Back

ⓘ Գրկախառնութեան Օր




                                     

ⓘ Գրկախառնութեան Օր

Գրկախառնութեան օր, 21 Յունուարին, 4 Դեկտեմբերին եւ այլ օրերու նշուող տօն։ Ըստ տօնի աւանդոյթի՝ ընկերական գրկախառնուիլ կարելի է նոյնիսկ անծանօթներու հետ։ Այդ օրը կը կազմակերպուին նաեւ գրկախառնութեան հետ կապուած զանազան Flashmob-եր։

                                     

1. Պատմութիւն

Գրկախառնութեան Յունուարեան տօնը հիմնադրուած է 1986-ին ԱՄՆ-ի մէջ՝ "Գրկախառնութեան ազգային օր" անուամբ անգլ.՝ National Hugging Day, այնուհետեւ տարածուած է ամբողջ աշխարհի մէջ։

Միջազգային դեկտեմբերեան տօնը անգլ.՝ International Hug Day ի յայտ եկած է 20-րդ դարու 70-ականներուն։ Այս տօնը հիմնականին կը նշուէր արեւմտաեւրոպական երիտասարդութեան ուսանողական միջավայրին մէջ, բայց անոր առաջացման ճշգրիտ հանգամանքները յայտնի չեն։

Ըստ իւրայատուկ "հաւատալիքի" ՝ ընկերական գրկախառնութեան ժամանակ մարդիկ կը փոխանակուին ներքին ջերմութեամբ։ Գոյութիւն ունին նաեւ գրկախառնութեան օգտակարութեան մասին "գիտական" հիմնաւորումներ․ օրինակ՝ ընկերական հպումները կը բարձրացնեն ախտազերծումը, կը խթանեն կեդրոնական ջղային համակարգը, արեան մէջ կը բարձրացնեն արենագնդին, ինչպէս նաեւ մէկ այլ հորմոնի՝ օքսիտոցինի մակարդակը։ Օքսիտոցինը կ՚առաջացնէ բարեացակամ տրամադրուածութիւն այլ մարդոց նկատմամբ։