահ
  • Ըզզա Աղա-Մալաք, լիբանանեան ծնունդով ֆրանսացի վիպագիր, բանաստեղծ, քննադատ եւ արձակագիր
  • Մաժիտա Ալ Ռումի, լիբանանցի երգչուհի
  • Ահմէտ Նասրի, Ֆահըտ Պըն Սուլթան Համալսարանի տնօրէն
  • Մարսէլ Ղանեմ, Թղթակից
  • Մոհամատ Թաքի, Star TV
  • Անուան Ղանեմ, Լիբանանեան պետական անձնաւորութիւն եւ Քաթաէպ կուսակցութեան խորհրդարանի անդամ