Back

ⓘ Ալեքսանդր Ադաբաշեան




Ալեքսանդր Ադաբաշեան
                                     

ⓘ Ալեքսանդր Ադաբաշեան

Ալեքսանդր Ադաբաշեան, Մոսկուա, Խորհրդային Ընկերվարական Հանրապետութիւններու Միութիւն), խորհրդային, հայ, ռուս դերասան, նկարիչ, շարժանկար պատրաստող, բեմավար, ՌԽՖՍՀ վաստակաւոր նկարիչ:

                                     

1. Կենսագրութիւն

Ալեքսանդր Ադաբաշեանը ծնած է 1945 թուականին Մոսկուայի մէջ։ Մայրը՝ Վալենթինա Պարխուտարովան 1917-1995, գերմաներէնի ուսուցչուհի էր։ Հայրը՝ Արտիոմ Ատապաշեանը 1910-1974, ճարտարագէտ էր, ժապաւէնի սարքաւորման եւ շինարարական աշխատանքներու նախարարութեան գլխաւոր կոմիտէի պետը։ Կինը՝ Քաթերինա Շատրինան ծն․ 1955 է, դուստրերը՝ Ալեքսանտրա Պոթեխինան ծն․ 1980, աւարտած է Մոսկուայի Մ․ Լոմոնոսովի անուան պետական համալսարանը, հետաքրքրուած է քրիստոնէութեան պատմութեամբ, Բիւզանդիոնով, Հին Յունաստանով, կը դասաւանդէ յունարէն, Էքաթերինա Ատապաշեանը ծն․ 1982 կը զբաղի նկարչութեամբ։ Ունի 3 թոռ՝ Ֆիլիփը 2001, Մարիան 2003 եւ Փիոթրը 2006:

                                     

1.1. Կենսագրութիւն Մանկութիւն եւ պատանեկութիւն

Ալեքսանդր Ադաբաշեանի մանկութիւնը անցած է Մոսկուայի մէջ՝ Նիժնեայա Մասլովկա փողոցին վրայ։ Ծնողները այն ժամանակուան համար արտասովոր որոշում կայացուցին․ երեխան ուսման ուղարկել ֆրանսական դպրոց։ Այդպես Ալեքսանտրը սկսաւ սորվիլ №2 յատուկ դպրոցին մէջ, որ յետագային կոչուեցաւ Ռոմէն Ռոլանի անունով։ Դպրոցը կը համարուէր հեղինակաւոր եւ յայտնի էր լաւ ուսուցիչներով․ ֆրանսերէնը կը դասաւանդուէր առաջին դասարանէն եւ բարձր մակարդակով։

Ալեքսանtրը աէեն օր դպրոց կերթար գծուղիով, որ իրեն մեծ հաճոյք կը պատճառէր եւ շատ կը ցանկանար դառնալ գնացքի ուղեկցորդ։ Ետքը կը ցանկանար դառնալ կրկեսի ծաղրածու․ շատ կը հաւնէր այս մասնագիտութիւնը, որ հնարաւորութիւն կու տար յօրինել, խաղալ եւ նկարել։ Ադաբաշեանը կը մասնակցէր գեղարուեստական տարբեր խմբակներու՝ կը նկարէր, կը սորվէր թատերական արուեստանոցին մէջ։ Երեխաները կը խաղային ֆրանսերէնով բեմադրուած կտորները, իսկ դպրոցական "Մեղուիկ" ներկայացումը, ըստ Անաթոլ Ֆրանսի ստեղծագործութեան, հեռատեսիլի տեսութեամբ առցանց ցուցադրուեցաւ Ժուրաւիովի հրապարակին վրայ եւ դարձաւ ապագայ դերասանի թատերական սկիզբը։

