Back

ⓘ Անգար




Անգար
                                     

ⓘ Անգար

Անգար կամ միկրէն, միակողմանի, կէս գլխացաւ է, որ կրնայ պատահիլ բոլոր տարիքներու, բայց աւելի յաճախակի է երիտասարդներու եւ իգական սեռի պատկանողներուն մօտ:

                                     

1. Ախտանշաններ

Անգարը ընդհանրապէս կը սկսի նախանշաններով, ինչպէս՝ յոգնութիւն, անտրամադիր վիճակ, ստամոքսի ցաւ, փսխունք, գլխապտոյտ եւ քրտինք: Ասոնց կը յաջորդէ միակողմանի գլխացաւը, որ կը սկսի անակնկալօրէն եւ կը սաստկանայ շատ արագ. ան հարուածային է եւ երբեմն կարծես ճնշումի եւ պայթումի զգացումներուն կը միանայ:

Անգարը կընթանայ հետեւեալ հանգրուաններով

  • Ուղեղային եւ գանկային զարկերակներու ընդլայնում. այս հանգրուանին հիւանդը կունենայ գլխացաւ, որ կը տեւէ ժամեր եւ օրեր
  • Ուղեղային զարկերակներու վերադարձ բնականոն վիճակին. այս հանգրուանին կը մեղմանայ ու հետզհետէ կանհետանայ գլխացաւը
  • Ուղեղաղին զարկերակներու arteries անակնկալ պրկում. այս շրջանին հիւանդը կարճ ժամանակի մը համար կունենայ վերը նշուած անգարի նախանշանները
                                     

2. Պատճառներ

  • Դաշտանի ելեւէջներ, յղութեան դէմ կամ այլ նպատակներու համար գործածուած դեղեր իգական սեռի մօտ
  • Ընտանեկան հակամիտութիւն predisposition այս հիւանդութեան՝ անգարի հանդէպ
  • Հոգեբանական վիճակ, ինչպէս՝ յուզում, վհատութիւն, ընկճուածութիւն, անքնութիւն, ախորժակի հարց, սեռային հարցեր, ընտանեկան անհամաձայնութիւն, ընկերային անհասկացողութիւն եւ զգացական խանգարումներ
  • Զանազան տեսակի մտահոգութիւններ
                                     

3.1. Ախտաճանաչում Եւ Դարմանում Ախտաճանաչում

Անգարի ախտաճանաչումը կըլլայ․

  • ապա բժշկական քննութեան արդիւնքներով
  • բժիշկը հիւանդին ախտանշաններուն մասին լսելով
                                     

3.2. Ախտաճանաչում Եւ Դարմանում Դարմանում

Անգարի վերջնական դարմանում մը չկայ, սակայն դեղերը կօգնեն գլխացաւի մեղմացման կամ զայն կանխարգիլելուն: Բժիշկը հիւանդին կը բացատրէ անգարի պատճառները կը վստահեցնէ ու անոր ոչ-վտանգաւոր բնոյթը: Բժիշկը հիւանդին պէտք է մտերմութիւն եւ անկեղծութիւն ցուցաբերէ զայն լսելով, անոր մանրակրկիտ բժշկական քննութիւններ կատարելով ու ապա անոնց արդիւնքներուն մասին խօսելով եւ բացատրել անգարի նախանշաններուն մասին: Յաճախ, մէկու մը վստահութիւն եւ անկեղծութիւն ցուցաբերելով հիւանդը կը ձերբազատուի հիւանդութենէն: Հիւանդը պէտք է ընդունի, որ այս հիւանդութիւնը կրնայ վերջնականօրէն չդարմանուիլ: