Back

ⓘ Վախթանգ Անանեան




Վախթանգ Անանեան
                                     

ⓘ Վախթանգ Անանեան

Վախթանգ Անանեան 1905, Դիլիջան, Երեւանի նահանգ, Կովկասի Փոխարքայութիւն, Ռուսական Կայսրութիւն - 4 Մարտ 1980, Երեւան, Հայաստանի Խորհրդային Ընկերվարական Հանրապետութիւն, Խորհրդային Ընկերվարական Հանրապետութիւններու Միութիւն), հայ գրող եւ խմբագիր։

Ծնած է Տիլիճան։ Ուսման թերին՝ ամբողջացուցած է ինքնազարգացումով։ Խորհրդային շրջանին եղած է մէկէ աւելի թերթերու խմբագիր։

Անանեանի գործերը նուիրուած են մանուկներուն՝ "Սեւանի Ափին" եւ "Յովազաձորի Գերիները", արկածային վէպերու հերոսները մանուկներ են, որոնք իրենց բնաւորութեան գիծերով՝ բարի, համարձակ, աշխատասէր ու ընկերասէր են, զորս օրինակ կը հանդիսանան ընթերցողներուն։

Անանեան հայրենի բնութեան երգիչն է։ Իր ամբողջ կեանքը նուիրած է հայրենի բնութեան պահպանութեան։ "Հայաստանի Կենդանական Աշխարհը" 5 հատորով եւ "Որսորդական Պատմուածքներ" գործերով կը ծանօթացնէ Հայաստանի բնութիւնը ու կը մղէ մանուկները, որ ո՛չ միայն ճանչնան ու սիրեն զայն, այլեւ՝ գուրգուրան անոր վրայ։