Ալեքսանդր Ադաբաշեանի երկրորդ դերասանական աշխատանքը, որ ընդգծուեցաւ Մոսկուայի գեղարուեստական թատրոնի դպրոց-արուեստանոցի մանկավարժներու կողմէ, Անթուան տը Սենթ Էքզիւփերիի ստեղծագործութեան հիման վրայ բեմադրուած "Փոքրիկ իշխանը" ներկայացման մեջ դերն էր։ Ալեքսանտրին առաջարկեցին յետագային զբաղիլ դերասանութեամբ, սակայն ան արդէն լրջօրեն տարուած էր նկարչութեամբ եւ որոշեց իր ողջ կեանքը նուիրել այդ մասնագիտութեան։

Դպրոցական տարիքին Ադաբաշեանը ծանօթացաւ Նիքիթա Միխալկովի հետ։ Ալեքսանդրի ընկերը՝ Ալեքսէյ Շաշկովը, Նիքիթայի ընկերն էր եւ իրենց մօտ ձեւաւորուեցաւ ընկերական հաւաքական, որուն մէջ կը մտնէին նաեւ Վլատիմիր Կրամաթիկովը եւ Անդրէյ Եուրենեւը:

Ստրոկանովի ուսումնարան այժմ՝ Մոսկուայի բարձրագոյն գեղարուեստական ուսումնարան անմիջապէս չընդունուեցաւ։ Ադաբաշեանը մէկ տարի աշխատեցաւ նախագծային հաստատութեան մէջ, զուգահեռաբար նախապատրաստական դասընթացքներու կը յաճախէր եւ 1962 թուականին դարձաւ իր երազած բարձրագոյն ուսումնական հաստատութեան մէջ ուսանող։ 1964 թուականին ուսման ընթացքին Ալեքսանտրը զօրակոչուեցաւ բանակ, ուր ծառայեց 3 տարի։ Ծառայութեան սկիզբը ան կամաւոր գնաց քսանապետներու դպրոց Քունկուր քաղաք, Փերմի երկրամաս: Որոշ ժամանակ ետք զօրամասին մէջ նկատեցին իր նկարչական ընդունակութիւնները, եւ Ալեքսանտր Ատապաշեանը յայտնուեցաւ սպայակոյտի գրագիրի արտօնեալ պաշտօնին, իսկ ծառայությունը աւարտեցաւ Պոլոկոյէ քաղաքէն ոչ հեռու։ Բանակին մէջ անցուցած 3 տարիներուն ընթացքին ան հասաւ կրել թանկային զօրամասի զինուորական ծառայողի, հրետանի եւ օդաչուի ուսադիրներ։ Ծառայութիւն անցնելով ռազմագիտական նշանակութիւն ունեցող հրթիռային զօրքերուն մէջ՝ Ադաբաշեանը իրեն համար բացայայտեց, որ ելեկտրոնական գործէն աւելի պակաս գլուխ չի հանէր, քան իր՝ բարձրագոյն արհեստից կրթութիւն ունեցող ծառայակիցները։ Ան հասկցաւ, որ շատ բանով պարտական է իր դպրոցին եւ շրջապատին եւ գիտելիքներու մակարդակին, թէեւ այդ տարիներուն միակ գերազանց գնահատականը ստացած էր երգեցողութենէն։

                                     

