Back

ⓘ Ատըլէյտ




Ատըլէյտ
                                     

ⓘ Ատըլէյտ

Ատըլէյտ, քաղաք Աւստրալիոյ մէջ։ Հարաւային Աւստրալիոյ վարչական կեդրոնն է։ Նաւահանգիստ մըն է Սեն Վինսենթ ծոցի ափին։ ։ Հիմնադրուած է 1836-ին Անգլիոյ թագաւոր Ուիլիամ Դ ի օրով եւ կոչուած է անոր կնոջ անունով:

Ատըլէյտ կը յատկանշուէր իր ազատ բնակիչներու բազմազանութեամբ եւ հարստութեամբ ՝ ի տարբերութիւն Աւստրալիոյ այլ քաղաքներուն:

Մինչեւ հետպատերազմեան դարաշրջան, անիկա Աւստրալիոյ երրորդ ամենամեծ քաղաքն էր: Ճանչցուած էր կրօնական ազատութեան եւ յառաջադէմ քաղաքական բարեփոխումներու իր յառաջատար օրինակներով: Իսկ հաւատքի բազմազանութեան շնորհիւ, ծանօթ էր իբրեւ "Եկեղեցիներու քաղաք":

Այսօր քաղաքը նշանաւոր է իր բազմազան փառատօններուն, մարզական միջոցառումներուն, սննդեղէնի եւ գինիի արտադրաման մեծ ոլորտներուն շնորհիւ: 21-րդ դարու ընթացքին Ատըլէյտի կեանքին որակը հետեւողականօրէն զարգացման բարձր մակարդակի հասած է:

Իբրեւ Հարաւային Աւստրալիոյ կառավարութիւն եւ առեւտուրի կեդրոն ՝ Ատըլէյտ կը հանդիսանայ բազմաթիւ պետական ​​եւ տնտեսական հաստատութիւններու կեդրոնատեղի: Անոնց մեծ մասը կը գտնուի քաղաքին կեդրոնը: