Back

ⓘ Փայլակ Ահարոնեան




                                     

ⓘ Փայլակ Ահարոնեան

Փայլակ Ահարոնեան վաստակաշատ ուսուցիչ, մանկավարժ, ազգային քաղաքական ու հասարակական գործիչ, Ֆութպոլի աչքառու խաղացող, ՀԵԸի "Անդրանիկ-Սեւան" ակումբի վարիչ քարտուղար, ՌԱԿի Ամերիկայի Արեւմտեան շրջանակի կուսակցական գործիչ, Փասատինա-Կլենտէյլի շրջանի Թէքէեան Մշակութային Միութեան նորակազմ մասնաճիւղի հիմնադիր:

                                     

1. Կենսագրութիւն

Ծնած է Պէյրութ, 3 Յունուար 1928ին, խարբերդցի ծնողներէ՝ Մինաս եւ Արտեմիս, ըլլալով անոնց երկրորդ մանչ զաւակը: Փոքր տարիքին ծնողքին հետ կը տեղափոխուի Թրիփոլի հիւսիսային Լիբանան, ուր կը յաճախէ տեղւոյն Նուպարեան նախակրթարանը: Այնուետեւ՝ Ֆրերներու վարժարանը մինչեւ միջնակարգ, ապա երկրորդական ուսումը կը շարունակէ Կիպրոսի ՀԲԸՄի Մելգոնեան կրթական հաստատութեան մէջ:

  • ԹՄՄի Փասատինա-Կլենտէյլ մասնաճիւղին նախաձեռնութեամբ կը նշուի Փայլակ Ահարոնեանի կրթական, ազգային եւ հասարակական գործունէութեան յիսնամեակը, Փետրուար 12, 2000ին, Փասատինայի ՀԲԸՄի "Ալեք Մանուկեան" կեդրոնի հանդիսասրահին մէջ
  • 1947ին կը ստիպուի վերադառնալ Թրիփոլի, Խորհրդային Հայաստան ներգաղթելու համար, սակայն իր երազը չ՛իրականանար եւ նոյն տարին որպէս ՀԲԸՄի ուսուցիչ կը պաշտօնավարէ տեղւոյն Խրիմեան Ազգային վարժարանին մէջ
  • Կրթական, երիտասարդական ու կուսակցական աւելի քան 35 տարիներու ծառայութենէն ետք, Լիբանանի ծանօթ դէպքերը կը ստիպեն զինք, որ իր ընտանիքին հետ հեռանայ Լիբանանէն եւ 1980ին հաստատուի Լոս Անճելըս
  • Կ՛ամուսնանայ 1951ին, Թրիփոլիի ծխական հովիւ Ղեւոնդ Ա. քհնյ. Յովսէփեանի դստեր՝ Մարիին հետ եւ կը բախտաւորուին երկու զաւակներով՝ Արա-Գարեգին եւ Արփի
                                     

1.1. Կենսագրութիւն "Բագրամեան" ի եւ ՀԵԸի "Անդրանիկ" ֆութպոլի խումբեր

  • Օժտուած ըլլալով մարզական ձիրքերով, յատկապէս ֆութպոլի մէջ, ան կը դառնայ աչքառու խաղացող մը, հսկողութեանը տակ Յակոբ Աճէմեանի: Կը խաղայ արաբական տեղական խումբերէն եւ Պէյրութի "Բագրամեան" ի եւ ՀԵԸի "Անդրանիկ" ֆութպոլի խումբերէն
                                     

1.2. Կենսագրութիւն ԿՐԹԱԿԱՆ ՀԱՅ ՄՇԱԿԸ

  • 1966ին ընտանիքով կը փոխադրուի Պէյրութ, պաշտօնավարելու համար Վահան Թէքէեան վարժարանին մէջ: Իրեն կը վստահուի վարժարանի ուսումնական բաժինի պատասխանատուութիւնը: Իր շրջանին եւ տնօրէն Երուանդ Պապայեանի հսկողութեամբ, աշակերտութիւնը կ՛արձանագրէ բացառիկ յաջողութիւններ պետական քննութեանց մէջ, որոնց մասին կ՛արձագանգեն տեղական թերթերը
  • 1947էն մինչեւ 1966, ամբողջ 19 տարիներ կը պաշտօնավարէ Թրիփոլիի Ազգային վարժարանին մէջ եւ իր պաշտօնին գիտակցութեամբ ալ կը նուիրուի հայ մանուկներու եւ պատանիներու կրթութեան գործին
                                     

