Back

ⓘ Ահւալ




                                     

ⓘ Ահւալ

Ահւալ Թրքական լրատուական կայքէջ, որ կը հրապարակէ Թուրքիոյ մէջ տեղի ունեցող անցուդարձերը: Առաջին անգամ հրապարակուած է 2017 թուականին: Կը վայելէ Արաբական Միացեալ Էմիրութիւններուն նիւթական հովանաւորութիւնը: Թուրք լրագրող Եավուզ Պայտառ ներկայիս խմբագիրն է, իսկ Թուրք լրագրող Իլհան Թանըր անգլերէն բաժինի պատասխանատուն: "Ահւալ" թրքերէնով կը նշանակէ "դէպք" կամ "պատահար":

Փետրուարին 2018 թուականին, "Ահւալ" կարգելափակուի Թուրքիոյ կառավարութեան կողմէ Թուրքիոյ մէջ:

ObservatoireTurquie.fr կայքէջին հետ հարցազրոյցի մը ընթացքին, Պայտառ կը յայտնէ, թէ "Ահւալ" ունի օրական 230.000 այցելող:

Գերմանական Süddeutsche Zeitung թերթին հետ հարցազրոյցի մը ընթացքին, Պայտառ կըսէ, թէ՝ Ահւալի հիմնադրման նպատակն է Թրքական հակա-լրագրողական արգելափակումներուն դէմ պայքար մղել:

                                     

1. Սեփականութիւն

Կայքէջը կը պատկանի Ahval News Ltd ընկերութեան, որ արձանագրուած է Կիպրոսի մէջ: Ըստ Qantara.de կայքէջին, "Ահւալ" նիւթական օժանդակութիւն կը ստանայ Լոնտոնի մէջ գտնուող "Ալ Արապ" անգլ.՝ "Al Arab" ընկերութեան կողմէ, որոնք նիւթական նպաստ կը ստանան Արաբական Միացեալ Էմիրութիւններէն: Qantara կը քննադատէ "Ահւալ" ի արաբերէն լեզուող հրատարակուող բաժինը, որովհետեւ անգլերէն բաժինին չափ չէզոք չէ: Պայտառ կը պատասխանէ. "հովանաւորը ով ալ ըլլայ, կարեւորը չէզոք մնալն է: Երբ ես Անգլիոյ մէջ կաշխատէի, BBC համաշխարհային ընկերութեան մէջ, ինծի համար բնաւ հարց չէր, որ այս հաստատութիւնը նիւթական որոշ նպաստ կը ստանար Լոնտոնի պետութեան կողմէ" Թուրքիոյ պետութիւնը կը պնդէ, թէ "Ահւալ" կօգտագործուի իբրեւ Թուրքիոյ նախագահին դէմ ուղղուած հակաքարոզչական գործիք