Back

ⓘ Աղջիկ Երեխաներու Միջազգային Օր




Աղջիկ Երեխաներու Միջազգային Օր
                                     

ⓘ Աղջիկ Երեխաներու Միջազգային Օր

Աղջիկ երեխաներու միջազգային օր, Հոկտեմբեր 11-ը ՄԱԿ-ի կողմէ յայտարարուած է Աղջիկ Երեխաներու Միջազգային Օր: Շատերու կը մտածեն, թէ՝ ինչո՛ւ ՄԱԿ-ը որոշեց առանձնացնել աղջիկ երեխաները: Նպատակը այն էր՝ հրաւիրել միջազգային հանրութեան ուշադրութիւնը այն յատուկ խնդիրներուն, որոնց աղջիկները կը հանդիպին՝ ամբողջ աշխարհի տարածքին:

Օրը պաշտօնապէս առաջարկուած է՝ որպէս որոշում, Քանատայի ՄԱԿ-ի Գլխաւոր վեհաժողովին կողմէ: Ռոնա Ամպրոզ, Քանատայի Կանանց կարգավիճակի Նախարար, աջակցած է որոշոիմին. կանանց եւ աղջիկներու պատուիրակութիւն մը իրենց աջակցութիւնը ներկայացուցին նախաձեռնութեան ընթացքին ՄԱԿ-ի 55-րդ վեհաժողովին՝ Կանանց կարգավիճակներու առնչութեամբ։ 2011 թուականի Դեկտեմբեր 19-ին, ՄԱԿ-ի Ընդհանուր Ժողովի կողմէ քուէարկութիւն կատարուեցաւ՝ որոշում ընդունելու, Հոկտեմբեր 11 2012-ը, որպէս Աղջիկ երեխաներու անդրանիկ միջազգային օր:

                                     

1. Օրուան թեմաներ

2012-ի ընտրուած թեման

Աղջիկ երեխաներու միջազգային օրը առաջին անգամ նշուած է 2012 թուականին, իսկ օրուան թեման ընտրուած էր՝ աղջիկներու վաղ ամուսնութիւններու դէմ պայքարը:

2013-ի ընտրուած թեման

Այս օրուան թեման ընտրուած էր "Նորարարութիւնները աղջիկներու կրթութեան համար" խորագրով:

2014-ի ընտրուած թեման

Այս օրուան թեման ընտրուած էր "Ընդլայնել աղջիկներու իրաւունքներն ու հնարաւորուիւնները՝ վերջ տալ բռնութեան շրջապտոյտին":

2015-ի ընտրուած թեման

Այս օրուան թեման ընտրուած էր "Դեռահաս աղջիկներուն ոյժը. 2030 թուականի տեսլականը" կարգախօսով: Օրուան խորհուրդն անմիջականօրէն կապուած էր միեւնոյն տարուան Սեպտեմբերին միջազգային հանրութեան կողմէն ընդունուած կայուն զարգացման նպատակներու նոր օրակարգի հետ, որ կը նախատտեսէ իրականացնել մինչեւ 2030 թուականը: Այդ կը նշանակէ, որ 2015-ին ծնած աղջիկներու սերունդը դեռահաս կը դառնայ ուղիղ այդ ժամանակ ՝ 15 տարի ետք:

                                     

2. Արտաքին յղումներ

  • Այսօր՝ հոկտեմբերի 11-ին, Աղջիկ երեխաների միջազգային օրն է
  • Աղջիկ-երեխայի միջազգային օրն է. "Աղջիկ-երեխայի արժէքը պէտք է հասցնել տղա երեխայի արժէքին"
  • Այսօր Աղջիկ երեխաների միջազգային օրն է։
  • Աղջիկ երեխաների միջազգային օր. մտահոգող վիճակագրութիւն