Back

ⓘ Դիլիջանի Միջազգային Դպրոց



Դիլիջանի Միջազգային Դպրոց
                                     

ⓘ Դիլիջանի Միջազգային Դպրոց

Դիլիջանի միջազգային դպրոց, միջազգային համագործակցութեամբ անգլիական միջին դպրոց մը, Cambridge IGCSE* եւ IB Diploma* ուսումնական ծրագիրներով, Արեւմուտքի եւ Արեւելքի սահմանագիծին՝ Դիլիջանի մէջ, Հայաստան։ Երեւանէն եւ Թիֆլիսէն մէկ ու կէս ժամուան հեռաւորութեան վրայ, տարածութիւնը աւելի քան 88 հեքթար հողատարածք է։

                                     

1. Դպրոցին մասին

Դիլիջանի միջազգային դպրոցին նախագիծին հիմնադիրներն են ռուսաստանաբնակ գործարար եւ բարերար՝ Ռուբէն Վարդանեանն ու կինը։ Դպրոցին հոգաբարձուներուն խորհուրդի անդամներն են՝ կրթութեան ոլորտի եւ առեւտուրի ականաւոր ներկայացուցիչներ, ԱՄՆ-էն, Մեծն Բրիտանիայէն, Ֆրանսայէն, Շուէտէն, եւ Ճափոնէն։

                                     

2. Առաքելութիւն, նպատակ եւ հարցեր

"Դիլիջան միջազգային դպրոց" ը շահութաբեր նպատակներ չի հետապնդեր։Այս դպրոցը, որուն առաքելութիւնը "ուսումը ազգերը եւ մշակոյթները միացնող ուժի մը վերածելն է խաղաղութեան համար, հիմնական արժէք կը նկատէ մտային, ֆիզիքական, զգացական, հոգեւոր եւ կենսոլորտային զարգացման բոլոր երեւոյթներու տեւական գերազանցութիւնը:

Այս նախագիծին առաքելութիւնն է՝

  • Եւրոպայի եւ Ասիոյ խաչմերուկին հիմնել ժամանակակից միջազգային դպրոց մը,
  • Ուսանողներուն տրամադրել բազմակողմանի կրթութիւն, որ կապահովէ նոր հնարաւորութիւններ անոնց համար,
  • Նախապատրաստել ուսանողները՝ ընդունուելու աշխարհի լաւագոյն համալսարանները,
  • Միջազգային որակեալ կրթութիւնը դարձնել հասանելի երիտասարդներու համար՝ անկախ ազգութենէն եւ անոնց ծնողներուն նիւթական հնարաւորութիւններէն,
  • Ուսուցիչներու եւ աշակերտներու միջեւ հաստատել լիարժէք երկխօսութիւն,
  • Ուսանողներուն մէջ սերմանել մշտական ինքնակատարելագործման գիտակցութիւն եւ ձգտում։

Դիլիջանի միջազգային դպրոցին հիմնական նպատակներն են՝

  • Տարածաշրջանին ընկերա-տնտեսական իրավիճակին բարելաւումը,
  • Դիլիջանի ենթակառուցուածքներուն վերանորոգումը խթանել եւ նպաստել անոր զարգացման։
  • Դիլիջանի բնապահպանական կայուն զարգացումը,
  • Հ.Հ. կրթական համակարգին համար որակապէս նոր կողմնորոշիչներու սահմանումը,

Տուեալ նախագիծին հիմնական նպատակներուն հասնելու համար սահմանուած են մարտավարական եւ ռազմավարական նպատակներ։

Դիլիջանի միջազգային դպրոցին ռազմավարական հարցերն են՝

  • Դիլիջան քաղաքին նոր գլխաւոր յատակագիծին եւ զարգացման հայեցակարգին մշակումը եւ հաստատումը՝ նկատի առնելով քաղաքին նոր կարգավիճակը,
  • Միջազգային դրամատիրական կազմակերպութիւններու ներգրաւումը տարածաշրջանին ընկերա -տնտեսական զարգացման նախագիծերուն մասնակցելու համար։
  • Նոր ներդրողներու ներգրաւումը Դիլիջան,

