Back

ⓘ Թադէոս Եսայեան



                                     

ⓘ Թադէոս Եսայեան

Թադէոս Եսայեան արմատներով՝ Տէօրթ Եոլցի է: Հայրը՝ Իսկենտէր Եսայեան եւ մայրը՝ Վերոնիքա Ասատուրեան, ծնած են Տէօրթ Եոլ, ամուսնացած են Իսքենտէրուն: Թադէոս Եսայեան յաճախած է Ամմանի Ազգային Հեթումեան Վարժարան, ապա երկրորդական՝ Թերասանթա Քոլէճ:

Ամմանի մէջ փինկփոնկի լաւ խաղացողներ կային ու Թադէոս Եսայեան կը մրցէր անոնց հետ: Երկու տարի շարունակ ակումբի ախոյեանութեան արծաթէ բաժակակիր դարձած է:

1959-ի Յունիսին աւարտած է երկրորդական վարժարանը, բարձր նիշերով, մասնակցելով երկու քննութիւններու՝ GCE անգլերէն, մեթրիք Օրտոն՝ արաբերէն: Մեթրիք Օրտոնը պետական քննութիւնն էր։ Թադէոս Եսայեան երկրորդ հայն էր Յորդանանի մէջ, որ կը յաջողէր այս քննութեան:

Բախտի եւ ուրիշներու բարեացակամութեան արդիւնք՝ կարողացեր եմ համալսարանական կրթութիւն ստանալ նախ Պէյրութի Ամերիկեան Համալսարանին մէջ որպէս ճարտարագէտ պսակաւոր գիտութեան վկայականով, 1969-ին, ապա Անգլիոյ Սաութհեմփթըն Համալսարանէն որպէս ճարտարագէտ մագիստրոս գիտութեան վկայականով, 1974-ին:

1969ին գարնան, Պէյրութի Ամերիկեան Համալսարանին մէջ կը հանդիպի Օր. Լենա Ենիգոմշուեանին, հալէպահայ, քիլիսցի, նախահայրերը Ակնէն գաղթած հայախօսներ: կամուսնանան Ամման 1970-ի ամռան: Կը բախտաւորուին երեք զաւակներով՝ Ալեքսի, Լենար, Մարալ:

Աշխատանքի բերումով կը մեկնի Լոնտոն ուր կը պաշտօնավարէ ճարտարագիտական ընկերութեան մէջ, Sir William Halcrow & Partners: Նոյն շրջանին, Թադէոս Եսայեան ջրաբաշխական մագիստրական դասընթացքի կը հետեւի University of Southampton-ին մէջ։ 1974-ի ամռան ան արդէն ճարտարագէտ էր մագիստրոս գիտութեան վկայականով: 1977-ի գարնան աւարտելով շինարարական պարտականութիւնը՝ կը վերադառնան Ամման: Յորդանանի մէջ 13 տարիներ աշխատելէ ետք, ան կանցնի Աթէնք աշխատանքի բերումով, ուր կը մնայ 24 տարի: 2014-ին հանգստեան կը կոչուի ու կը փարի իր հայերէն գիրքերուն:

                                     

1. Հրատարակութիւն

Թադէոս Եսայեան ունի հրատարակած հինգ գիրքեր

  • Կեանք Մը Տողերու Վրայ բանաստեղծութիւններ, Հրատ.՝ Նոր Աշխարհ Շաբաթաթերթ, Աթէնք, 1989, 76 էջ.
  • Պտղունց Մը Սէր բանաստեղծութիւններ, Հրատ.՝ Նոր Աշխարհ Շաբաթաթերթ, Աթէնք, 1987, 95 էջ.
  • Առաջին Փորձեր բանաստեղծութիւններ, Հրատ.՝ Ապրիլ Գրատուն, Լոս Անճելըս, 1985, 100 էջ.
  • Պատկերազարդ Ցուցահանդէս բանաստեղծութիւններ, Հրատ.՝ Նոր Աշխարհ Շաբաթաթերթ, Աթէնք, 1991, 76 էջ
  • Երկրորդ փորձեր Բեմադրական Երգիծաբանութիւն թատրերգութիւն "Նոր Քօնթրէքթօրը", Հրատ.՝ Ապրիլ Գրատուն, Լոս Անճելըս, 1985, 80 էջ.
                                     

2. Պատկերազարդ դասագիրքեր սկսնակ ճարտարագէտներու համար

Ան իր պաշտօնավարած ընկերութեան Consolidated Contractors Companyի համար քաղած ու անգլերէն պատրաստած է 6 ծաւալուն, պատկերազարդ դասագիրքեր՝ Finishing Works in Buildings, որոնք կօգտագործուին սկսնակ ճարտարագէտներու կողմէ եւ ընկերութեան արհեստաւորական դասընթացքներուն կը ծառայեն՝ կարօտեալ պաղեստինցի երիտասարդներու:

                                     

3. Աղբիւրներ

  • ՀԱՅՈՒ ՀՈԳԻՆ
  • Մայր իմ
  • Կեանք մը տողերու վրայ - Բանաստեղծութիւններ 1988-1989
  • "Սփիւռքի Ձայնը" Յուլիս 19 2019
  • փորձեր: Բեմադրական երգիծաբանութիւն: Նոր քոնդրէքթըրը
  • Թադէոս Իսկէնտէր Եսայեան
  • Պտղունց մը սէր
  • ՄԱՅՐՍ
  • Պատկերազարդ ցուցահանդէս: Բանաստեղծութիւններ 1990-1991
  • ՀԱՅ ԲԱՆԱՍՏԵՂԾՈՒԹԵԱՆ ՀԱՄԱՑԱՆՑԸ
Free and no ads
no need to download or install

Pino - logical board game which is based on tactics and strategy. In general this is a remix of chess, checkers and corners. The game develops imagination, concentration, teaches how to solve tasks, plan their own actions and of course to think logically. It does not matter how much pieces you have, the main thing is how they are placement!

online intellectual game →