2. Ուսանողական տարիներ եւ ասպարեզ

1967 թուականին զօրացրուելով՝ Ալեքսանդր Ադաբաշեանը վերադարձաւ ուսումնարանի 2-րդ դասընթացք, իսկ չորրորդ դասընթացքին անոր կեանքին մէջ մտաւ շարժապատկերը։ Ամառային փորձարական շրջանի ընթացքին սկսաւ աշխատիլ "Հանգիստ օր պատերազմի աւարտին" ֆիլմնի վրայ Նիքիթա Միխալկովի դիւանագիտական աշխատանքը, 1970: Ստրոկանովի ուսումնարանի ուսանողներուն կը սորվեցնէր աէեն ինչ սեփական ձեռքերով ընել, եւ Ալեքսանդրը պատկերացում ունէր ատաղձագործական, փականագործական եւ նմանատիպ այլ աշխատանքներու մասին, որոնք կը կազմէին բեմանկարչութեան հիմքը։ Անոր բոլոր շարժապատկերի համալսարանները կը սկսէին մեծ վարպետներու հետ աշխատանքէն։ Ալեքսանդրին բախտ վիճակուեցաւ համագործակցիլ բեմանկարիչ Իրինա Շրեթերի հետ, որ վաղուց կաշխատէր շարժապատկերի մէջ։ Ադաբաշեանը փորձարական շրջանի ընթացքին կիւրացնէր նկարիչ-ձեւաւորողի մասնագիտութիւնը եւ սեփական փորձի հիման վրայ կիմանան, թէ ինչ է շարժապատկերը, ինչով կը տարբերի թատրոնէն կամ գեղանկարչութենէն։ Ան սկսաւ աշխատիլ ոչ մէկ պատկերացում ունենալով այդ մասնագիտութեան մասին՝ կը սորվէր ընթացքին, եւ սխալները անխուսափելի էին։ Այդ ամէնը կընթանար Իրինա Վիքթորովնայի հսկողութեան տակ, որ կը ներէր բոլոր սխալները եւ համբերատար կը սորվեցնէր։

1971 թուականին Ա․ Ադաբաշեանը աւարտեց Մոսկուայի գեղարուեստա-արդիւնաբերական բարձրագոյն ուսումնարանը մետաղներու գեղարուեստական մշակման դպրոցը: Դերեւս 1970 թուականին որպէս նկարիչ-բեմադրիչ Ալեքսէյ Ռոտիոնովի հետ համատեղ մասնակցած է "Պետրուխինի ազգանունը" ֆիլմի նկարահանումներուն, իսկ 1972 թուականին գործարկու Փաւել Լեպեշեւի հետ մեկնեցաւ արդիւնաբերական համագործակցութեան մը մասին փաստագրական ֆիլմ նկարահանելու, ուր ձեռք բերաւ նոր մասնագիտութիւն՝ գործարկուի օգնական։ Անոնք շրջեցան Ռուսիայի մէջ եւ Մերձպալթիքայի մէջ, այնուհետեւ հրաւէր ստացան աշխատելու Պուտիմիր Մետալնիքովի "Բժիշկ Իվենսի լռութիւնը" ֆիլմի վրայ․ Փաւելը ստորջրեայ նկարահանումներու գործարկուն էր, իսկ Ալեքսանդրը՝ օգնականը։ Վերջը նկարահանումները յետաձգուեցան, սակայն ընկերները մէկուկես ամիս ապրեցան Սուտակի մէջ։ Որպէսզի անգործ չնստի, Ադաբաշեանը սկսաւ աշխատիլ Այզեք Զինկերի մօտ որպէս օգնական։ Այզեքը Կ․ Ստանիսլավսկիի անուան թատրոնի զգեստներու նկարիչն էր, որ դարձաւ յայտնի խորհրդաամերիկեան հագուստի ձեւաւորող։ Ան նաեւ կօգնէր բեմանկարիչ Լեօնիտ Փերցեւին որպէս գեղազարդիչ․ Ալեքսանդրը միշտ կը ձգտէր փորձ ձեռք բերել մասնագիտականէն եւ ինչ-նոր բան սորվիլ։

