Back

ⓘ Սիպիլ Պէկթորոսօղլու



                                     

ⓘ Սիպիլ Պէկթորոսօղլու

Սիպիլ Պէկթորոսօղլու (թրք.՝ Sibil Pektorosoğlu, թրքահայ երգչուհի։ Թուրքիոյ պատմութեան մէջ առաջին անգամ ըլլալով պետական եւ անձնական ժողովրդական պատկերասփիւռի ու ձայնասփիւռի կայաններէն սկսան հաղորդուիլ Սիպիլի հայերէն երգերը, ինչպէս նաեւ` "Նամակ" -ի տեսահոլովակը: 2019 դեկտեմբերէն Սիպիլ կը ներկայացնէ "Sibil la Reine" հայկական զարդերու եւ հագուստի պարագաներու ապրանքանիշը:

                                     

1. Կենսագրութիւն

Ծնած է եւ կապրի Ստամպուլ: Մայրական կողմէ նախնիները Սվազէն եւ Թոքատէն են, հօրը ընտանիքը պոլսահայ է: Մեծ մայրը՝ Արսէնուհին, եւ մեծ հայրը՝ Թորոսը, բազմաթիւ հարազատներ կորսնցուցեր են: Գրեթէ ամբողջ ընտանիքը: Արսենուհիի մայրը, եղբայրները ու երեք տարեկան քոյրը զոհուեր են, 14-ամեայ Արսենուհին ու իրմէ մէկ տարիով մեծ քոյրը պարտադրաբար ապրեր են մահմետական ընտանիքներու մէջ: Ու փրկուեր են: Եւ առաջին իսկ պատեհ առիթի ժամանակ փախեր են Պոլիս: Արսէնուհին Պոլսոյ մէջ ծանօթացեր է մեծ հօրս՝ Թորոսին հետ: Հօրը Թորոսեան ազգանունը դարձեր է Պէկթորոսօղլու:

Երգչուհի Սիպիլ մասնագիտութեամբ տնտեսագէտ է, կաշխատի Ստամպուլի դրամատուներէն մէկուն մէջ մեկում: Սկսեր է երգել փոքր հասակէն եկեղեցական "Սուրբ Վարդանանց" երգչախումբին մէջ։ 2010 թ. Նոյեմբերին թողարկեր է հայալեզու "Սիպիլ" ալբոմը, ուր տեղ գտան "Տէր Ողորմեայ", "Կիլիկիա", "Տեսնեմ Անին եւ նոր մեռնիմ", "Նամակ" եւ այլ երգերը։ Վերջինս մեծ յաջողութիւն ունեցաւ Թուրքիոյ մէջ։ "Նամակ" -ի հիման վրայ նկարահանուած տեսահոլովակը նկարահանուել է Օզքան Աքսուլառի՝ Թուրքիայի ամենայայտնի արտադրողներէն մէկու աջակցութեամբ, եւ առաջին հայալեզու տեսահոլովակն էր, որ ցուցադրուեցաւ թրքական պետական հեռուստատեսութեամբ։ 2012 թ. Ապրիլին մրցանակի արժանացեր է Մոսկուայի մէջ կայացած "Արմենիա" մրցանակաբաշխութեանը, մէկ ամից անց, Երեւանի մէջ երգչուհիին շնորհուեցաւ Ազգային երաժշտական մրցանակ։

Սիպիլի կատարած "Նամակ" -ը, Յովհաննէս Շիրազի բառերով, "Ծարաւ սէրի", "Տեսնեմ Անին ու նոր մեռնեմ", "Կեանքի մը համար", "Սիրոյ ձայնի" եւ "Յիսուս" երգերը Մաժակ Թօշիկեան Ճենք Թաշքան, որ փոփ երաժշտութեան ամէնէն յայտնի յօրինողներէն մէկն է երաժիշտին ստեղծագործութիւններն են:

                                     

