Back

ⓘ Այս Հրաշալի Կեանքը




Այս Հրաշալի Կեանքը
                                     

ⓘ Այս Հրաշալի Կեանքը

"Այս հրաշալի կեանքը", բեմադրիչ Ֆրենք Քափրայի 1946 թուականին նկարահանած ամերիկեան ֆիլմ։ Դիպաշարի հիմքը ամերիկացի գրող Ֆիլիփ Վան Տօրէն Սթերնի "Ամենամեծ նուէրը" ստեղծագործութիւնն է։ Առաջնախաղը կայացած է 20 Դեկտեմբեր 1946-ին Նիւ Եորքի մէջ։

Ֆիլմի գլխաւոր հերոս Ճորճ Պէյլինն է, զոր մարմնաւորած է այդ ժամանակներու յայտնի դերասան Ճէյմս Սթիուըրտը: Ճորճ տարեմուտին կ՛ունենայ բազմաթիւ խնդիրներ՝ յայտնուելով անելանելի իրավիճակի մէջ, որուն հիմնական պատճառը իր ընկերութեան մեծ գումարի կորուստն է։ Անոր որպէս օգնական երկիր կը հասնի հրեշտակ մը, որ կ՛օգնէ Ճորճին դուրս գալ այդ իրավիճակէն։

Միացեալ Նահանգներուն մէջ ֆիլմը արդէն երկար տարիներ աւանդաբար կը ցուցադրուի պատկերասփիւռով Ամանորեայ տօներուն, ինչպէս օրինակ նախկին Խորհրդային Միութեան երկիրներուն մէջ "Ճակատագրի հեգնանք, կամ բաղնիքդ անուշ" ֆիլմը։ Ան կը համարուի Ծննդեան Տօներու դասական ու լաւագոյն ֆիլմերէն մէկը ամբողջ աշխարհի մէջ, Ամերիկեան բոլոր ժամանակներու 100 լաւագոյն ոգեշնչող ֆիլմերու ցանկին առաջինն է։ Անիկա կը համարուի Ծննդեան Տօներու դասական ու լաւագոյն ֆիլմերէն մէկը ամբողջ աշխարհի մէջ, Ամերիկեան բոլոր ժամանակներու 100 լաւագոյն ոգեշնչող ֆիլմերու ցանկին մէջ առաջինն է։

Ֆիլմը մեծ ազդեցութիւն ձգած է համաշխարհային սինեմարուեստին եւ յատկապէս ամերիկեան մշակոյթին վրայ, ֆիլմին մէջ հնչող շատ արտայայտութիւններ թեւաւոր խօսքեր դարձած են։ Ֆիլմը յարմար է ընտանեկան դիտման եւ նախատեսուած է բոլոր տարիքի դիտողներուն համար. անիկա ոգեշնչող է եւ քաջալերող։ Դերասաններուն կերտած հերոսները, հետաքրքրական նիւթը՝ անսպասելի լուծումներով, շատ հետաքրքրական ու բարի այս ֆիլմը սիրուած դարձուցած են դիտողներու շրջանակին մէջ։

                                     

1.1. Նիւթը Նախաբան

Ֆիլմը կը սկսի "Պետֆորտ Ֆոլլզ" անուանումով ամերիկեան փոքրիկ քաղաքի մը տեսարանով։ Քաղաքին բնակիչները կաղօթեն Աստուծոյ՝ խնդրելով օգնել Ճորճ Պէյլիին Ճէյմս Սթիուըրթ։ Ճորճը հօրմէն ժառանգած էր "Վարկով տուներ" կազմակերպութիւնը, որ քաղաքի բնակիչներուն վարկեր կը տրամադրէր տուներ կառուցելու համար. այդպէսով ան օգնած էր քաղաքի գրեթէ բոլոր բնակիչներուն։

Յաջորդ տեսարանը աստղալից երկինքի տեսարանով կը բացուի, ուր Աստուած, խօսելով Յովսէփի հետ մեծ աստղ մը կը խօսի փոքր աստղի մը հետ, կը յանձնարարէ իրեն հրեշտակներէն մէկուն ուղարկել երկիր՝ օգնելու Ճորճին։ Կ՝որոշեն երկիր ուղարկուիլ անփորձ, բայց խոստումնալից հրեշտակ Քլարենսին, որ տակաւին թեւեր չունի։

Յովսէփը Քլարենսին ցոյց կու տայ ամբողջ կեանքը՝ սկսած մանկութենէն, որպէսզի Քլարենսը հասկնայ, թէ որո՛ւն հետ գործ ունի եւ ինչպէ՛ս կարող է օգնել իրեն՝ դուրս գալու ստեղծուած իրավիճակէն։

Ֆիլմի հիմնական իրադարձութիւնները կը սկսին պարզապէս Ճորճի մանկութիւնով.