Այդ տարիներուն Ալեքսանդր Ադաբաշեանը ամուսնացաւ Փաւել Լեպեշեւի քրոջ՝ Մարինայի հետ։ Այնպէս եղաւ, որ հարսանիքին չկարողացան ներկայ գտնուիլ նորապսակներու ծնողները, եւ միջոցառման հաւաքուեցան շատ երիտասարդներ։ Հիւրերու մէջ էր Անտրէյ Միխալկով-Կոնչալովսկին, որ 1973 թուականին հրաւիրեց Ադաբաշեանին օգնել իրեն "Գործը աւելի կարեւոր է, քան կեանքը" ֆիլմի պատրաստութեան հարցին մէջ։ Ֆիլմը Միջին Ասիոյ շարժապատկերի արոհեստանոցէն մէկուն համար էր։ Միխալկով-Կոնչալովսկին ուրուագծեց պատրաստութիւնը եւ սկսաւ փնտրել համահեղինակ։ Ադաբաշեանը նախկինին երբեք պատրաստութիւններ չէր գրած, սակայն Անդրէյը համբերատար կը բացատրէր, թէ ինչով պատրաստութիւնը կը տարբերի լաւ արձակէն, կը սորվեցնէր նկարագրել բնաւորութիւններ, պատկերացնել, թէ ինչպէս այդ ամէնը կը դիտուի իրականին մէջ՝ գործողութեան մեջ։ Այդպէս Ալեքսանդր Ադաբաշեանի համար բացուեցաւ ստեղծագործական կեանքի նոր էջ։

"Օտարներուն միջ իւրային, իւրաիններու մէջ օտար" ֆիլմի նկարահունմներու ըստ Էտուարտ Վոլոտարսկիի եւ Նիքիթա Միխալկովի "Կարմիր ոսկի" պատմուածքի Ալեքսանտր Ադաբաշեանը Իրինա Շրետերի հետ նկարիչ-բեմադրիչն էր։ Ֆիլմին մէջ կը նկարահանուէին Եուրի Պոկատիրիովը, Անատոլի Սոլոնիցինը, Սերգէյ Շաքուրովը, Ալեքսանտր Պորոխովշչիքովը, Ալեքսանտր Քայտանովսկին: Նկարահանումները կատարուեցան Չեչենօ-Ինկուշետիայի մէջ, որ յայտնի էր բազմազան բնութեամբ՝ բլուրներով, ժայռերով եւ գետերով։ Այնտեղ Ատապաշեանը առաջին անգամ հանդէս եկաւ որպէս դերասան, թէեւ այդ մասնագիտութեան վերաբերեալ ունէր միայն աղոտ պատկերացումներ։ Առաջնելոյթը յաջող անցաւ, սիկ ֆիլմը 1975 թուականին Տելիի շարժապատկերի փառատօնին ստացաւ հանդիսատեսի մրցանակ։ Նոյն թուականին Ալեքսանդր Ադաբաշեանը որպէս դերասան եւ նկարիչ աշխատեցաւ "Սիրոյ ստրկուհին" ֆիլմին վրայ, որ Թեհրանի շարժապատկերի փառատօնին ստացաւ "Ոսկէ կոզլոտուր", իսկ Ֆրանսայի Եէր քաղաքին մէջ կայացած "Երիտասարդ կինօ" շարժապատկերի փառատօնին՝ հանդիսատեսի յատուկ մրցանակը։ Այդ ժամանակաշրջանին ծանր հիւանդացաւ եւ մահացաւ Ալեքսանտրի կինը՝ Մարինան։

