Back

ⓘ Ալեքսանտրիայի Սենկորի Անուան Համալսարան




Ալեքսանտրիայի Սենկորի Անուան Համալսարան
                                     

ⓘ Ալեքսանտրիայի Սենկորի Անուան Համալսարան

Ալեքսանտրիայի Սենկորի Անուան Համալսարան, համալսարան, որ պաշտոօնապէս ծանօթ է իբրեւ Ֆրանսերէնի Ափրիկեան Զարգացման Միջազգային Համալսարան։ Հիմնադրուած է 1990-ին Ալեքսանտրիա՝ Եգիպտոսի մէջ։

                                     

1. Պատմութիւն

Ֆրանսերէնի Ափրիկեան Զարգացման Համալսարանի հիմնադրման յատակագիծը ներկայացուած եւ ընդունուած է գագաթնաժողովին։ Սենկորի համալսարանի բացումը կատարուած է Հոկտեմբեր 1990-ին եւ այն միջազգային հանրութեան կողմէ անմիջապէս ընդունուած է իբրեւ միջազգային ուսումնական հաստատութիւն։ Անոր անունը յարգանքի տուրք է Սենեկալի Հանրապետութեան նախկին նախագահ Լեոբոլտ Սետար Սենկարին, ով եղած է Ֆրանքոֆոնիայի ջատագովներէն ու իրականացնողներէն մէկը։ Սետար Սենկորի կողքին, համալսարանին իմնադիրներն են Մուրիս Տրուոնը, Պութրոս Ղալին եւ Ռենէ-Ճին Տուպուն։

Ութ տարի շարունակ համալսարանը ղեկավարած է Ալպէր Լուրտէ, իսկ 21 Յունիս 2016-ին Հանիա Հելալի համալսարանի փրոֆեսոր, Եգիպտոսի բարձրագոյն կրթութեան ու գիտութեան հետազօտութեան նախկին նախարար փրոֆեսոր Թերրի Լերտելը նշանակեցաւ Սենկարի համալսարանի տնօրեն։

                                     

2. Նկարագրութիւն

Սենկոր համալսարանը բարձրագոյն ուսումնական հաստատութիւն է, որ կը կրթէ ուսանողներուն՝ հարաւային երկիրներու զարգացման առնչուող դասանիւթերու միջոցով եւ իր երիտասարդ շրջանաւարտներուն կը պատրաստէ տարբեր բնագաւառներու մէջ գործունէութիւն ծաւալելու համար ։

Ըստ համալսարանի ծրագիրին, Սենկոր համալսարանը կը ձգտի դառնալ միջազգային ֆրանսալեզու համալսարան՝ ապահովելով Ափրիկէի զարգացումը։ Իր տարբեր ծրագիրներուն միջոցով համալսարանը կ՛ուղղորդէ աշակերտներուն զարգացումը, ստեղծելով հմտութիւններու ցանց եւ գիտելիքներ։

Համալսարանին 10 մասնագիտութիւնները կ՛ուսուցանուին հինգ բաժանումներու մէջ։

  • Կառավարում եւ համայնքային կառավարում
  • Առաջին բաժանում
  • Վարչական կառավարման բաժին
  • Ծրագրային կառավարում
  • Շրջակայ միջավայր
  • Երկրորդ բաժանում
  • Շրջաններու պահպանման կառավարում
  • Շրջակայ միջավայրի կառավարում
  • Միջազգային առողջապահութիւն
  • Առողջապահութեան բաժանում
  • Քաղաքականութիւն սնունդի բնագաւառէն ներս
  • Մշակութային ժառանգականութեան բնագաւառ
  • Մշակութային ճիւղերու կառավարում
  • Կապ եւ հաղորդակցութիւն
  • Մշակութային ժառանգականութեան կառավարում
  • Համակարգչային կառավարման բաժանում
  • Հեռակարավարման ուսուցում