Back

ⓘ Ալ Ղատ




                                     

ⓘ Ալ Ղատ

"Ալ Ղատ", ոչ պետական ազգային օրաթերթ: Արաբական առաջին անկախ օրաթերթն է, կը հրատարակուի Յորդանանի մէջ։ Խմբագրատունը կը գտնուի մայրաքաղաք Ամմանի մէջ:

                                     

1. Պատմութիւն

"Ալ Ղատ" հիմնադրուած է Օգոստոս 2004-ին, Մոհամետ Ալայյանի կողմէ, որ նաեւ այդ թերթի հրատարակիչ Al Faridah մասնագիտացուած հրատարակչատան նախագահն է: 2005-էն սկսեալ թերթի գլխաւոր խմբագիրը Իմատ Հմուտն է:

Նոյեմբեր 2011-ին յարձակում կատարուած է թերթին խմբագրատան եւ աշխատակիցներուն վրայ։ Մէկ ամիս ետք, գլխաւոր խմբագիր Մուսթաֆա Սալեհ հեռացած է իր պաշտօնէն։ Այդ դէպքը համընկած է պետական Ալ-Ռայ լրատուամիջոցի գլխաւոր խմբագիր Ճումանա Ղունայմաթի աշխատանքէն հեռացման հետ եւ որ տեղի ունեցած է Յորդանանի Լրատուական ու Հաղորդակցութեան նախարար Ռաքան ալ-Մաճալիի հրամանով: 2011-ի վերջերը Ճումանա Ղունայմաթ նշանակուած է "Ալ Ղատ" ի գլխաւոր խմբագիր եւ այդ պաշտօնը կը վարէ մինչեւ այսօր

Տպագիր տարբերակին կողքին, "Ալ Ղատ" լոյս կը տեսնէ նաեւ ելեկտրոնային առցանց տարբերակով, որ բաւականին մեծ ժողովրդականութիւն կը վայելէ ընթերցողներուն քով: 2010-ին MENA-ի ամէնէն յաճախ այցելուող կայքղջերուն մէջ այն գրաւած է 10-րդ տեղը:

"Ալ Ղատ" օրաթերթը լրագրերու համաշխարհային ընկերակցութեան կողմէ կազմակերպուած Asia Media Awards մրցանակաբաշխութեան մրցանակներու արժանացած է երեք անուանակարգերով՝ լաւագոյն ձեւաւորում, լաւագոյն առաջին էջ եւ լաւագոյն ելեկտրոնային հարթակ ունենալու համար: 2018-ին "Ալ Ղատ" ի ելեկտրոնային տարբերակը Industry Arabic-ի կողմէ ճանչցուած է արաբական աշխարհին մէջ ամենաազդեցիկ լրատուամիջոցը:

                                     

2. Թերթի բովանդակութիւնը

"Ալ Ղատ" կը ներառէ հինգ բաժիններ.

  • Հայաթունա حياتنا - առողջութեան, կենցաղի, ապրելակերպի վերաբերեալ նիւթեր
  • Արաբները եւ աշխարհը العرب والعالم - կ՛ընդգրկէ տարածաշրջանային եւ միջազգային նորութիւններ
  • Տնտեսութիւն اقتصاد - միջազգային տնտեսական նորութիւններ
  • Ալ-թահատտի التحدي - մարզական լուրեր
  • Ալ Ղատ ալ Օրտունի الغد الأردني - Յորդանանի տեղական նորութիւններ