Առաջին բեմավարութիւնը, որ սկիզբէն մինչեւ վերջ գրուեցաւ Նիքիթա Միխալկովի հետ, "Անաւարտ կտոր մեքենական դաշնամուրի համար" 1977 ֆիլմի բեմավարութիւնն էր, որուն հիմքին ինկած էր Անթոն Չեխովի "Փլաթոնով" անաւարտ կտորը։ Երբ Միխալկովին նուիրեցին "Չեխովի չհրատարակուած կտորները" գիրքը, անոնք միասին կարդացին այն եւ որոշեցին Անթոն Փաւլովիչի ստեղծագործութիւններէն նկարներու համադրում ընել։ Ֆիլմի ստեղծման պատմութիւնը ինքնին արտասովոր է, քանի որ այդ տարիներուն երիտասարդ տաղանդներուն չէին վստահեր պաստառի վրայ ցուցադրեթ դասականներուն, սակայն անոնք այնուամենայնիւ դիմում տուին, թէեւ յաջողութեան յոյս չունէին։ Այնպէս եղաւ, որ նկարահանող խումբերէն մէկը չհասաւ պետկինոյին ժամանակին յանձնել ֆիլմը եւ այդ ժամանակ յիշեցին "Անաւարտ կտորի մասին": Այդպէս ամէն ինչ սկսաւ։ Մէկուկէս ամսուան մէջ գրուեցաւ բեմավարութիւնը եւ սկսաւ նկարահանումներու վայրի փնտրտուքը։ Մոսկուայէն 2 ժամ հեռաւորութեան վրայ, Պուշչինօ քաղաքին մէջ, գտնուեցաւ դատարկ ագարակ եւ զբօսայգի՝ ջրվէժանման լճակներով։ Ֆիլմի նկարահանումներուն Ատապաշեանը Ա․ Սամուլեկինի հետ աշխատեցաւ նաեւ որպէս նկարիչ։ Ֆիլըն ստացաւ բազմաթիւ մրցանակներ՝ Սան Սեպասթիանի շարժապատկերի փառատօնի "Большая золотая раковина" մրցանակ 1977, Չիքակոյի շարժապատկերի փառատօնի "Золотая пластина" մրցանակ 1978, Պելկրատի մէջ կայացած աշխարհի լաւագույն ֆիլմերու "Ֆեստ" շարժապատկերի փառատօնին կրան փրի շարժանատկերի եւ հեռատեսիթօ նկարիչներու միութենէն 1978, "Տաւիտ Տոնաթելլօ" մրցանակ որպէս լաւագոյն օտարերկրեայ ֆիլմ իտալական վարձոյթին 1978:

Պուշչինոյի մէջ նկարահանուեցաւ նաեւ "Իլեա Օպլոմովի կեանքէմ մի քանի օր" ֆիլմի մեծ մասը նկարիչներ Ա․ Ադաբաշեան եւ Ա․ Սամուելկին, 1979: Ֆիլըն ստացաւ "Օքսֆորտի ոսկէ վահան" մրցանակ լաւագոյն պատրաստութիւն անվանակարգին մէջ 1980, Ամերիկեան Միացեալ Նահանգներու շարժապատկերի քննադատներու ազգային խորհուրդի կողմէն ճանչուեցաւ լաւագոյն օտարերկրեայ ֆիլմ 1981, Մալակայի հեղինակային ֆիլմերու 13-րդ միջազգային շաբաթի առաջին մրցանակ 1982: 1978 թուականին ֆիլմի նկարահանումներու ժամանակ Ալեքսանտր Ատապաշեանը ամուսնացաւ Գեղարուեստա-թատերական ուսումնարանի ուսանողուհի Էքաթերինա Շատրինայի հետ, որ Ն․ Միխալկովի "Հինգ երեկոյ" եւ Սերգէյ Սոլովիովի "Փրկարարը" ֆիլմերուն մէջ կաշխատէր որպէս զգեստներու նկարիչի օգնական։

Ն․ Միխալկովի եւ Ա․ Միխալկով-Կոնչալովսկու հետ Ալեքսանտր Ադաբաշեանը մասնակցեցաւ արկածային "Տրանսսիպիրեան ճեպընթաց" ժապաւէնի բեմավարութեան ստեղծման աշխատանքներուն ֆիլմ պատրաստող Էլտոր Ուրապայեւ, 1978: Ֆիլըն ստացաւ Լենինի կոմսոմոլի մրցանակեւ Ղազախական ԽՍՀ պետական մրցանակ։ Ալեքսանդր Ադաբաշեանը եւս ստացաւ մրցանակ։ Ն․ Միխալկովի հետ ան գրեց նաեւ "Հինգ երեկոյ" ֆիլմի բեմավարութիւնը 1979՝ Վոլոտինի կտորներու հիման վրայ, ուր կրկին հանդէս եկաւ որպէս դերասան։