1.3. Կենսագրութիւն ԾԱՌԱՅՈՒԹԻՒՆԸ ՀԲԸՄ-Ի ԵՒ ՀԵԸ-Ի ՄԷՋ

  • 1969ին կը ստանայ ՀԲԸՄի վեթերանի վկայականը, իսկ 1972ին՝ իր 25 տարիներու կրթական ծառայութեանց որպէս գնահատանք՝ կ՛արժանանայ ՀԲԸՄի վաստակաւոր ուսուցիչի կոչումին
  • 1966էն 1979 եղած է ՀԵԸի "Անդրանիկ-Սեւան" ակումբի վարիչ քարտուղարը: Իր պաշտօնավարութեան շրջանին ակումբը ծաւալած է եռուն գործունէութիւն
  • Ահարոնեան հիմնական դեր վերցուցած է ՀԵԸի Սին էլ Ֆիլի "Զապէլ Մովսէսեան" կեդրոնի ծրագիրին իրականացման մէջ, եւ իր վարիչ քարտուղարութեան պաշտօնի շրջանին է որ կատարուած է կեդրոնին հիմնարկէքը
  • 1953ին կը ստանձնէ ՀԵԸի Թրիփոլիի մասնաճիւղին ատենապետութիւնը, զոր կը վարէ բազմաթիւ տարիներ: Գաղութին մէջ Փայլակ Ահարոնեան կ՛ունենայ ազգային քաղաքական ու հասարակական աշխոյժ գործունէութիւն: Երկար տարիներ կը ստանձնէ ՀԲԸՄի Թրիփոլիի ատենադպիրի պաշտօնը
                                     

1.4. Կենսագրութիւն ԿՈՒՍԱԿՑԱԿԱՆԸ ԵՒ ԳՈՐԾԻՉԸ

  • 1949ին կը մտնէ Ռամկավար Ազատական Կուսակցութեան շարքերը կնքահայրութեամբ մեթր Հրաչեայ Սեդրակեանի: Սկզբնական տարիներուն Թրիփոլիի մէջ կ՛ունենայ յիշատակելի աշխատանք տեղւոյն ՌԱԿ "Մկրտիչ Աւետիսեան" ակումբին մէջ: Պէյրութ գալով՝ մաս կը կազմէ ՌԱԿի "Միհրան Տամատեան" ակումբին՝ վարելով վարչական պատասխանատու պաշտօններ
  • 1980-81 տարիներուն,Միացեալ Նահանգներ ժամանելէ ետք, կուսակցական տենդը զինք կը մղէ վերսկսելու ազգային-հասարակական գործունէութեան Քալիֆորնիոյ մէջ: Ան կը վարէ վարիչ-քարտուղարի պաշտօնը ԹՄՄ Արշակ Տիգրանեան վարժարանի շինութեան յանձնախումբին
  • Կը ստանձնէ "Նոր Օր" եռօրեայի վարիչ-տնօրէնի պաշտօնը, զոր կը վարէ մինչեւ 1997 թուականը: Առընթեր նաեւ ան կը դառնայ ՌԱԿի Ամերիկայի Արեւմտեան շրջանակի կուսակցական գործիչը ու երբեմն ալ մաս կը կազմէ պաշտօնաթերթի խմբագրական կազմին
  • 1976-79 տարիներուն, Լիբանանի քաղաքացիական պատերազմին ընթացքին մաս կը կազմէ Լիբանանահայութեան միացեալ մարմինին, ուր գործօն մասնակցութիւն կը բերէ հայ աղէտեալներու օժանդակութեան աշխատանքերուն


                                     

1.5. Կենսագրութիւն "Վահան եւ Նարդուհի Պէշկէօթիւրեան" կեդրոն

  • 1980ին ան կը դառնայ գլխաւոր հիմնադիրներէն մին Փասատինա-Կլենտէյլի շրջանի Թէքէեան Մշակութային Միութեան նորակազմ մասնաճիւղին եւ դեր կ՛ունենայ ԹՄՄ "Վահան եւ Նարդուհի Պէշկէօթիւրեան" կեդրոնի իրականացման, Ճանիկ Միսիրեանի, Երուանդ Եթենեքեանի եւ այլ գաղափարի ընկերներով
                                     

1.6. Կենսագրութիւն "Գերսամ Ահարոնեան" եւ "Համբարձում Գարայեան" զոյգ ակումբներ

  • 1981ին անդամ կ՛ընտրուի ՌԱԿի Ամերիկայի Արեւմտեան շրջանի Շրջանային վարչութեան՝ երկու տարուան շրջանի մը համար: Նոյն տարին առաւելաբար իր ջանքերով կեանքի կը կոչուին ՌԱԿի նորակազմ զոյգ ակումբները՝ "Գերսամ Ահարոնեան" եւ "Համբարձում Գարայեան"
                                     

1.7. Կենսագրութիւն Լոս Անճելըսի "Նոր Հայաստան" օրաթերթի թարգմանիչ

Փայլակ Ահարոնեան կ՛աշխատակցի Վահան Ճանսըզեանի հրատարակած ու խմբագրած Լոս Անճելըսի "Նոր Հայաստան" օրաթերթին, ստանձնելով թարգմանական բաժինն ու լիբանանեան լուրերու սիւնակը:

                                     

2. Աղբիւրներ

  • Թէքէեան Մշակութային Միութիւն. Յուշահանդէս Փայլակ Ահարոնեանի Մահուան Ա. Տարելիցին Առիթով
  • երախտաւորները. ՓԱՅԼԱԿ ԱՀԱՐՈՆԵԱՆ 1928, Պէյրութ – 2019, Լոս Անճելըս
  • Հայ Կեանք թիւ 0667 15-03-2019