1.1. Կենսագրութիւն Համերգներ եւ ելոյթներ

  • 2019-ի Պրազիլի Փառատօն
  • 21 սեպտեմբեր 2014-ին Հայաստանի անկախութեան 23-րդ տարեդարձին առիթով կազմակերպուած համերգին ընթացքին երգած է Արմէն Տիւանեանի "Արեւներ" մանկապատանեկան համոյթին հետ
  • 22 Հոկտեմբեր 2017-ին, կազմակերպութեամբ՝ Արեւմտեան Ամերիկայի Համազգայինի Հայ Կրթական Մշակութային Միութիւնը եւ Պոլսահայ միութեան միացեալ ճիգերով երգչուհի Սիպիլ եւ հայազգի երգիչ Անտրէ ելոյթ ունեցան Լոս Անճելըսի "Ուիլշըր Իպէլ" ընդարձակ թատերասրահի մէջ
  • 1 Հոկտեմբեր 2016-ին, երգչուհի Սիպիլ, Հայաստանի "Տը Պիյութիֆայտ Փրոճէքթ" խումբին հետ Հոլանտայի Ռապոթիթըր Հանկէլօ քաղաքին մէջ համերգ մը պիտի ունենայ: Համերգը կազմակերպուած է Հոլանտայի Ալմէլօ քաղաքի Հայ Առաքելական եկեղեցւոյ Մշակութային կոմիտէի կողմէ
  • Մարտ 2012-ին դաշնակահար Պուրակ Պետիկեանի ընկերակցութեամբ եւ Մաժակ Թօշիկեանի ղեկավարութեամբ, առաջին անգամ համերգներ տուած է Նիւ Եորքի եւ Լոս Անճելըսի մէջ
  • 21 Յունուար 2013-ին Պոլսոյ շքեղագոյն սրահներէն "Մասլաք թիմ շով սենթըր" -ի մէջ, Մաժակ Թօշիկեանի ղեկավարած սիմֆոնիք նուագախումբի ընկերակցութեամբ, հայաստանցի արուեստագէտ Անտրէի հետ հանդէս եկած է համերգով մը
  • 15 Մարտ 2011-ին մասնակցած է "Իսթանպուլ Սազենտելերի" համերգին` իբրեւ հիւր արուեստագիտուհի
  • Օգոստոս 2015-ին երկրորդ անգամ ելոյթ ունեցած է Երեւանի մէջ տեղի ունեցած Համահայկական խաղերու բացման հանդիսութեան ընթացքին
  • Իր մասնակցութիւնը բերած է Թուրքիոյ եւ Հայաստանի միջեւ երաժշտութեան միջոցով արուեստի կամուրջ մը հաստատելու նպատակով կազմակերպուած ձեռնարկին` մի բերելով թուրք եւ հայ երաժիշտներ: Հայաստանի մէջ Ամերիկայի դեսպանատան հովանաւորութեամբ իրականացած այս ձեռնարկին առաջինը տեղի ունեցած է 14 դեկտեմբեր 2015-ին Երեւանի, իսկ երկրորդը 22 Դեկտեմբեր 2015-ին` Պոլսոյ մէջ
  • 2015-ի հոկտեմբերին Համազգայինի Նիւ Եորքի մասնաճիւղի կազմակերպութեամբ Նիւ Ճըրզիի "Պերկեն" համերգասրահին մէջ տեղի ունեցած համերգին ելոյթ ունեցած է Նունէ Եսայեանին հետ
  • 20 Հոկտեմբեր 2012-ին, դարձեալ դաշնակահար Պուրակ Պետիկեանի ընկերակցութեամբ եւ Մաժակ Թօշիկեանի ղեկավարութեամբ, սիմֆոնիք նուագախումբին ընկերակցութեամբ առաջին անգամ համերգ մը տուած է Մոնրէալի մէջ
  • Օգոստոս 2015-ին երկրորդ անգամ ելոյթ ունեցած է Երեւանի մէջ տեղի ունեցած Համահայկական խաղերուն բացման հանդիսութեան ընթացքին: Հայաստանի նախագահ Սերժ Սարգսեանի կողմէ "Երախտագիտական մետալ" -ով պարգեւատրուած է Համահայկական Խաղերու բերած իր նպաստին համար
  • 2011-ի ամռան Սիպիլ Հայաստան հրաւիրուած է երգելու համար Համահայկական խաղերու բացման եւ փակման հանդիսութիւններուն, ուր ժողովրդային մեծ ընդունելութեան արժանացած է "Տեսնեմ Անին" երգը