1987 թուականին Ն․ Միխալկովը կրկին անդրադարձաւ Անտոն Չեխովի ստեղծագործութիւններուն եւ նկարահանեց "Սեւ աչեր" ֆիլմը, որ դարձաւ Ադաբաշեանի ֆիլմի նկարիչ հետ համատեղ վերջին աշխատանքը։ Շարժանկար պատրաստողը ստեղծեց նաեւ "Շնիկով կնոջ" ադապտացուած տարբերակը, ուր իտալացիի գլխաւոր դերը Ն․ Միխալկովը, Ա․ Ադաբաշեանը եւ Սուզօ Չեկի տի Ամիկոն գրած էին յատուկ Մարչելօ Մաստրոյանիի համար։ Ֆիլմը առաջադրուեցաւ Օսքարի, Կաննի շարժապատկերի փառատօնին ստացաւ մրցանակ տղամարդու լաւագոյն դերի համար, ինչպես նաեւ Վալիատոլիտի շարժապատկերի փառատօնի արտամրցութային ցուցադրման ստացաւ յատուկ պատուաւոր վկայական 1987:



                                     

2.1. Ուսանողական տարիներ եւ ասպարեզ Բեմավարական ասպարեզ

1990 թուականին կայացաւ Ալեքսանդր Ադաբաշեանի բեմավարական սկիզբը՝ "Մատօ, ցպահանջ" ֆիլմը։ Սկզբէն Ալեքսանտրին խնդրեցին գրել ֆիլմի պատրաստութիւնը, իսկ ետքը նկարահանած է անիկա։ Այդտեղ ալ պէտք եկաւ ֆրանսերէնը: Ֆիլմը նկարիչ, ֆիլմ պատրաստող եւ դերասան Ալեքսանդր Ադաբաշեանի առաջին բեմավարական աշխատանքն էր, որ նկարահանուած էր արտասահմանին մէջ։ 1990 թուականին Ռաւեննայի շարժապատկերի փառատօնին ստացաւ Երիտասարդ դատական կազմի մրցանակ, առաջադրուեցաւ Սեզար մրցանակի, ստացաւ Մորօ Սիմոնէի մրցանակ կանացի լաւագոյն դերի համար։ Քաննի մէջ "Հեռանկար" մրցույթին ֆիլմը ստացաւ առաջին մրցանակ եւ 12 լաւագոյն ֆրանսական ֆիլմերու թիւին մասնակցեցաւ Մայամիի մէջ կայացած ֆրանսական ֆիլմերու փառատօնին ԱՄՆ: "Մատօ, ցպահանջ" ֆիլմը թողարկուած է DVD-ով եւ ընդգրկուած է լաւագոյն ֆրանսական ֆիլմերու հաւաքածուի մէջ։

2002 թուականին պաստառ բարձրացան "Ազազել" ֆիլմը՝ Պորիս Ակունինի վէպի հիման վրայ, որուն բեմավարը Ալեքսանդր Ադաբաշեանն էր։ Անոր թեկնածութիւնը առաջարկեց հեղինակը, որ բարձր գնահատած էր "Մատօ, ցպահանջ" ֆիլմը։ Սակայն նկարահանումներու վերջնական փուլին մէջ արտադրողներու հետ առաջացած տարաձայնություններու արդիւնքին մէջ, որոնք էականօրեն փոխեցին նկարահանած նիւթի հատուածը, բեմավարըը որոշեց իր մականունը հեռացնել վերնագիրներէն։ Նմանօրինակ իրավիճակ արձանագրուեցան Ադաբաշեանի մօտ նաեւ Իտալիոյ մէջ, երբ վերջինս գրեց "Вешние воды" ֆիլմի պատրաստութիւնը՝ Իւան Թուրկենեւի ստեղծագործութեան հիման վրայ։ Սակայն այն բանէն ետք, երբ բեմավարը փոխեց հատուածը, իր մականունը հանեց վերնագիրներէն։