Իբրեւ մարտավարական հարցեր սահմանուած են՝

  • Նախագիծին իրականացման համար անհրաժեշտ տարածքներու սեփականատէրերուն ոչ կառուցողական մօտեցման հարցին լուծումը,
  • Դպրոցին նախագծման եւ կառուցման համար միջազգային բնօրինակին օգտագործման հնարաւորութիւններուն համար իրաւական մեքենականութեան ստեղծումը, որոնք հիմնականօրէն չեն համապատասխաներ Հայաստանի Հանրապետութեան մէջ գործող շինարարական օրէնքներուն։
                                     

3. Կառոյցներ

Դիլիջանի միջազգային դպրոցին ճարտարապետական նախագիծին ընտրութեան համար յայտարարուած է միջազգային մրցոյթ մը, որուն իբրեւ արդիւնք ընտրուած է անգլիացի ճարտարապետ՝ Թիմ Ֆլինի նախագիծը։ Հեղինակը տուեալ ճարտարապետական նախագիծին հիմքին դրած է վերջին 20 տարուան աշխարհի տարբեր երկիրներու մէջ կառուցուած 20 միջազգային դպրոցներու կառուցման ատեն օգտագործուած յառաջատար փորձը։

Դիլիջանի միջազգային դպրոցին շինութիւններուն ընդհանուր հողատարածքը կը կազմէ շուրջ 87.1 հեքթար։ Կառուցապատման ենթակայ տարածքը կը կազմէ 20.1 հեքթար, որմէ ճարտարապետական նախագիծին մէջ ընդգրկուած են հետեւեալ շինութիւններուն կառուցումը.

  • Բազմագործառնութեան կեդրոն 2400 մ 2
  • Մարզական մասնաշէնքը 6300 մ 2
  • Գիտարուեստական մասնաշէնքը 456 մ 2
  • Մարզական մասնաշէնքին օժանդակ տարածք 2200 մ 2
  • Հիմնական դահլիճ 1990 մ 2
  • Աշակերտներու կացարան 5 5750 մ 2
  • Անձնակազմի կացարան 2 5000 մ 2
  • Աշակերտներու կացարան 2 5000 մ 2
  • Արուեստի կեդրոն 5273 մ 2
  • Բժշկական կեդրոնը 368 մ 2
  • Անձնակազմի կացարան 1 5000 մ 2
  • Դպրոցին հիմնական մասնաշէնքը 13.180 մ 2
  • Աշակերտներու կացարան 1 5000 մ 2
  • Աշակերտներու կացարան 4 5300 մ 2
  • Աշակերտներու կացարան 3 5000 մ 2
  • Շէնք 37 445 մ 2


                                     

4.1. Կրթական ծրագիրներ Ուսումնական ծրագիր

Դիլիջանի միջազգային դպրոցին մէջ կը նախատեսուի, որ ուսումնական տարին կը տեւէ 274 օր, իսկ հանգիստի օրերը կըլլան 91 օր։ 13-14 տարեկան երեխաներու կրթութիւնը կը նախատեսուի կազմակերպել պարտադիր, յաւելեալ եւ յարակից նիւթերով։

Պարտադիր դասանիւթերն են անգլերէնը, օտար լեզուները, թուաբանութիւնը եւ ընդհանուր գիտութիւնը, "Հայոց լեզու եւ գրականութիւն" ՝ Հ.Հ. քաղաքացիներուն համար։

Յաւելեալ դասանիւթերն են արուեստը, գծագրութիւնը եւ արուեստագիտութիւնը, պատմութիւնը եւ աշխարհագրութիւնը։ Յարակից դասանիւթերն են թատերական արուեստը, ֆիզիքական կրթութիւնը եւ առողջապահութիւնը, երաժշտութիւնը եւ այլն։

Ուսանողները պէտք է առնուազն "B" մակարդակ ունենան անգլերէնի մէջ եւ գերազանց թուաբանութեան մէջ։ Այդ քննութիւնները կը համապատասխանեն IGCSE կրթական ծրագիրին անցում կատարելու բնօրինակներուն համապատասխան։ Հայազգի ուսանողները կը դիմեն նաեւ հայագիտական դասանիւթեր։

14-16 տարեկան երեխաներու համար կը նախատեսուի կրթութիւնը կազմակերպել The International General Certificate of Secondary Education IGCSE կրթական ծրագիրին համապատասխան։ Բոլոր դասանիւթերը խմբաւորուած են հետեւեալ խումբերուն մէջ՝ Լեզուներ, մարդասիրական առարկաներ, թուաբանութիւն, Ստեղծագործական, ընկերաբանական գիտութիւններ եւ արհեստագիտութիւն։ Քննութիւնները կը կազմակերպուին ամրան։ Քննութիւնները կը կազմակերպուին դպրոցի intranet համակարգին միջոցով։