                                     

1.2. Նիւթը Ճորճի Մանկութիւնը

Կանուխ տարիքէն Ճորճ այնչափ հետաքրքրասէր ու խելացի էր. ան կ՝երազէր դառնալ ճանապարհորդ, ըլլալ աշխարհի յայտնի քաղաքներու մէջ, մեկնիլ սորվելու այլ քաղաքի ուսումնական հաստատութիւններ։ Ան արդէն պատանի հասակին կ՝աշխատէր քաղաքի դեղարաններէն մեկուն մէջ որպէս դեղերու ցրուիչ՝ մտերմանալով դեղարանի տնօրէն միսթր Կովվերի Հ. Պ. Ուորներ հետ։ Օր մը Կովվերը հեռագիրով լուր կը ստանայ, որ երիտասարդ որդին մահացեր է եւ լուրի ազդեցութեան տակ դեղի փոխարէն թոյն կու տայ Ճորճին՝ յանձնարարելով հասցնել այն քաղաքի հիւանդներէն մէկուն։ Սակայն Ճորճ ուշադիր ըլլալով կը նկատէ, որ դեղի փոխարէն ան իրեն թոյն յանձնած է, եւ այդպէսով կը կանխէ յաճախորդին մահը։

Ճորճ փոքր եղբայր մը ունէր՝ Կարրին, որուն իր մանուկ հասակին կը փրկէ խեղդուելէն՝ հանելով կոտրուած սառոյցի ջուրէն։ Այդ դէպքէն ետք Ճորճին ձախ ականջը կը վնասուի եւ կը զրկուի լսողութենէն։

Պատանի հասակին Ճորճին սիրահարուած էին 2 աղջիկ՝ Մերին Տոննա Ռիտ եւ Վիոլէթը Կլորիա Կրահամ։ Ճորճը, սակայն, կը համակրէր Մերիին։

                                     

1.3. Նիւթը "Վարկով տուներ" Ընկերութիւնը

Ճորճի հայրը՝ Փիթըր Պէյլին Սամուէլ Հինտս ունէր "Վարկով տուներ" սեփական ֆինանսական ընկերութիւնը եւ քաղաքի բնակիչներուն կը տրամադրէր երկարաժամկէտ վարկեր՝ բնակելի տուներ կառուցելու համար: Ընկերութեան մէջ կաշխատէր նաեւ անոր հօրեղբայրը՝ Պիլլի Պէյլին Թոմաս Միթչըլ: Սակայն այդ ընկերութեան՝ գրեթէ բարեգործական աշխատանքը, չէր սիրեր քաղաքի ամենահարուստ եւ դաժան մարդուն՝ Հէնրի Փոթըրին Լայոնըլ Պէրիմոր, որ ամէն հնարաւորութիւն կօգտագործէր տիրանալու համար ուրիշներու սեփականութեան եւ կը փափաքէր, որ "Վարկով տուներ" ընկերութիւնը դադրի գործելէ կամ ինք ըլլայ սեփականատէրը: Այնուամենայնիւ Ճորճի հայրը ամէն գնով կը կարողանար պահպանել սեփական ընկերութիւնը Փոթըրի ոտնձգութիւններէն:

                                     
  • գրքին մէջ, իսկ որոշ ժամանակ վերջ, արգելքը վերացուեցաւ, որովհետեւ գիրքը հրաշալի ձեւով ամբողջատիրական համակարգի թերութիւնները կը բացայայտէ Գիրքի վերնագիրի
  • Մոսկուայի մէջ եղբօր աշխատանքէն ներշնչուած Խաչատրեան կը մտնէ երաժշտութեան հրաշալի աշխարհը Ան 1922 թուականին կը յաճախէ Կնեսինի պետական երաժշտական գոլէճը
  • հաշուով Քառորդ եզրափակչին յաղթեցին գլխաւոր խումբին Պրազիլիային Կօլը Զիտանի հրաշալի փոխանցումէն յետոյ հարուածեց Թիերի Անրին կոտրելով պրազիլիացիներու յոյսերը
  • Միացեալ Աստուածաշունչի Ընկերութեան Արաբական Ծոցի տարածաշրջանին: Ան կը գործէ այս կազմակերպութեան հետ աւելի քան 36 տարիներէ ի վեր: 1991 - 1996 տարիներուն Դոկտ
  • օրինաչափութիւնները Ան կը գրէր, որ աշխարհի գիտական բնոյթն ու իրականութիւնը հրաշալի ձեւով կապուած են ծայրահեղ միասնականութեան, նիւթականի եւ առարկայականի հետեւանքով

Users also searched:

...
...
...