Ադաբաշեանի կարծիքով բեմավարութիւնը մասնագիտութիւն չէ, այլ բնավորութիւն։ Նկարահանումներուն Ադաբաշեանը կը ջանայ որպէսզի խումբը հաճոյք ստանայ համատեղ աշխատանքէն, իսկ գործընթացը անցնի թեթեւ։

Ա․ Ադաբաշեանը աշխատած է շատ ականաւոր բեմավարներու հետ՝ Անդրէյ Կոնչալովսկի, Ռոման Պալայան, Վ․ Կրիստոֆովիչ, Վլատիմիր Մենշով, Ալեքսանտր Պարանով, Ռեւազ Կիկիենիշվիլի, Վլատիմիր Պորտկօ, Սեպասթիան Ալարկոն, Լորան Ժաուի Դոմբին եւ որդին: Ադաբաշեանի պատրաստութեամբ բեմավար Ճիաքոմօ Քամպիոտին Իտալիոյ մէջ նկարահանած է "Ինչպես երկու կոկորդիլոս" "Ոսկէ կլոպուսի" առաջադրում եւ "Tempo del amore" 1999 ֆիլմերը։ Անոր հետաքրքիր գտնուած է այնպիսի բեշավարներու կողքին, որոնք կաշխատին հին ձեւով՝ մանրամասն փորձեր կընեն, կը մտածեն հեռանկարի մասին։

Դասաւանդած է ֆիլմ պատրաստողներու եւ բեմավարներու բարձրագոյն դասընթացքներու եւ եւրոպական "Quinoxe" պատրաստողներու արուեստանոցներու մէջ Ֆրանսա: Թատերական զգեստներու երիտասարդ նկարիչներու մրցութի յանձնախումբի անդամ է, "Փուշքինի թանգարանը" մրցոյթի եզրափակիչի ձեւաւորողն է 1999: Ադաբաշեանին հոգեհարազատ են դասականները։ Կը կարդայ Տոլստոյ, Չեխով, Լեսկով, արտասահմանեան հեղինակներէն՝ Տիքենս, Մոպասան, Ֆլոպեր, Զոլա, Սելինճեր, Ֆոլքներ, Ֆիցճերալտ: Ամենասիրած ստեղծագործութիւնը "Պատերազմ եւ խաղաղութիւն" վէպն է։ Կապրի եւ կաշխատի Մոսկուայի մէջ։

                                     

3. Հետաքրքրութիւններ

Ալեքսանդր Ադաբաշեանը կը հետաքրքրուի ճաշարաններու ներքին ձեւաւորմամբ: Զուգահեռաբար կը նկարահանուէր ֆիլմերուն մէջ ոչ մեծ դերերու մէջ։ Վերջին շրջանի ֆիլմերէն են "Տարածքը", "Ինը ամիս", ինչպես նաեւ Ն․ Միխալկովի "Տասներկու բարկացած տղամարդիկ" ֆիլմին մէջ դերը։

Ադաբաշեանը ամբողջ կեանքը զբաղած է անով, որմէ հաճոյք ստացած է եւ կը համարէ, որ ատիկա ինչ-որ բանի հասնելու միակ ճանապարհն է եւ չի զղջար ընտրած մասնագիտութեան համար։ Ալեքսանդրի դուստրերը կը հետաքրքրուին շարժապատկերով եւ թատրոնով, սակայն ընտանիքին մէջ իր գործունէութիւնը չեն երկրպագեր եւ շատ բաներուն կը վերաբերին հեգնանքով։ Ադաբաշեանը ուշադրութիւն չի դարձներ քննադատութեան վրայ, որ շատ յաճախ ոչ առարկայ կը հանդիսանայ, գովասանքն ու շողոքորթությունը լրջօրեն չընդունիր, կը վերլուծէ անյաջողութեան պատճառները եւ կը սորվի սեփական սխալներու վրայ։

