Back

ⓘ Գէորգ Աբէլեան




                                     

ⓘ Գէորգ Աբէլեան

Աբէլեան ծնած է Քեսապի Քէօրքիւնա գիւղը: Նախնական ուսումը ստացած է գիւղի` Քեսապի եւ Այնճարի Հայ աւետարանական վարժարաններուն մէջ, իսկ համալսարանական ուսումը՝ Հայկազեան համալսարանէն:

Շուրջ 25 տարի ծառայած է կրթական ասպարէզին մէջ, ապա հիմնած է իր հաստատութիւնը` "ՍԱՎԱ" եւ զբաղած գրենական պիտոյքներու առեւտուրով, Այնճարի մէջ:

Մասնակցութիւն բերած է կուսակցական, եկեղեցական եւ յատկապէս մշակութային մարզերուն: Տարբեր պաշտօններ ստանձնած է ՀՅԴ "Կարմիր լեռ" կոմիտէութեան մէջ, անդամակցած է Համազգային մշակութային միութեան, նաեւ` Ազունիէի Հայ ազգային բուժարանի խնամակալութեան:

22 Նոյեմբեր 2015-ին, Աբէլեանի յիշատակը անմահացնելու համար, Այնճարի մէջ տեղի ունեցած է իր անունով գրադարանի բացումը։

                                     

1. Ստեղծագործական գործունէութիւն

Աշակերտական տարիքէն գրելու հակումներ ցուցաբերած է: Աշխատակցած է Ս. Սիմոնեանի "Սփիւռք" -ին, "Բագին" գրական ամսագիրին, "Ազդակ" օրաթերթին, "Պատանեկան Արձագանգ" -ին եւ այլն:

Հայոց ցեղասպանութենէն վերապրողներու, օտարացած, ապա իրենց ինքնութիւնը վերագտածներու, իսլամացածներու մասին պատմութիւններ ու վկայութիւններ հաւաքելու հետեւողական աշխատանք տարած է` այս բոլորը ամփոփելով զոյգ հատորներու մէջ:

Իր գործերէն են.

  • "Նետենք-բռնենք…" մանկապատանեկան,
  • "Հելէ, Հելէ, Հելէ Քեսապ",
  • "Աննա հարսը" վէպ,
  • "Քոյրիկս մի՛ ծախեր, մա՜մ" պատանեկան հատորը "Ցկեանս նահատակութիւն" գիրքին շարքէն
  • "Աղբարի՜կ, ափիկ մը ջուր…" "Ցկեանս նահատակութիւն" շարքին երկրորդ հատորը,
  • "Ցկեանս նահատակութիւն", որ նաեւ լոյս տեսած է արաբերէնով եւ սպաներէնով "Պէյրութ",
  • "Մաքարոնի թիլէկ-թիլէկ",

Ան ծանօթ է իր հրապարակագրական-երգիծական յօդուածներով՝ "Ձիւնական" գրչանունով։