Back

ⓘ Անտեսանելի Հիւրը



                                     

ⓘ Անտեսանելի Հիւրը

"Անտեսանելի Հիւրը" - սպանական զգայացունց տրամա։ Համաշխարհային ներկայացումը կայացած է ԱՄՆ-ի մէջ 23 Սեպտեմբերն, իսկ Սպանիոյ մէջ՝ 6 Յունուար 2017-ին։ Ֆիլմի բեմադրողն ու գրողը Օրիոլ Փաուլօն է։

Ֆիլմը նկարահանուած է Տերասա քաղաքին մէջ, ինչպէս նաեւ Պարսելոնայի եւ Փիսքայայի շրջանին մէջ։

                                     

1. Նիւթ

Ատրիան Տորիան երիտասարդ գործարար է, որ կը մեղադրուի իր սիրուհուիի՝ Լաուրա Վիտալի սպանութեան մէջ։ Ան չընդուներ իր մեղքը եւ մինչեւ դատը տնային կալանքի տակ էր։ Անոր իրաւաբան՝ Ֆելիքսը կը վարձէ փաստաբան Վիրժինիա Կուտմանին, որ չի պատրաստուր պարտուիլ այս գործը, քանի որ այդ անոր աշխատանքի վերջին գործն էր։ Երեկոյեան՝ մինչ դատը, Վիրժինիան կու գայ Ատրիանի մօտ, որպէսզի գտնէ պաշտպանութեան լաւագոյն ռազմավարութիւնը։ Ան կ՛ըսէ, որ անոնք ունին երեք ժամ, եւ կը խնդրէ Ատրիանին պատմել ամէն ինչ։

Ատրիանը կը պատմէ Վիրժինիային, թէ ինչպէս ան եւ Լաուրան ստանալով անանուն հաղորդագրութիւն շանտաժիստէն, հանդիպած են քաղաքէն հեռու հիւրանոցի մը մէջ, բայց հասկցած են, որ այդ թակարդ էր ու փորձած են հեռանալ։ Ինչ-որ մէկը հարուածեց Ատրիանին եւ ան ուշաթափուեցաւ։ Երբ ան ուշքի եկաւ, տեսաւ, որ Լաուրան մահացած է եւ ամբողջ՝ շանտաժիստի համար նախատեսուած գումարը, թափուած էր լոգարանով մէկ։ Ոստիկանութեան ժամանումէն ետք, կը պարզուի, որ սենեակի դուռը փակուած է ներսէն, պատուհանները նոյնպէս փակուած էին։ Ոչ ոք կրնար մուտք գործել սենեակ եւ աննկատ մնալ։ Հետեւաբար Ատրիանը՝ Լաուրայի սպանութեան միակ կասկածեալն է։ Բայց Վիրժինիան կը պնդէ, որ Ատրիան ողջ պատմութիւնը չի պատմեր, անոր օգնելու համար ան պէտք է իմանայ ամբողջ ճշմարտութիւնը։

Այնուհետեւ Ատրիան կը պատմէ անոր Փարիզ իր գործուղման մասին՝։ Իրականութիւնը ան չէր մեկնած Փարիզ, այլ Լաուրայի հետ ժամադրման էր։ Ճանապարհին վթարի կ՛ենթարկուին եւ անոնց հետ բախուած մեքենայի վարորդ Դանիէլ Գարիտոն անունով երիտասարդը կը մահանայ։ Լաուրան կ՛որոշէ, որ այդ անոնց մեղքը չէ, քանի որ Դանիէլը կը խօսէր հեռախօսով եւ չէր ամրացրած անվտանգութեան գօտին։ Այդ պահուն ճանապարհով անցնող մէկ այլ մեքենայ, կը կանգնի օգնութիւն ցուցաբերելու։ Լաուրան կը վերցնէ Դանիէլի բջիջային հեռախօսը, որ այդ պահուն կը զանգէր եւ կը ձեւացնէ, թէ իրենք բախուած են միմիանց հետ եւ օգնութեան կարիք չունին, որպէսզի օգնութեան եկած վարորդը ոչինչ կասկածի։ Լաուրան կը համոզէ Ատրիանին ազատուիլ Դանիէլի մեքենայէն եւ մարմինէն, որպէսզի չվտանգեն իրենց ապագան։ Ատրիանը կը համաձայնի, մեկնում մահացածի մեքենայով դէպի տեղական լիճը։

