Back

ⓘ Արա Մածունեան




                                     

ⓘ Արա Մածունեան

Արա Մածունեան շարժապատկերի եւ պատկերասփիւռի մարզին մէջ պսակաւոր արուեստից եւ մագիստրոս գեղարուեստից վկայականները ստացած է Քալիֆորնիոյ համալսարանի Լոս Անճելըսի մասնաճիւղէն UCLA։

                                     

1. Անդրանիկ շարժապատկերը՝ "Վարդագոյն Փիղը"

Արա Մածունեանի անդրանիկ շարժապատկերը՝ "Վարդագոյն Փիղը", շահած է "Փենեվիժըն" մրցանակը եւ ցուցադրուած է շարժապատկերի բազմաթիւ միջազգային փառատօներու ընթացքին։ Քանի մը այլ ֆիմեր եւ պատկերասփիւռի 30է աւելի ծանուցումներ արտադրելու կողքին, ան նաեւ եղած է Հայաստան Համահայկական հիմնադրամի պատկերասփռած դրամահաւաքներէն թելեթոն ութին արտադրողը։

                                     

2. ֆիլմերու արտադրութիւն

Արա Մածունեան ֆիլմեր արտադրած է նաեւ Չեխիոյ պատկերասփիւռի կայանին, Մոնթերէյի միջազգային ուսմանց հիմնարկին ու Լոս Անճելըս գաւառի գաղթականներու ծրագիրին համար։

                                     

3. Դերասանութիւն եւ դասախօսութիւն

Ան նաեւ դերասանութիւն կատարած է ու հայկական շարժապատկերի մասին դասախօսած է ՀՕՄի կազմակերպած ամառնային ուսմանց ծրագիրներուն ընթացքին։ Անոր նկարահանման վերջին գործը կատարած է "Մելթտաուն" ֆիլմին համար, որ պիտի հրապարակուի Օգոստոս 2015-ին։

                                     

4. "Թռչնոց Բոյն" "Birds՛ Nest" խորագրուած հատոր

Կազմակերպութեամբ "Արփա" հիմնարկին, Հինգշաբթի, 25 Յունիս 2015-ին, երեկոյեան ժամը 7:30էն սկսեալ կայանալիք դասախօսական ձեռնարկի մը ընթացքին, լուսանկարիչ եւ վաւերագրական ֆիլմեր պատրաստող արուեստագէտ Արա Մածունեան կը խօսի իր նորագոյն նախաձեռնութեան մասին։ Անիկա "Թռչնոց Բոյն" "Birds՛ Nest" խորագրուած հատորն է, նուիրուած՝ Հայոց Ցեղասպանութենէն բազմաթիւ վերապրողներու նոր տունը դարձած Պուրճ Համուտին, որ հրատարակուեցաւ Ցեղասպանութեան հարիւրամեակին՝ 2015-ին եւ Լիբանանի քաղաքացիական պատերազմի 40ամեակին առիթներով:

                                     

5. Աղբիւրներ

Արա Մածունեան Պիտի Խօսի Պուրճ Համուտի Նուիրուած Լուսանկարչական Հատորին Մասին

"Շատ յաճախ կը զգամ, որ Սփիւռքը լքուած է"

Պուրճ Համուտի մեծ երազը վառ պահողը կամ Արա Մածունեան

ԱՐԱ ՄԱԾՈՒՆԵԱՆԻ ՈՍՊՆԵԱԿԻ ԵՏԻՆ…ԱՅԼ ԹՌՉՆՈՑ ԲՈՅՆ ՄԸ՝ ՊՈՒՐՃ ՀԱՄՈՒՏԸ