Սիպիլ համերգներով շրջագայած է Հիւսիսային եւ Հարաւային Ամերիկաներու մէջ, Եւրոպայի շարք մը երկիրներ, Ռուսիա, Իրան, Լիբանան եւ այլն:

                                     

1.2. Կենսագրութիւն Սիպիլի Առաջին Անզուգական Ելոյթը` Լիբանանի Մէջ

Կազմակերպութեամբ Համազգայինի Լիբանանի Շրջանային վարչութեան, 4 նոյեմբեր 2016-ին, Տըպպայէի "Էմիլ Լահուտ" սրահին մէջ տեղի ունեցաւ պոլսահայ երգչուհի Սիպիլի երգահանդէսը, որուն իրենց մասնակցութիւնը բերին Համազգայինի "Կարկաչ" մանկապատանեկան երգչախումբը եւ "Գայեանէ" պարի դպրոցի սաները: Դժբախտաբար "Էմիլ Լահուտ" սրահին ձայնային անյարմարութիւնը եւ սարքաւորումներուն խանգարումները չտպաւորեցին ներկաները, որոնք վայելք չապրեցան Սիպիլի կատարումներով: Դրականը այն եղաւ, որ սրահի մուտքին վաճառուած խտասալիկները փրկեցին իրավիճակը` բոլոր անոնց համար, որոնք կրցան օրինակ մը ձեռք ձգել Սիպիլի խտասալիկէն:

                                     

1.3. Կենսագրութիւն Մրցանակներ

Երգարուեստի մէջ Սիպիլի ունեցած ձեռքբերումները բազմաթիւ են`

  • "Ծիծեռնակ" ` սփիւռքի պահպանութեան եւ հայ երգը լաւագոյնս տարածելու համար 2017
  • 7 Ապրիլ 7 2012-ին Մոսկուայի մէջ ան արժանացած է "Հայկական երաժշտութեան մրցանք" -ի "Կախարդական ձայն" մրցանակին: Նոյն օրերուն Սիպիլ Հայաստանի մէջ արժանացած է "Հայ երաժշտութիւնը սփիւռքի մէջ պահպանելու առաքելութիւն" յատուկ մրցանակին: Յաջորդաբար, Հայաստանի ամէնէն համբաւաւոր արուեստագէտներէն Անտրէի հետ զուգերգներով Սիպիլ ութ շաբաթ տեւողութեամբ Հ1 պատկերասփիւռի կայանի "Մենք ու մենք" յայտագրին մասնակցած է ու վայելած` մեծ ժողովրդականութիւն
  • "Հայ երգի դեսպան" 2012
  • 18 սեպտեմբեր 2Օ14 թուականին, Երեւանի քաղաքապետարանի աջակցութեամբ, տեղի ունեցած է "Սէր" ալպոմին շնորհահանդէսը, որուն վաճառքէն գոյացած հասոյթը Սիպիլի կողմէ յանձնուած է մանկապարտէզի մը: Առ ի գնահատանք իր բարեսիրական եւ հայ երգարուեստի բնագաւառին մէջ կատարած աշխատանքներուն, Սիպիլ սփիւռքի նախարար Հրանուշ Յակոբեանի կողմէ "Կոմիտաս", իսկ Երեւանի քաղաքապետ Տարօն Մարգարեանի կողմէ Երեւանի քաղաքապետարանի ոսկեայ զոյգ մետալներով պարգեւատրուեցաւ
  • 11 Մայիս 2014-ին "Փալմ սփրինկզ" -ի մէջ առաջին անգամ ըլլալով տեղի ունեցաւ "Ամերիկայի համաշխարհային երաժշտութեան մրցանակաբաշխութիւն" -ը: Երկու օր տեւող այս նախաձեռնութիւնը, որ կազմակերպուած էր "Կլոպըլ արթց ինթըրնեշընըլ" -ի եւ "ՈՒՍ Արմենիա" -ի համագործակցութեամբ, "Տը շով" համերգասրահին մէջ, մի բերաւ հայ արուեստագէտներ: Սիպիլ, որ տեղ կը գրաւէր այլ հանրածանօթ արուեստագէտներու կողքին, արժանացաւ "Սփիւռքի լաւագոյն երգչուհի" մրցանակին
  • Օգոստոս 2015-ին, Հայաստանի նախագահ Սերժ Սարգսեանի կողմէ պարգեւատրուած է Համահայկական խաղերու բերած իր նպաստին համար

