Back

ⓘ Թագուհի Աւագեան




                                     

ⓘ Թագուհի Աւագեան

Աւագեան Թագուհի, երգչուհի, ծնած Զմիւռնիա:

Մանուկ հասակէն ծնողքին հետ գացած է Ամերիկա: Ձայնին քաղցրութեան եւ երգելու ընդունակութեան շրնորհիւ, յաճախ հրաւիրուած է երգելու ազգային եւ բարեսիրական հաւաքոյթներու մէջ, ուրկէ խրախուսուած՝ սկսած է հետեւիլ երաժշտական դասընթացքներու: Երեք տարի աշակերտած է բրոֆ. տ’Արիտին, ի Պրիճֆորթ, երկու տարի ալ բրոֆ. տիկին Տէյվիս Հաուլիի:

Ամերիկեան թերթերը գովեստով խօսած են իր ձայնին ազդուութեան եւ տպաւորութեան մասին: Յ. Մեհարապեան "Հանրագիտակ Տարեգիրք" ին մէջ հետեւեալը կը գրէ. "Անոր Տիկին Թ. Աւագեանի ձայնը թաւշային կակուղ քօնդրալդօ է. ցած եւ միջին ձայները լեցուն են եւ թաւ: Կ’երգէ մտածուած եւ զգացմունքով":

Մինչեւ 1925 Տիկին Աւագեան երգած է առ հասարակ անգլերէն եւ իտալերէն կտորներ:

1925-ին Պրուքլի կը հաստատուի եւ աւելի մօտէն կը ծանօթանայ հայ ազգային եւ ժողովրդական երգերուն:

1926-ին Նիւ Եորքի ռատիոյի կայանէն երգած է:

1936-ին կը վախճանի Պրուքլինի մէջ: