Back

ⓘ Սեպուհ Պաղտոյեան




                                     

ⓘ Սեպուհ Պաղտոյեան

Սեպուհ Պաղտոյեան, Համահայկական խաղերու համաշխարհային խորհուրդի անդամ, Արարատ մարզական միութեան Հիմնադիր նախագահ, մէջ՝ թմրեցուցիչներու հսկողութեան բաժնին մէջ աշխատող, բանաստեղծ, "Հրայրք" շաբաթաթերթի խմբագիր: ներկայիս հաստատուած է Վիեննա, Աւստրիա։

                                     

1. Կենսագրութիւն

Սեպուհ ծնած է 1952 թուականին, Լիբանան: 1958ի եղբայրասպան, միջկուսակցական կռիւներու հետեւանքով Սեպուհի հայրը ստիպուած եղած է գոցելու իր կօշիկի գործարանը եւ փոխադրուիլ Դամասկոս։ Սեպուհ մանկութիւնը անցուցած է աղքատութեան մէջ։Իր վրայ շատ մեծ դրական ազդեցութիւն ունեցած է մեծ հայրը, Կարապետը որ պատմած է ցեղասպանութեան մասին, փոխանցած է ցաւը։

                                     

2. Կրթութիւն

Նախնական կրթութիւնը ստացած է Շամլեան-Թաթիկեան եւ Հայ Աւետարանական քոլեճին մէջ՝ Պէյրութ։ Փոքր տարիքէն իսկ մասնակցած է ազգային կեանքին որպէս սկաուտ՝ ՀՄՄ եւ ՀԵԸ Զարեհ Նուպար:

Երկու ուսուցիչներ շատ մեծ ազդեցութիւն ձգած են Սեպուհի վրան:Անգլերէնի ուսուցչուհին, տիկին Ռութ Աճեմեանը, որ Սեպուհի մօտ արթնցուցած է ընթերցասիրութեան սէրը, եւ Հայերէնի ուսուցիչ պարոն Վարդգէս Թութիկեանը, որ արթնցուցած է Հայոց պատմութեան, գրականութեան սէրը։ Պատանի տարիքէն ընդգրկուած է "Խօսնակ պատանեկան" թերթի խմբագրութեան մէջ։

Ուսանած է նաեւ միջազգային յարաբերութիւններ։

                                     

3. Ասպարէզ

Դպրոցը աւարտելէ ետք անցած է գործի Լիբանանեան օդանաւային ընկերութեան MEA մօտ։ 1976 թուականին հաստատուած են Վիեննա՝ Աւստրիայ, ուր կապրին մինչեւ այսօր։

1992 թուականէն սկսեալ կ՛աշխատի միացեալ ազգերու կազմակերպութեան ՄԱԿի մէջ, թմրեցուցիչներու հսկողութեան բաժնին մէջ ODCCP։

Իր աշխատանքի բերումով մեծ փորձառութիւն շահած է, այցելած է 60 երկիրներ, կազմակերպած է եւ մասնակցած հարիւրաւոր համագումարներու:

                                     

4. Ազգային գործունէութիւն

Վիեննա հաստատուելէ ետք կ՛ունենայ բեղուն ազգային գործունէութիւն։

Գործունեայ վարչական անդամ կըլլայ Աւստրիոյ Հայ ուսանողական միութեան, ՀԲԸՄի Վիեննայի մանաճիւղին, Հայ առաքելական եկեղեցւոյ, Հայաստան Հիմնադրամի Աւստրիոյ մանաճիւղին:

Հիմնադիր նախագահն է Արարատ մարզական միութեան: Անդամ համաեւրոպական եւ Համահայկական խաղերու համաշխարհային խորհուրդի անդամ՝ որոնց շնորհիւ հազարաւոր Հայ երիտասարդ/ուհիներ զիրար կը ծանօթանան, ընկերային կապեր կը ստեղծեն եւ կը ծանօթանան հայրենիքին։

                                     

5. Հրատարակութիւն

  • Հրատարակած է բազմաթիւ յօդուածներ, պարգեւատրուած է բազմաթիւ շքանշաններով։
  • Վերջերս հրատարակած է իր ինքնակենսագրութիւնը անգլերէն լեզուով:" The Adventurous Life of Sebouh Baghdoyan A Universal Armenian" Այս գիրքը սփիւռքի մէկ բեկորին, Սեպուհ Պաղտոյեանի պատմութիւնն է, որ կը փոխանցուի սերունդէ-սերունդ որպէս պատմութիւն եւ պատգամ
                                     

6. Աղբիւրներ

  • "Հայ Մօր Կաթը" Սեպուհ Պաղտոյեան, "Հրայրք" Շաբաթաթերթ, Վիէննա, 9 Մայիս 2009
  • խաղերու մասնակիցները Ծիծեռնակաբերդ այցելեցին
  • "Հայուն Երազը" Սեպուհ Պաղտոյեան, "Հրայրք" Շաբաթաթերթ, Վիէննա, 30 Ապրի 2009
  • Մենք սփիւռքահայերէն կը խօսինք, Սեպուհ Պաղտոյեան

Users also searched:

...
...
...