Սիպիլ արժանացած է նաեւ շարք մը շքանշաններու եւ պատուոգրերու:



                                     

2. Սկաւառակագրութիւն

  • 2010 "Սիպիլ"
  • Սիպիլի եւ աւստրալահայ դաշնակահար Արայի առաջին համատեղ տեսահոլովակը` հանրայայտ "Անաստասիա" գծանկարի ամենասիրուած ստեղծագործութեան` "Once upon a December" -ի cover տարբերակը
  • 2014-ին Սիպիլի "Սէր" խորագրով երկրորդ ալպոմը "Օսսի միւզիք" -ի պիտակով լոյս տեսած է ծանօթ արուեստագէտներու զօրակցութեամբ: Համաշխարհային համբաւի տէր Ջիւան Գասպարեան, համբաւաւոր յօրինող Արա Գէորգեան, երգիչ Անտրէ, Արմէն Տիւանեանի "Արեւներ" համոյթը, Հայաստանի հռչակաւոր փոփ արուեստագէտներ եւ փոփ երաժշտութեան երիտասարդ տաղանդներէն Փեթրօ. Սիպիլի ալպոմին զօրակցութիւն բերած են իրենց ձայնով, յօրինումներով եւ կատարումներով
  • 2014-ի նոյեմբերին բեմադրիչ Էօզքան Աքսուլարի եւ տեսաբեմադրիչ Վարոլ Շահինի կողմէ, անուանի երգիչ Անտրէի մասնակցութեամբ, նկարահանումը կատարուած է "Սէր" երգի տեսահոլովակին: Սիպիլի "Սէր" խորագրեալ ալպոմը երաժշտական յայտնի քննադատ Նայիմ Տիլմեների կողմէ ընտրուած է 2014 տարուան լաւագոյն երրորդ ալպոմը
                                     

3. Աղբիւրներ

  • Պոլսահայ երգչուհի՝ Սիպիլի Համերգը Լոս Անճըլըսի մէջ
  • Պոլսահայ Երգչուհի Սիպիլ Գերեց Լոս Անճելըսահայութիւնը
  • Պոլսահայ երգչուհի Սիպիլ պաշտօնապէս հրաւիրուած է 2019-ի Պրազիլի Փառատօնին
  • երգչուհի Սիպիլ կը մասնակցի "Կեցցէ’ Հայաստան" խորագիրով փառատօնին
  • ՍՐԲԱԶԱՆԸ ԸՆԴՈՒՆԵՑ ՊՈԼՍԱՀԱՅ ԵՐԳՉՈՒՀԻ ՍԻՊԻԼԻ ԱՅՑԵԼՈՒԹԻՒՆԸ
Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →