Back

ⓘ Դեղին (գոյն)




Դեղին (գոյն)
                                     

ⓘ Դեղին (գոյն)

Դեղին, արեւին, ոսկիի գոյնն է։ Դեղինը կազմուի երկու գոյներէ՝ կարմիր եւ կանանչ։

Դեղինին ալիքները կը սկսին 570-նանոմեթրէ եւ կը վերջանան 580-ով։ Գոյներու սփեքթրին մէջ դեղինը կը գտնուի կանանչին եւ նարնջագոյնին միջեւ:

                                     

1. Դեղինի Նշանակութիւնները

  • Կը նշանակէ գողութիւն եւ խաբեբայութիւն
  • Հին եգիպտացիները օգտագործած են դեղինը՝ որպէս աստուածութեան նշան։
  • Արեւմուտքի մէջ դեղինը կը նշանակէ հարստութիւն, քանի որ ոսկիի եւ արեւին գոյնն է
  • Սուտ ժպիտը կը կոչուի դեղին ժպիտ
  • Նոր-Եորքին մէջ դեղինը թաքսիներու աւանդական գոյնն է
  • Օրհնուած գոյն է դեղինը Հինտոսներու քով։ Հինտոսներու կրօնական մարդիկը կը հագնուին դեղին կամ ճերմակ հագուստներ
  • Չինացիներուն քով կը նշանակէ կայսրութիւն ունի հաջողութեան, փառքի եւ ներդաշնակութեան իմաստ
  • Գայթակղութեան նուիրուած թերթերը կը կոչուին դեղին մամուլ
                                     

2. Մշակոյթի մեջ

  • Tour de France-ին առաջատար հեծանիւ վարողները դեղին շապիկ կը հագնին
  • Դեղին տենդ՝ սուր տարփոխիկ վիրուսային հիւանդութիւն մը
  • Դեղին մամուլ՝ պարզունակ լրագրողական լեզուով, անստոյգ եւ աղմուկ յարուցանող, մակերեսային մեկնաբանութիւններով մամուլ
  • Շինարարութեան մէջ աշխատող մեքենաներու շարժուող մասերը կը ներկուին դեղին գոյնի, յաճախ սեւ շեղ շերտերով՝ աշխատողներուն զգուշացնելու նպատակով
  • Դեղին էջեր՝ որոշակի աշխարհագրական շրջանի կազմակերպութիւններուն հասցէներու եւ հեռախօսահամարներու տեղեկագիրք
  • Ոտնախաղին մէջ մրցավարը որպէս զգուշացում խաղացողին "դեղին քարտ" ցոյց կուտայ
  • Նազիական Գերմանիոյ մէջ 1939÷45 հրեաներու կուրծքներին կը փակցնեին դեղին գոյնի Դաւիթի աստղի ձեւով նշան
  • Beatles խումբին ամենէն յայտնի երգերէն մէկն է "Դեղին Սուզանաւը" անգլերէն՝ Yellow submarine

Անուններ

  • Դեղին գետ՝ Աղստեւին ձախակողմեան վտակներէն մին
  • Դեղին ծով` չինարէն՝ 黄海 Խաղաղական Ովկիանոսին պատկանող ներփակեալ ծով մըն է։
  • Դեղին սար՝ գագաթ մը Նախիջեւանի տարածքին մէջ նախկինին հայաբնակ գիւղին մը մօտ
                                     

3. Բնութեան մէջ

Բնութեան մէջ ամենատարածուած գոյներէն է: Ծաղիկներու գոյներու մէջ գերակշիռը դեղինն է՝ արեւածաղիկ, կուժկոտրուկ, հիրիկ եւ այլն: Նոյնը կրնայ ըսւի թռչուններու վերաբերեալ: Կենդանիներու, նաեւ՝ սունկերու դեղին գոյնը ցոյց կուտայ անոնց թունաւորութիւնը:

Երկիրներու դրօշակներ

Քանի մը երկիրներու դրօշակներու դեղինը կը նշանակէ բարեբեր դաշտերը՝ Ուքրանիա, Լիթուանիա