Back

ⓘ Դպրոցասէր Տիկնանց Վարժարան (Փարիզ)




Դպրոցասէր Տիկնանց Վարժարան (Փարիզ)
                                     

ⓘ Դպրոցասէր Տիկնանց Վարժարան (Փարիզ)

Հիմնուած է 1879-ին, Կոստանդնուպոլսոյ մէջ հայ մտաւորական կանանց նախաձեռնութեամբ՝ Դպրոցասէր Տիկանց Ընկերութիւն անուան տակ եւ հանրութեան նիւթական օժանդակութեամբ՝ Արեւմտեան Հայաստանի հայաբնակ վայրերու վարժարաններուն համար ուսուցչուհիներ պատրաստելու նպատակով։

                                     

1. Տեղափոխութիւններ

1922-ին տեղափոխուած է նախ Սելանիկ Յունաստան, ապա՝ Մարսէյլ 1928-էն հաստատուած է Փարիզի Ռենսի արուարձանին մէջ՝ արդիական յարմարութիւններ ունեցող շէնքի մէջ գնուած է ՀԲԸՄ բարերար Տիգրան Քելեկեանի միջոցներով․ 1937-էն անոր խնամակալութիւնը ՀԲԸՄ-կը ստանձնէ ։ Մինչեւ Երկրորդ համաշխարհային պատերազմի սկիզբը 1939 վարժարանին կից գործած են կարուձեւի արհեստանոցներ, մեքենագրութեան, սղագրութեան, հիւանդապահութեան բաժիններ։ 1948-էն ֆրանսական կառավարութիւնը զայն ճանչցած է որպէս երկրորդական միջնակարգ վարժարան։

                                     

2. Ծրագիրը

Առաջնորդուած է ֆրանսական դպրոցներու պետական ծրագրով։ Հայոց պատմութիւնն ու Հայաստանի աշխարհագրութիւնը կը դասաւանդուին հայերէնով։ Ունի երգչախումբ։ Կը պահուի ՀԲԸՄ-ի, Տիկնանց խնամակալութեան միութեան եւ այլ հայ բարեգործական կազմակերպութիւններու միջոցներով, ինչպէս նաեւ անհատներու նուիրատուութիւններով։ Մինչեւ 1960-ական թուականներուն իգական միակ գիշերօթիկ վարժարան էր սփիւռքի մէջ ներկայիս՝ երկսեռ։ 1995-ին աշակերտներու թիւը՝ 220, ուսուցիչներունը՝ 23։