Մինչ Ատրիան զբաղուած էր Դանիէլի մեքենայով, Լաուրան կը փորձէր գործի դնել Ատրիանի մեքենան, բայց չկարողացաւ։ Անոր օգնութեան կը հասնի տեղի բնակիչ, որ կը փորձէ տեղաշարժել մեքենան դէպի իր տունը՝ վերանորոգելու համար։ Մինչ ան կ վերանորոգէր մեքենան, Լաուրան կը խօսէր իր կնոջ հետ։ Լաուրան կը ներկայանայ ուրիշ անունով եւ կ՛ըսէ, որ մենակ ճանապարհ կ՛երթար։ Նայելով տան լուսանկարները, Լաուրան կը հասկնայ, որ կը գտնուի Դանիէլի ծնողներու տան մէջ։ Այդ պահուն անոնք կը զանգեն Դանիէլի բջիջային հեռախօսին եւ Լաուրան արագ կը հանէ մահացածի հեռախօսը եւ կը թաքցնէ այն անոնց բազկաթոռի մէջ։ Երբ Լաուրան հրաժեշտ կու տայ անոնց եւ կը հեռանայ, պարոն Գարիտոն կը նկատէ, որ Լաուրան ուղղեց նստատեղը, այսինքն, ամէնայն հաւանականութեամբ, մինչ այդ ան չէր ղեկին։ Վերադառնալով Ատրիանի մօտ, ան կը պատմէ անոր ամէն ինչ, անոնք կը վերադառնան քաղաք եւ կը խոստանան, որ երբեք չեն հանդիպիր։

Փորձելով մոռանալ այդ ամէնը՝ Ատրիանը կը կեդրոնանայ իր գործին վրայ։ Քանի մը օր անց, անոր կը կանչեն ոստիկանութենէն, քանի որ պարոն Գարիտոնը նշած էր Լաուրայի մեքենայի համարները, որ կը պարզուի Ատրիանի մեքենայինն են։ Ատրիանի իրաւաբան՝ Ֆելիքսը կեղծ ալիբի կը ստեղծէ, իբր աւտովթարի օր Ատրիանը Փարիզի մէջ էր։ Որոշ ժամանակ ետք Ատրիանը կը ստանայ "Տարուան երիտասարդ գործարար" կարգավիճակը։ Տոնակատարութեան ժամանակ անոր կը մօտենայ պարոն Գարիտոնը, որ կը կասկածի է, որ Ատրիանը ինչ-որ բան գիտէ իր որդի մահուան մասին, բայց Ատրիան կը հերքէ ամէն ինչ, եւ պահակախումբը կը հեռացնէ Գարիտոնին։

Քանի մը շաբաթ ետք Ատրիանը կը լսէ, որ նախկին երիտասարդ պանքի մէջ աշխատող՝ Դանիէլ Գարիտոնը կը մեղադրուի խարդախութեան մէջ, եւ, որ ան չէ կորչած, այլ ուղղակի փախչած է՝ հսկայական գումար գողնալէ ետք։ Ատրիանը կը զանգէ Լաուրային ու կը պատմէ անոր այդ ամէնը, հանդիպման ժամանակ Լաուրան կը խոստովանի, որ ան ոչ միայն հանգուցեալի հեռախօսն վերցուցած էր, այլ նաեւ դրամապանակը։ Ան՝ օգտագործելով Դանիէլի ինքնութեան քարտը, կարողացած է մտնել համակարգ եւ գողցած է գումար՝ ոստիկանութեան շեղելու համար։ Լաուրան նաեւ սպառնաց Ատրիանին, որ կը մատնէ անոր, եթէ վերջինս երթայ ոստիկանութիւն։

Քանի մը օր ետք Ատրիանը կը ստանայ լուսանկար, որուն պատկերուած է այն լիճը, որտեղ ան գացած էր Դանիէլի մեքենան, եւ ձայնագրութիւն, որուն ձայն մը կը հրամայէ անոր եւ Լաուրային՝ 100 հազար եւրօ գումարով երթալ քաղաքի ծայրամասը գտնուող հիւրանոցը։ Այնուհետեւ տեղի կ՛ունենայ այն ինչ արդէն նշուած էր, բացառութեամբ մէկ բանի՝ իրականին Ատրիան տեսած էր, թէ ով հարուածեց անոր։ Այդ պարոն Գարիտոն էր։

