Back

ⓘ Ապագայ (շաբաթաթերթ)




                                     

ⓘ Ապագայ (շաբաթաթերթ)

Ապագայ շաբաթաթերթը առաջին եռալեզու Գանատական հայկական շաբաթաթերթն է, Մոնթրէալ, Քուէպէք, Գանատայի մէջ հաստատուած: Ան հրատարակութիւնն է Մոնթրէալի Թէքէեան Մշակութային Միութեան եւ կանոնաւոր կերպով կը հրատարակուի Սեպտեմբեր 1975-էն ի վեր:

Թերթը կը հետեւի եւ կը ցոլացնէ Հայկական Ռամկավար Ազատական Կուսակցութեան սկզբունքները:

Ապագայ շաբաթաթերթ կը հրատարակուի ամէն շաբաթ 12 էջ հայերէն լեզուով եւ չորս էջ մնայուն յաւելուածով երկու էջ ֆրանսերէն եւ երկու էջ անգլերէն:

Թերթը նաեւ կը հրատարակէ մանկական եւ պատանեկան ամսական յաւելուած մը որ կը կոչուի "Փունջ", ինչպէս նաեւ կրկնակի էջերով յաւելուած մը ամէն տարեգլխին:

Ապագայ շաբաթաթերթ 2010 թուականէն ի վեր կը հրատարակուի նաեւ ԹՄՄ-ի կայքէջին վրայ www.tekeyanmontreal.ca PDF դրութեամբ: Ուրեմն նոյն թուականէն սկսեալ "Ապագայ" ի նախորդ թիւեր կարելի է որոնել եւ գտնել ԹՄՄ-ի էլէքտրոնային արխիւներու բաժնին մէջ:

"Ապագայ" ի խմբագրական կամ վարչական գրասենեակները կը գտնուին Թէքէեան Կեդրոնին մէջ:

Ապագայ շաբաթաթերթ նաեւ հրատարակչատուն մըն է, որ հայերէնով հրատարակած է զանազան գրքեր:

                                     

1. "Ապագայ Առցանց" լուրերը Abaka News online

"Ապագայ Առցանց" լուրերը Abaka News online համաշխարհային լրատու ծառայութիւն մըն է, որ կը տրամադրուի աշխարհատարած իր անհամար ընթերցողներուն: Ան կանոնաւոր կերպով կ’ամբողջացնէ "Ապագայ" մեր տպագրեալ տարբերակը: Արդարեւ, առցանց online հրատարակութիւնը որ տրամադրելի է բոլորին, կենսունակ է եւ տեւականօրէն կը թարմանայ հայութիւնը հետաքրքրող վերջին լուրերով: Եռալեզու՝ հայերէնով, Անգլերէնով եւ Ֆրանսերէնով սպասարկուած ծառայութիւն մըն է ան, որու լուրերը յատկապէս ուղղուած են հայկական աշխարհին:

"Ապագայ" ի եռալեզու էլէքտրոնային online տարբերակը որ կը սկսի Սեպտեմբեր 2015-ին, տրամադրելի է abakanews.org հասցէով:

                                     
  • իր յուշերէն Փարիզի յոբելեանին օրուան իր բանախօսութենէն Պոլսոյ Ակօս շաբաթաթերթ գրական ասուլիս Կեդրոնական Վարժարանի հրաւէր Հայկազեան Հայագիտական Հանդէս

Users also searched:

...
...
...