Back

ⓘ Լեւոն Աբրահամեան (դաշնակահար)




                                     

ⓘ Լեւոն Աբրահամեան (դաշնակահար)

Լեւոն Աբրահամեան, Լոս Անճելըս, Քալիֆորնիա, Ամերիկայի Միացեալ Նահանգներ), յայտնի դաշնակահար, թաւջութակահար, երգեհոնահար եւ խմբավար: Կենսախինդ ու ժպտերես հայ էր։ Հասարակութեան լայն շերտերուն շատ սիրելի ու յարգելի: Ան անկեղծ, անմիջական, բարեգութ ու բարեսիրտ էր, բոլորին օգնող, սատարող, եւ իր անձնականը երբեք չկարեւորող:

                                     

1. Կենսագրութիւն

Լեւոն Աբրահամեան արուեստագէտը 1940-ականներու վերջերը ծնողներուն հետ Եգիպտոսէն տեղափոխուեր է Երեւան, ուսաներ Չայքովքկու անուան երաժշտական մասնագիտական դպրոցը, այնուհետեւ՝ Կոմիտասի անուան պետական երաժշտանոցին մէջ որպէս դաշնակահար, թաւջութակահար, երգեհոնահար եւ խմբավար:

Ժամանակին անձնական նուագահանդէսի վարպետն էր անուանի երգիչներ Գոհար Գասպարեանի, Լուսինէ Զաքարեանի, բեմ բարձրացեր է թաւջութակահարներ Կերոնթի Թալալեանի, Մեդեա Աբրահամեանի եւ ջութակահար Ժան Տէր-Մերքերեանի հետ, հանդէս եկեր է Հայաստանի պետական սենեկային նուագախումբին հետ՝ որպէս դաշնակահար եւ երգեհոնահար, 1970-ականներու կէսերուն խմբավարական գործունէութիւն սկսեր է Երեւանի օփերային, կատակերգական թատրոններու, ֆիլհարմոնիք նուագախումբին մէջ:

Լեւոն Աբրահամեան 35 տարի հանդիսացած է Մայր աթոռ սուրբ Էջմիածնի երգեհոնահարը:

1990թ. ան տեղափոխուեցաւ Լոս Անճելըս, Ամերիկայի Միացեալ Նահանգներ:

1992թ. ան հիմներ է Լոս Անճելըսի առաջին հայկական սենեկային նուագախումբը, որ ունեցեր է ընդամէնը երկու տարուայ կեանք: Անուանի արուեստագէտը երկար տարիներ բեղուն բեմական կեանք ունեցեր է, յարգուած էր ամերիկահայութեան շրջանակին մէջ։

Լեւոն Աբրահամեանի հոգեհանգիստը տեղի ունեցաւ 12 նոյեմբեր 2018-ին, երեկոյեան ժամը 7-ին, Սուրբ Ղևոնդեայց Մայր տաճարին մէջ։

                                     

2. Աղբիւրներ

  • Յայտնի Դաշնակահար Լեւոն Աբրահամեան Ոչ Եւս Է
  • Մահացեր է ճանաչուած երաժիշտ Լևոն Աբրահամեանը
  • 25 տարի անց կրկին հայրենիքում է ամերիկաբնակ երաժիշտ Լեւոն Աբրահամեանը