16-19 տարեկաններու ուսուցումը կը նախատեսուի կազմակերպել IB կրթական ծրագիրներուն համապատասխան։ Բոլոր առարկաները խմբաւորուած են հետեւեալ կերպով՝

  • Խումբ 6 – Արուեստ, Երաժշտութիււն, Թատրոն
  • Խումբ 5 – Թուաբանութիւն տարբեր մակարդակներու համար,
  • Խումբ 3 - Պատմութիւն եւ արուեստագիտութիւն, կազմուած մարմիններու եւ անոնց շրջապատին փոխյարաբերութեանց ուսումնասիրութիւնը,
  • Խումբ 4 – Կենսաբանութիւն, Քիմիագիտութիւն եւ բնագիտութիւն Բարձր եւ բնօրինակ մակարդակ,
  • Խումբ 2 - Ռուսերէն, Անգլերէն, Ֆրանսերէն, Սպաներէն-B,
  • Խումբ 1 - Ռուսերէն, Հայերէն, Անգլերէն,

Վկայական Հիմնական - Գիտութեան արուեստագիտութիւն Technology of science դասընթացքը կը դասաւանդեն աւելի քան 17 ուսուցիչներ, CAS դասընթացք Creativity, Actions and Service։

Առարկաները կը բաժնուին նաեւ բարձր մակարդակի Higer level եւ բնօրինակ մակարդակի Standard level։ Իւրաքանչիւր ուսանող պէտք է ունենայ երեքական բարձր եւ բնօրինակ մակարդակի դասընթացքներ։ IB վկայական ստանալու համար ուսանողը պէտք է հաւաքէ առնուազն 24\45 նիշը։

                                     

4.2. Կրթական ծրագիրներ Նախապատրաստական տարի 13-14 տարեկան

  • Նախա-IGCSE ծրագիր՝ անգլերէնի, այլ օտար լեզուներու եւ թուաբանութեան խտացուած ուսուցում
  • Լրացուցիչ առարկաներ՝ կիրառական արուեստ, մարդասիրական գիտութիւններ, գիտութիւն եւ արուեստագիտութիւն՝ բազմազան տաղանդներ եւ հետաքրքրութիւններ զարգացնելու նպատակով
                                     

4.3. Կրթական ծրագիրներ IB Diploma 16-19 տարեկան

  • Կրթական խտացուած եւ հաւասարակշռուած երկամեայ ծրագիր՝ աւարտական քննութիւններով, որոնք ուսանողը կը պատրաստեն համալսարանական ընդունելութեան։
                                     

4.4. Կրթական ծրագիրներ Միացեալ Համաշխարհային Քոլէճներ

Միացեալ Համաշխարհային Քոլէճներ, United World Colleges or UWC, կրթական շարժում մը, որուն մաս կը կազմեն 12 միջազգային դպրոցներ եւ քոլէճներ, 140 երկիրներու ազգային խնամակալ յանձնաժողովներ եւ շարք մը կարճաժամկէտ կրթական ծրագիրներ։

                                     

5. Արտադասարանային ուսուցում

Անգլերէնի հարստացում

Անգլերէնի խտացուած ուսման ծրագիր՝ բոլոր մակարդակներու համար։

Մարզասրահային եւ բացօթեայ մարզանք

Մարզական զանազան զբաղումներ, թէ՛ խմբային, թէ՛ անհատական՝ ոտնագնդակ, կողովագնդակ, արկագունդ volleyball, թենիս, լողալ, ձիավարութիւն եւ այլն։

Ակումբներ

Քննարկումներ, ճատրակ, լեռնագնացութիւն եւ արշաւներ:

Կիրառական արուեստ

Երաժշտութիւն, պարարուեստ, բեմական արուեստ, կիրառական արուեստ Հայաստանի լաւագոյն մշակութային կեդրոններէն մէկուն մէջ։

                                     

6. Արտաքին յղումներ

  • Ռուբէն Վարդանեան. "Բարգաւաճման նախատիպը կը պահանջէ կամք, հաւակնութիւններ եւ ապահովագրում"
  • Դիլիջանի միջազգային դպրոցի կայք
  • Ինչպէս Հայաստանի մէջ ապագայի դպրոց բացին, ռուսերէն
Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →