Back

ⓘ Անդրանիկ (անձնանուն)




                                     

ⓘ Անդրանիկ (անձնանուն)

Անդրանիկ, հայկական արական անուն։ Առաջացած է հայերէն անդրանիկ՝ "մեծ, երէց, աւագ" բառէն։

Ըստ Մեծոփեցիի՝ Մակաբայեցի եղբայրներէն առաջինին անունն Անդրանիկ էր ։ Մակաբայեցոց Բ. գիրքի "Է" գլուխին մէջ կը պատմուի 7 եղբայրներու նահատակութեան մասին, որոնց անուններն էին Ակար, Մակար, Խորէն, Խորսէն, Ամինադար, Գալիլէ եւ Գադիդէ։ Բոլոր անունները կը համընկնին Մեծոփեցիի նշած անուններուն հետ բացի վերջինէն, որ կրտսեր եղբայրն էր։ Մեծոփեցին առաջին որդին Անդրանիկ կը կոչէր, որ նշուած չէ Մակաբայեցոց գիրքին մէջ, ուր առաջին որդին Ակարն է։ Սակայն Անդրանիկ անուան յիշատակութիւնը ցոյց կու տայ, որ Մեծոփեցիի ժամանակ՝ 15-րդ դարուն, այս անունը գոյութիւն ունեցած է: Աւելի ուշ այս անունը յիշատակուած է 1789 թուականին: Կոստանդնուպոլսոյ մէջ աղաւաղուած ձեւով կ՛օգտագործուի Անթառանիկ, Անթուան կամ Անթօ տարբերակները։

  • Լատինատառ գրութիւնը՝ ANTRANIG
  • Հարկաւոր չէ շփոթիլ Անտրօնիքոս յունական ծագումով Ανδρονικος անունի եւ անոր հռովմեական Andronicus եւ ռուսական Андроник ձեւերին հետ
                                     

1. Անունը կրօղ յայտնի անձեր

  • Անդրանիկ Ծառուկեան 1913-1989՝ բանաստեղծ, արձակագիր, լրագրող
  • Անդրանիկ Անդրէասեան 1909-1996՝ արձակագիր եւ խմբագիր
  • Անդրանիկ Սարեան
  • Անդրանիկ Օզանեան 1865-1927՝ զօրահրամանատար, պետական գործիչ
  • Անդրանիկ Գըլըճեան 1922, Կոստանդնուպոլիս-1996, Սան Ֆրանսիսքօ
                                     

2. Գործածութիւններ

  • Անդրանիկ Մոկացի, զօրավար, Գրիգոր, Բագրատ եւ Ռոմանոս Տարօնցիներու հետ մտած է Վարդ Սքլերոսի բանակը եւ կը կռուած են Յունաց Վասիլ Բ. Պուլկարասպան կայսեր դէմ։
  • Անդրանիկ արքեպիսկոպոս Թէոդոսիոյ։