Back

ⓘ Օլիվիա Վ. Պալեան




                                     

ⓘ Օլիվիա Վ. Պալեան

Օլիվիա Վ. Պալեան) հայոց ցեղասպանութենէն վերապրած ազգային գործիչ Վահան Պալեանի եւ Սալմա Ղոսն Սաուայայի զաւակն էր։ Ան իր 39 տարիներու անխոնջ ծառայութեամբ` հայ ազգի մատղաշ սերունդին դաստիարակութեան մէջ, անշահախնդիր եւ իմաստուն նուիրումով` ուսուցչական ասպարէզին մէջ, եղաւ տիպար օրինակ` իր գործակիցներուն եւ ներշնչման աղբիւր՝ աշակերտներուն, փաստ` շրջապատին, պաշտօնակիցիներուն եւ անթիւ աշակերտներուն վկայութիւնները: Լ.Օ.Խ-ի Լիբանանահայ օգնութեան խաչի անդամ:

                                     

1. Կրթութիւն

Օլիվիա Վ. Պալեան իր նախնական ուսումը ստացած է Էշրեֆիէի Սուրբ Յակոբ դպրոցին մէջ, իսկ երկրորդականի վկայականը` Աղջկանց ամերիկեան դպրոցէն, Սուրբ Նշան եկեղեցւոյ դիմաց, պետական երաժշտանոցին կից այժմ փակուած: Ապա 1946-ին ստացած է իր Ասոշիյէթ տիկրին` մասնագիտանալով անգլերէն լեզուի դասաւանդութեան մէջ, Ճիւնիյոր քոլեճէն վերջը կոչուած` Պէյրութ քոլեճ ֆոր վումըն, իսկ ներկայիս Էլ. Էյ. Եու:

                                     

2. Ուսուցչական ասպարէզ

Շրջանաւարտ ըլլալէն անմիջապէս ետք Օլիվիա Վ. Պալեան կը սկսի իր ուսուցչական ասպարէզը Սուրբ Նշան վարժարանին մէջ եւ տարի մը ետք` 1947-ի հոկտեմբերին, հօրը Ս. Յակոբ դպրոցին հոգաբարձութեան ատենապետ պնդումին վրայ` թէ Սուրբ Յակոբ դպրոցը իր ուսուցչական ձիրքերուն պէտք ունի, ան ստիպուած կը միանայ իր մայր դպրոցի ուսուցչական կազմին եւ գոհունակ սրտով եւ մեծ նուիրումով կը ծառայէ մինչեւ 1964: Նոյն տարին ան կը կորսնցնէ իր հայրը:

Օլիվիա Վ. Պալեան չէր կրնար մերժել այս տեսակ առաջարկ մը, եւ ան շուտով գործի կ՛անցնի նորանշանակ տնօրէն Կարօ Պետրոսեանին հետ, եւ ձեռք ձեռքի տուած` կը սկսին դպրոցին կահաւորումին, որպէսզի պատրաստ ըլլայ վերամուտին:

Օլիվիա Վ. Պալեան, անգլերէն լեզուի դասաւանդութեան կողքին, նաեւ կը սկսի նկարչութեան դաս տալ: Ան յատուկ տաղանդ ունէր արուեստի, մանաւանդ ձեռագործ, ասեղնագործ եւ կաւի ամաններու վրայ գծագրութեան մէջ։ Ան նաեւ իր նկարչութեան տաղանդը զարգացուցած է` շնորհիւ իր ազգականներէն մէկուն, որ Ամերիկայէն գալով` կ՛այցելէ իրենց, իրեն նուէր կը բերէ տրցակ մը "Painting by Numbers", նկարչութիւն` թիւերով:

                                     

3. Լիբանանահայ օգնութեան խաչ Լիբանանահայ օգնութեան խաչ

Օլիվիա Վ. Պալեան նաեւ գործօն ներդրում ունեցած է Լիբանանահայ օգնութեան խաչին մէջ` անդամակցելով Էշրեֆիէի մասնաճիւղին եւ ըլլալով Շրջանային վարչութեան ալ աննկուն ծառայող:

Լեւոն եւ Սոֆիա Յակոբեան քոլեճի առաջին ուսուցչուհին

6 մարտ 2014-ը Լեւոն եւ Սոֆիա Յակոբեան քոլեճի հիմնադրութեան 50-ամեակին տօնակատարութեամբ յատուկ օր մը եղաւ մասնաւորաբար Օլիվիա Վ. Պալեանին համար, երբ շրջանաւարտները պատուեցին երկարամեայ 10-37 տարիներ ծառայութիւն ունեցող իրենց ուսուցիչները: Այն պահուն, երբ պատուըւող ուսուցիչները մէկ առ մէկ սրահ կը մտնէին, անոնց վերջինը Օլիվիան էր, որ դպրոցին առաջին ուսուցչուհին եղած էր եւ ծառայած` 21 տարի, այդ պահուն սրահը թնդաց շրջանաւարտներու, ծնողներու եւ ուսուցիչներու ծափահարութիւններով:

                                     

4. Անձնական կեանք

Օլիվիա Վ. Պալեանը ամուսնանալով ընտանիք չկազմեց, բայց իր մայրական սէրն ու գուրգուրանքը տածեց իր մօրաքրոջ աղջկան զաւակներուն եւ բազմաթիւ չքաւոր աշակերտներուն նկատմամբ: Ան մօր մը նման կը հետեւէր անոնց պէտքերուն եւ անպայման լուծում կը գտնէր անոնց հարցերուն` իր համեստ եկամուտով եւ կամ կը դիմէր իր սիրելի եւ վիճակով լաւ բարեկամներուն կամ ազգականներուն, որոնք միշտ պատրաստ էին օգնութեան հասնելու այս չքաւոր աշակերտներուն. ոմանք` գոգնոցի պէտք ունէին, ուրիշներ գիրքի, ոմանք գրենական պիտոյքներու:

                                     

4.1. Անձնական կեանք Վկայութիւն

"Ես Լիբանանը ձգեցի մօտաւորապէս 50 տարիներ առաջ, բայց դեռ լաւ կը յիշեմ, կարծես երէկ ըլլար իր նուիրումը եւ յանձնառութիւնը` մեզի անգլերէն սորվեցնելու, ինչ որ օգնեց ինծի Միացեալ Նահանգներու մէջ ամբողջ կեանքիս ընթացքին, եւ վերջաւորութեան ես դարձայ խմբագիր եւ հրատարակիչը անգլերէն լեզուով լրագիրի մը` "Քալիֆորնիա Քուրիըր" -ի: Աւելի՛ն. չեմ կրնար երբեք մոռնալ իր առատաձեռնութիւնը` վճարելով իմ տարեթոշակս Լ. եւ Ս. Յակոբեան երկրորդական վարժարանի իր համեստ ամսականովը, երբ ես վտարուած էի դպրոցէն, քանի որ ծնողներս կարող չէին վճարել իմ տարեթոշակս: Ես յաւիտենապէս երախտապարտ եմ իրեն, որ զիս փրկեց երկրորդական վարժարանէն դուրս դրուած անձ մը ըլլալէ:Իմ խորին ցաւակցութիւններս` իր ընտանիքին եւ ձեզի":ՅԱՐՈՒԹ ՍԱՍՈՒՆԵԱՆ

Սասունեանի խօսքը կարդացուեցաւ յուղարկաւորութեան ատեն: