Back

ⓘ Բահաթուր Բահաթրեան




                                     

ⓘ Բահաթուր Բահաթրեան

Բահաթուր Բահաթրեան, ծնած է 1872-ին Ղարաբաղ իսկ մահացած է 1 Դեկտեմբեր 1934-ին Երեւանի մէջ: Ուսած է Շուշիի դպրոցը եւ Գէորգեան ճեմարանը, իսկ բարձրագոյն ուսումը ստացած է Ժընեւի համալսարանը՝ հետեւելով բնագիտական եւ մաթեմաթիքի ճիւղերուն: Ապա աւարտած է Կանտի ճարտարագիտական դպրոցը եւ իբրեւ ճարտարագէտ-քիմիաբան մտած է կեանքի ասպարէզը: Սակայն առաւելապէս իր մէջ կոչուս զգալով ուսուցչութեան՝ նուիրած է կրթական գործին՝ հայկական դպրոցներու մէջ դասախօսելով մաթեմաթիք:

1914-1917 երեք տարի պաշտօնաւարած է Գէորգեան ճեմարանը իբր ուսուցիչ մաթեմաթիքի, յետոյ անցած է Երեւանի դպրոցը եւ ի վերջոյ հոն դասախօս եղած է համալսարանի բազմարուեստեան բաժնին մէջ: Նոյն ատեն զբաղած է համարակական գործունէութիւնով. 1918-ին եղած է Հայաստանի ներքին գործոց նախարարի պարենաւորման ներկայացուցիչ Վաղարշարատի շրջանին մէջ. 1921-ին, Փետրուարեան ապստամբութեան օրերուն հրամանատար եղած է Կոտայքի գիւղերէն մէկուն: Անդամ էր Հ.Յ. Դաշնակցութեան եւ անոր համոզուած գործիչներէն մէկն էր:

Բահաթրեան ունի լուրջ ուսումնասիրութիւն մը Անանիա Շիրակացիի մասին, որուն վրայ աշխատած է երկար տարիներ:

Բապաթրեան համեստ, սակաւախօս մաքուր սրտի տէր եւ ուղղամիտ անձ մըն էր: