Back

ⓘ Նորա Արիսեան




                                     

ⓘ Նորա Արիսեան

Ծնած է Դամասկոս, 1967-ին: Աւարտած է Դամասկոսի Հայ կաթողիկէ ճեմարանը: 1988-ին, Դամասկոսի համալսարանի բանասիրութեան ֆրանսերէնի գրականութեան բաժինէն վկայուած է:

1988-ին եւ 1989-ին Ֆրանսայի Սորպոն համալսարանէն ֆրանսերէնի մասնագիտացման երկու վկայականի, իսկ 1990-ին թարգմանութեան մասնագիտութեան բարձրագոյն ուսման վկայականին տիրացած է:

2001-ին աւարտած է Հայաստանի Հանրապետութեան գիտութիւններու ազգային ակադեմիայի արեւելագիտութեան հիմնարկը պատմութեան մասնագիտութեամբ` տիրանալով պատմական գիտութիւններու թեկնածուի գիտական աստիճանին:

                                     

1. Գործունէութիւն

1992-2006-ին աշխատած է Դամասկոսի մէջ Հայաստանի Հանրապետութեան դեսպանատունը` իբրեւ գրասենեակի վարիչ, մամուլի պատասխանատու եւ թարգմանիչ` կատարելով նաեւ պաշտօնական բարձրաստիճան պատուիրակութիւններու բանաւոր թարգմանութիւններ: Դեսպանատան թարգմանութիւնները կը կատարէ մինչեւ օրս:

2006-2009-ին Դամասկոսի Ազգային միացեալ վարժարանի տնօրէնի պաշտօնը վարած է: 2005-էն դասախօս է Դամասկոսի պետական համալսարանին մէջ։ 2010-2013-ին աշխատակցած է Սուրիոյ մշակոյթի նախարարութեան հետ` իբրեւ թարգմանիչ եւ խորհրդատու:

Կ’աշխատակցի Սուրիոյ մէջ հրատարակուող Արաբական հանրագիտարանին, ուր յօդուածներ կը հայթայթէ հայ գրականութեան ու պատմութեան մասին: Ցեղասպանութեան նիւթով մասնակցած եւ ելոյթներ ունեցած է զանազան գիտաժողովներու` Միացեալ Նահանգներու "Եու. Սի. Էլ. Էյ." Պէյրութի Հայկազեան եւ Գահիրէի համալսարաններուն մէջ։ Զանազան առիթներով, արաբերէն եւ հայերէն դասախօսութիւններ ներկայացուցած է Սուրիոյ, Լիբանանի, Միացեալ Նահանգներու, Յորդանանի, Արաբական Միացեալ Էմիրութիւններու եւ Եգիպտոսի զանազան քաղաքներուն մէջ:

Զանազան լեզուներով մասնագիտական յօդուածներ եւ թարգմանութիւններ ունի բազմաթիւ երկիրներու մէջ լոյս տեսած մամուլին մէջ։ Քաղաքական եւ պատմական նիւթերով հանդէս եկած է պատկերասփիւռի եւ ձայնասփիւռի կայաններէն: Խմբագիրն է "Ազդակ" օրաթերթի արաբերէն կայքին: Անդամ է Արաբ գրողներու միութեան 2007-ին. միակ սփիւռքահայ կին գրողն է, որ այս միութեան անդամակցած է:

2013-էն ի վեր վարիչ տնօրէնն է Դամասկոսի համալսարանին մէջ գործող Հայկական բաժինին:

                                     

2. Երկեր

Հեղինակ է հինգ արաբերէն եւ հայերէն գիրքերու.

  • "Հայոց ցեղասպանութեան արձագանգները սուրիական մամուլին մէջ 1877-1935", Պէյրութ, 2005 արաբերէն
  • "100 տարի Հայոց ցեղասպանութեան – 100 արաբական վկայութիւններ", Պէյրութ, Հայկազեան համալսարան, 2015 արաբերէն
  • "Հայերու արհաւիրքը սուրիական մտքին մէջ, սուրիացի մտաւորականներու դիրքորոշումը Հայոց ցեղասպանութեան նկատմամբ", Պէյրութ, 2002 արաբերէն
  • "Տէր Զօր, մարտիրոսաց քաղաք", Հալէպ, 2010 հայերէն
  • "Սուրիահայ երեսփոխանները Սուրիոյ խորհրդարաններուն մէջ 1928-2011", Դամասկոս, 2011 արաբերէն

Արիսեան ունի արաբերէնի թարգմանած շուրջ տասը հրատարակուած գիրքեր.

  • 2005-ին Յարութ Սասունեանի "The world speaks out" անգլերէնէ թարգմանուած
  • 2006-ին Գէորգ Աբելեանի "Ցկեանս նահատակութիւն" պատմուածքներու գիրքը
  • Յակոբ Պարոնեանի, "Քաղաքավարութեան վնասները"
  • 2006-ին "Ընդդէմ Ազրպէյճանի հակահայ քաղաքականութեան" վերնագիրով գիրքը
  • 2014-ին Թաթուլ Յակոբեանի "Ղարաբաղի օրագիր"
  • 2006-ին Ալֆրետ Տը Զայասի "Հայոց ցեղասպանութեան ոճիրը եւ անոր առնչութիւնը Ցեղասպանութեան համաձայնագիրին հետ" վերնագիրով գիրքը
  • 2015-ին "Հայ սեղանաւորները Օսմանեան կայսրութեան մէջ"
  • 2006-ին Շահէ Աւագեանի "Լեռնային Ղարաբաղ – իրաւական ասպեկտներ"
  • 2005-ին "Վերապրողներու վկայութիւններ"
  • 2016-ին, "Կոմիտասն ու հայկական երաժշտութիւնը"
                                     

3. Պարգեւներ

Նորա Արիսեան պարգեւատրուած է ստորեւ նշուած մետալ-շքանշաններով:

  • 2012-ին, Հայաստանի Հանրապետութեան նախագահի "Մովսէս Խորենացի" շքանշանով
  • 2011-ին, Հայաստանի Հանրապետութեան սփիւռքի նախարարութեան "Ուիլիըմ Սարոյեան" մետալով
  • 2006-ին Ռամկավար ազատական կուսակցութեան "Վահան Թէքէեան" շքանշանով
                                     
  • քաղաքական գործիչ 28 Նոյեմբեր Մհեր Ջուլհաճեան զոհուած 1993, Մարզիլ գ Նորա Արիսեան բանասէր, գրող, թարգմանիչ, արեւելագէտ Տե ս նաեւ Ստորոգութիւն: 1967 մահեր