Back

ⓘ Արամէ




Արամէ
                                     

ⓘ Արամէ

Կաղապար:Տեղեկաքարտ միապետ

Արամէ ծննդեան եւ մահուան թուականները անյայտ, Վանի թագաւորութեան արքայ՝ 860-840 թուականներուն։

Արամէի մասին տեղեկութիւններ պահուած են Ասորեստանի Սալմանասար Գ. թագաւորի 859-824 արձանագրութիւններուն մէջ։ Ան ետ մղած է Սալմանասար Գ ի յարձակումները, պահպանած է երկիրի ռազմաքաղաքական հզօրութիւնը, ընդարձակած է թագաւորութեան սահմանները։ Արամէի մասին կը յիշուի Արամ թագաւորի մասին գրուած ժողովրդական աւանդավէպին մէջ։ Սալմանասար Գ. քանի մը անգամ արշաւանքներ կը կազմակերպէ Ուրարտուի դէմ, որոնցմէ 857-ին Արամէ դուրս կու գայ ասորեստանցիներուն դէմ, սակայն պարտութիւն կը կրէ։ Արամէի գործունէութիւնը ենթահող մը կը պատրաստէ իր յաջորդներուն արտաքին քաղաքականութեան ի նպաստ։ Արամէ պետութեան սահմանները կը տարածէ հայկական լեռնաշխարհի հիւսիսային եւ արեւմտեան ուղղութիւններով։ 845-ին Ասորեստանի թագաւորը կրկին կը վերադառնայ եւ Տիգրիսի ակունքին մէջ քանդակել կու տայ իր պատկերը, ուր կը ձգէ նաեւ հսկայ արձանագրութիւն մը։ Այդ արձանագրութեան մէջ ան Ուրարտուի թագաւոր կանուանէ Արամէն։