Վիրժինիան կը հաւատացնէ Ատրիանին, որ ի տարբերութիւն ոստիկանութեան, ան կը հաւատայ անոր, եւ անոր պատմութիւնը մօտ է իրականութեան, քանի որ տիկին Գարիտոնը կաշխատի այդ հիւրանոցին մէջ, եւ կրնար կազմակերպել իր ամուսինին գաղտնի ներխուժումը սենեակ։ Այնուհետեւ Վիրժինիան կը նշէ, որ Ատրիանը պէտք է յայտարարէ դատարանին մէջ, որ ազատած է Դանիէլի մարիմնէն - այդ՝ պարոն Գարիտոյի վրէժխնդրութեան վարկածը կը դարձնէ իրականութեան մօտ։ Ան կը խնդրէ անոր քարտէզի վրայ նշել լիճի տեղը, որտեղ ան հրած էր մեքենան։ Ատրիանը նաեւ կը խոստովանայէ, որ մեքենան ջուրը գցելէն առաջ, նկատած էր, որ Դանիէլը դեռ ողջ է, բայց այդ չկանգնեցուց անոր։

Այդ ժամանակ Վիրժինիան կ՛ըսէ, որ հասկցած է այն, որ իրականութեան մէջ Ատրիանը հանգամանքներու զոհ չէ, այլ կը փորձէ մեղադրել Լաուրային եւ Գարիտոյին՝ իրեն փրկելու համար։ Այդ պահուն կը զանգէ Ֆելիքսը եւ կ՛ըսէ, որ վարորդը, որ ճանապարհին տեսած էր անոնց եւ կրնար խօսիլ դատարանին մէջ, կաշառուած է եւ Ատրիանի դէմ ցուցմունք չի տար։ Քանի, որ ամէն ինչ կարգաւորուած է, Վիրժինիան դուրս կու գայ ըսելով, որ շուտով կը վերադառնայ։ Ատրիանը կը նկատէ, որ գրիչը՝ որ անոր Վիրժինիան տուած էր, թաքնուած խօսափող ու ռատիօհաղորդիչ ունի։ Պատուհանէն ան կը տեսնէ, որ պարոն Գարիտոնը կը հետեւի անոր՝ դիմացի շէնքի բնակարանէն։ Ճիշդ այդտեղ կը մտնէ Վիրժինիան, որ իրականութեան մէջ տիկին Գարիտոնն է։ Բնակարանին մէջ գտնուող պարոն Գարիտոնը արձանագրեց Ատրիանի խոստովանութիւնը եւ հիմա կը զանգահարէ ոստիկանութիւն՝ ըսելու, որ անոնք իրենց որդիի սպանութեան մասին ապացոյց ունին։ Այդ պահուն Ատրիանի տան դուռը կը բացուի եւ իսկական Վիրժինիա Գուտմանը ներս կը մտնէ, սակայան Ատրիանը լաւ կը հասկնայ, որ անոր համար արդէն ամէն ինչ վերջացած է։

                                     

2. Դերեր

  • Սան Էլամոս - Սոնիա
  • Խոսէ Քորոնատօ- Թոմաս Գարրիտօ
  • Անա Վագեներ - Վիրժինիա Գուտման
  • Պարպարա Լեննի - Լաուրա Վիտալ
  • Ինյիկօ Գաստեսի - Դանիէել Գարիտօ
  • Ֆրանչեսք Օրելլա - Ֆելիքս
  • Պլանքա Մարտինէս – Վիրժինիա Գուտման իսկական
  • Անել Տիուեսօ – Տեսուչ Միլան
  • Դաւիթ Սելուաս - Պրունօ
  • Մարիօ Քասաս - Ատդրիան Տորիա
  • Փաքօ Տոուս - Վարորդ
  • Ռութ Լեոպիս – Էվա
                                     

3. Քննադատութիւն

Կինովարձոյթէն ստացած շահոյթը Սպանիոյ մէջ կազմած է 3.9 միլիոն տոլար, Չինաստանի մէջ `172.4 միլիոն CN ¥ 25 միլիոն դոլար: Հաւաքելով գրեթէ կէս միլիոն հեռուստադիտող 555 476, ֆիլմը՝ Սպանիոյ մէջ դարձաւ ամենայայտնիներէն մէկը՝ տարուան առաջին կիսուն։

Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →