Back

ⓘ Լեւոն Գարմէն




                                     

ⓘ Լեւոն Գարմէն

Լեւոն Գարմէն, բանաստեղծ եւ խմբագիր։

Բնիկ սասունցի Լեւոն Ստեփանեան ծնած է 1915 թուականին Հալէպի մէջ՝ ուր ստացած է իր նախակրթութիւնը Հայկազեան վարժարանէն, իսկ երկրորդական եւ բարձրագոյն ուսումը՝ Անգլիական Գոլէճի մէջ։1930 թուականէն մինչեւ 1960ական թուականներ ապրած է Պաղտատի մէջ Իրաք: Այդ շրջանին ան, տարիներ շարունակ բարձր պաշտօններ վարած է "Քէյ. Օ. Սի." քարիւղի ընկերութեան մէջ, նաեւ վարած է ազգային եւ կուսակցական պատասխանատու պաշտօններ։

1966 թուականին կոչուած էր ստանձնելու Պէյրութի "Ազդակ" օրաթերթի խմբագրութիւնը, սակայն կը փակէ աչքերը յանկարծական մահուամբ 1966 թուականին:

                                     

1. Գրական ասպարէզ

Գրականութեան մէջ իբրեւ բանաստեղծ մուտք գործած է 1947-ին` լոյս ընծայելով "Վայրկեաններ" քերթուածներու հատորը, ապա, քանի մը տարի ետք, "Բաբելոնեան տոմարը", որոնք զգայուն բանաստեղծի մը վկայութիւնը բերած են. ան ունի նաեւ հրատարակելի գործերու բազմաթիւ կապոցներ:

1948-էն մինչեւ 1958 վարած է Իրաքի մէջ հրատարակուած "Գոյամարտ" շաբաթաթերթի խմբագիրի պաշտօնը, իսկ 1966 թուականին ընկ. Լ. Ստեփանեան կոչուած էր ստանձնելու Պէյրութի "Ազդակ" օրաթերթի խմբագրութիւնը, երբ փակեց աչքերը` նոյն տարուան օգոստոս 26-ին յանկարծամահ ըլլալով: