Back

ⓘ Սիլվա Կապուտիկեանի Տուն-Թանգարան




Սիլվա Կապուտիկեանի Տուն-Թանգարան
                                     

ⓘ Սիլվա Կապուտիկեանի Տուն-Թանգարան

Սիլվա Կապուտիկեանի տուն-թանգարան, հիմնադրուած է 2003-ին՝ Սիլվա Կապուտիկեանի կտակի համաձայն։ 20 Յունուար 2009-ին բանաստեղծուհիի ծննդեան 90-ամեակի կապակցութեամբ ՀՀ կառավարութեան որոշմամբ անոր ապրած տան մէջ բացուած է բանաստեղծուհիի տուն-թանգարանը։ Եղիշէ Չարենցի անուան գրականութեան եւ արուեստի թանգարանի մասնաճիւղն է ՀՀ կառավարութեան N 08.10.2015 1180-Ա որոշմամբ:

                                     

1. Պատմութիւն

Սիլվա Կապուտիկեանը իր կտակով պահանջած է, որ բնակարանի ընդունարանը, ննջարան-աշխատասենեակը եւ հիւրասենեակը թողնեն նոյնութեամբ՝ ոչինչ աւելացնելով եւ ոչինչ պակասեցնելով։ Բանաստեղծուհին իր ձեռքով կահաւորած, տեղադրած ցուցանմուշները, տուած է բացատրութիւնները։ Տուն-թանգարանի ձեւաւորման ժամանակ անհրաժեշտութենէն ելլելով՝ 2008-ին ամրան ցուցասրահի վերածուած է 13 մ երկարութեամբ տնտեսական պատշգամը, ուր այժմ կը ցուցադրուի Կապուտիկեանի հարուստ արխիւի մէկ մասը։

                                     

2. Ցուցադրութիւն

Ցուցասրահի առաջին հատուածին մէջ ներկայացուած են Վանէն բերուած մասունքներ՝ կաւէ պուտուկը, մետաղեայ տաշտակը, որու մէջ լոգցած է ե՛ւ նորածին բանաստեղծուհին, ե՛ւ անոր որդին՝ Արա Շիրազը, տատի գործած կարպետն ու գունագեղ գուլպաները, անոր իսկ ձեռքով կարուած թաւիշէ վերարկուն եւ այլն։ Ցուցադրուած են նաեւ կարի մեքենան, որմով իր գծագրած հագուստները երիտասարդ հասակին կարած է Կապուտիկեանը եւ Ամիրեան 20 հասցէի այն տան մանրակերտը, ուր 1919-ին ծնած ու մինչեւ 1954-ին ապրած է բանաստեղծուհին։

Առաջին ցուցափեղկին մէջ բանաստեղծուհիի առօրեայ օգտագործման իրերն են՝ ձեռքի ժամացոյց, պայուսակ, թաշկինակ, հովհար, յարդարանքի պարագաներ։

Երկրորդ ցուցափեղկին մէջ դրուած են այն նուէրներէն, որոնք Կապուտիկեանը ստացած է անուանի մարդոցմէ։ Թանկ նմուշներէն է յատկապէս Սիամանթոյի գրիչը, որ 1963-ին Փարիզի մէջ Կապուտիկեանին նուիրած է պոէտի քոյրը։

Երրորդ ցուցափեղկին մէջ Կապուտիկեանի պարգեւներն են՝ "Պատուոյ նշան", Ժողովուրդներու բարեկամութեան, Հոկտեմբերեան յեղափոխութեան, "Մայրական երախտագիտութիւն" եւ այլ շքանշաններ ու մետալներ։

Հինգերորդ ցուցափեղկին մէջ անդամութեան տոմսերն են։

Ցուցադրութիւնը կ՚աւարտի Աւետիք Իսահակեանի, Վազգէն Ա. վեհափառի, Պարոյր Սեւակի, Բելա Ախմադուլինայի եւ այլ ժամանակակիցներէ ստացուած յուշանուէրներով։ Սրահին առանձնակի շուք կու տայ բանաստեղծուհիի որդիի՝ ՀՀ ժողովրդական նկարիչ Արա Շիրազի կերտած կիպսէ կիսանդրին, որու պրոնզաձոյլը դրուած է Կոմիտասի անուան պանթէոնին մէջ։

                                     

3. Գործունէութիւն

Թանգարանի աշխատանքները սկսած են Կապուտիկեանի արխիւի կարգաւորմամբ։ Այն կ՚ընդգրկէ 1940-ականներէն մինչեւ օրս իր գրական-հասարակական գործունէութեան վերաբերող բոլոր փաստաթուղթերը։ Շնորհիւ թանգարանի աշխատողներու պատճենահանուած է 18 հազար էջէ աւելի ձեռագիր։

                                     

4. Միջոցառումներ

Թանգարանին մէջ կը կազմակերպուին հանդիսութիւններ, գրական հանդիպումներ, որոնց ժամանակ թեմային կամ օրուայ հրամայականին համապատասխան կ՚իրականացուին ցուցադրութիւններ եւ բանախօսութիւններ։

2009 եւ 2010-ականներուն թողարկած են "Երգեր Սիլվա Կապուտիկեանի խօսքերով" 2 ձայնասկաւառակները։ Թանգարանի անմիջական մասնակցութեամբ եւ ջանքերով տարբեր արուեստանոցներու եւ հեռուստաալիքներու կողմէ ստեղծուած են նաեւ տարբեր տեսաֆիլմեր, թողարկած հեռուստահաղորդումներ։

                                     

5. Հասցէ

Թանգարանը կը գտնուի Երեւանի կեդրոնը՝ Սիլվա Կապուտիկեան փողոցը սկիզբը՝ Բաղրամեան-Դեմիրճեան խաչմերուկէն, շէնք 1, 2-րդ մուտք, 4-րդ յարկ, բն. 26 հասցէին վրայ։

                                     
  • Արուեստանոց - Թանգարան Կալենց Թանգարան Կարէն Տէմիրճեանի Թանգարան Ալեքսանդր Սպենդիարեանի Տուն - Թանգարան Սերգէյ Փարաջանովի Թանգարան Սիլվա Կապուտիկեանի Տուն - Թանգարան Մատենադարան
  • Սիլվա Կապուտիկեան փողոց, փողոց Երեւանի Կեդրոնը 2007 - ին Բաղրամեան պողոտայի 1 - ին անցուղին ի պատիւ բանաստեղծուհի Սիլվա Կապուտիկեանի վերանուանուեցաւ անոր
  • Երեւան եւ Գիւմրի Եղիշէ Չարենցի, Մարտիրոս Սարեանի, Սիլվա Կապուտիկեանի բոլորը Երեւան եւ այլ տուն - թանգարաններ: Ներկայիս Հայաստանի մէջ կը գործեն բազմաթիւ