Back

ⓘ Թատրոնի Համաշխարհային Օր




                                     

ⓘ Թատրոնի Համաշխարհային Օր

Կաղապար:Տեղեկաքարտ Տոն Թատրոնի Համաշխարհային Օր, մասնագիտական միջազգային տօն, նուիրուած թատրոնի բոլոր աշխատողներուն։ Կը նշուի ամէն տարի մարտի 27-ին: Այս տօնը աւանդաբար կը նշուի հետեւեալ խորագիրով` "Թատրոնը իբրեւ ժողովուրդներու միջեւ խաղաղութեան ամրապնդման եւ փոխըմբռնման միջոց":

Թատրոն

                                     

1. Պատմութիւն, նկարագրութիւն

"Թատրոնի Համաշխարհային Օր" ը սահմանուած է 1961 թուականին ԵՈՒՆԵՍԿՕ-ին կից Թատրոնի Միջազգային Ինստիտուտի 9-րդ քոնկրէսի պատուիրատուներու նախաձեռնութեամբ:

"Թատրոնի օրը" թատրոնի մէջ աշխատողներու՝ դերասաններու, թատերական բեմադրիչներու, արտադրիչներու, լուսային մասնագէտներու, հնչիւնային մասնագէտներու, խմբագիրներու, ձեւաւորողներու եւ նոյնիսկ տոմսավաճառներու ու հանդերձարանի մէջ աշխատողներու մասնագիտական տօնն է։

1933 թուականին Յունուար 23-ին ՄԳԱԹ-ի հանդերձարանի աշխատողներուն ուղղուած նամակին մէջ ռուս գրող եւ թատերական ռեժիսոր Կոստանդին Ստանիսլաւսկին գրած է․ "Ներկայացումը կը սկսի թատրոնի շէնք մուտք գործելու պահէն: Դուք առաջինն էք, որ կը դիմաւորէք եկող հանդիսատեսին.": Այս մէջբերումը ժամանակի ընթացքին վերածուած է թեւաւոր խօսքի՝ "Թատրոնը կը սկսի կախիչներէն", որմէ պարզ կը դառնայ, որ թատրոնի մէջ չկան երկրորդական դերեր եւ մասնագիտութիւններ:

Թատերական արուեստի սիրահարներուն համար "Թատրոնի օրը" իսկական տօն է, քանի որ այդ օրը տեղի կունենան հանդիսաւոր ձեռնարկներ "մշակութային տաճարներու մէջ", տարբեր թատերական փառատօններ, իսկ որոշ թատրոններ այդ օրը կը փորձեն ցուցադրել նոր ներկայացումներ առաջին բեմականացումներ:

                                     

2. Թատրոնի օրը Հայաստանի մէջ

Հայաստանի մէջ Թատրոնի Միջազգային Տօնը ամէն տարի կը նշուի մարտ 27-ին: Այդ օրը թատրոնի գործիչներու միութիւնը կը կազմակերպէ "Արտաւազդ" մրցանակաբաշխութիւնը, որուն ընթացքին կը գնահատուին թատերական արուեստի նախորդ տարուան ձեռքբերումները։