Ալեքսանդր Ադաբաշեանի համոզումով գործընթացը կեանքի մէկ մասն է։ Անոր կը գրաւէ մարդոց հետ աշխատանքը եւ արկածախնդրութեան համը, իսկ անոր կերպարի փոփոխութիւնը միշտ անսպասելի է։ Ատապաշեանի բազմաթիւ մասնագիտութիւնները նպատակ չէ, այլ հետաքրքիր ապրելու միջոց, առօրեայ գոյատեւման իւրօրինակ բողոք։ Ան համոզուած է, որ երջանկութիւնը այդ կեանքին մեջ է, ուր տարբերութիւն չկայ քու ընտրած մասնագիտութեան եւ կեանքի միջեւ։ Շատերը ազատ ժամանակ կը խաղան թատրոնի մէջ, պատմուածքներ կը գրեն։ Ատապաշեանը կընէ այս ամէնը, սակայն աշխատանքի ժամանակ։ Ըստ անոր՝ ստեղծագործական մասնագիտութեան մէջ կարեւոր է հանգամանքներու եւ պատահականութիւններու յաջող զուգադիպումը։ Անգամ մը Ատապաշեանը Իտալիա կը ճամբորդէր Եուրի Պաշմետի հետ նոյն օդանաւով, որ կուղղուէր Հռոմ որպէսզի Վալերի Կերգկեւի ղեկավարութեամբ Պերլիոզ նուագեր։ Հռոմի մէջ Ադաբաշեանը ծանօթացաւ Վալերի Ապիսալովիչի հետ եւ իմացաւ, որ "Պորիս Կոտունով" ներկայացման համար, որ պիտի ներկայացուէր "Սպիտակ գիշերներ" փառատօնին, պատրաստ է երաժշտական մասը, սակայն չկայ բեմավար։ Ադաբաշեանը որոշեց ինքը բեմադրել ներկայացումը։ Խօսակցութիւնը կայացաւ Մայիսի վերջը, իսկ հրապարակումը որոշեցին ընել 20 Յունիսին։ Ալեքսանտր Ատապաշեանը վերադարձաւ Ռուսաստան եւ 12 օրուան ընթացքին նկարիչ, Ստրոկայովի իր դասընկեր՝ Իւան Մաքարովի հետ, Մարիինեան թատրոնին մէջ բեմադրեց "Բորիս Կոտունով" օփերան 1997, որ ներկայացուեցաւ հանդիսատեսին Սանթ Փեթերսպուրկի, Իտալիոյ, Հոլանտայի, Անգլիոյ, Ֆրանսայի, Արժանթինի, Չիլիի մէջ։ Ադաբաշեանի անսպասելի նախագիծերէն էեկը դարձաւ նաեւ "Хованщина" ներկայացման տեղափոխումը Մարիինեան թատրոնէն Միլան՝ "Լա Սկալա" 1998:

                                     

4. Մրցանակներ եւ պարգեւներ

  • Ֆելինիի անուան մրցանակ եւրոպական լաւագոյն բեմավարի համար 1993
  • Ֆլայանոյի "Արծաթէ պեկաս" մրցանակ օտարերկրեայ լաւագոյն բեմավարի համար Իտալիա, 1991
  • "Ոսկէ արծիւ" մրցանակի առաջադրում "Լաւագոյն բեմավար" անուանակարգին "Շան դրախտ" ֆիլմի համար 2014
  • Ռաւեննայի "Европа чинема" շարժապատկերի փառատօնին երիտասարդ յանձնաժողովի մրցանակ "Մատօ ցպահանջ" ֆիլմի համար 1990
  • "Ժպտա՛, Ռուսաստան" շարժապատկերի կատակերգութիւններու ռուսական 7-րդ փառատօնի մրցանակ կատակերգութեան մէջ ունեցած աւանդի համար 2006
  • "Սեզար" շարժապատկերի մրցանակի առաջադրում լաւագոյն սկիզբի աշխատանքի համար
  • Վիպորկի "Պատուհան դէպի Եւրոպա" շարժապատկերի փառատօնի յանձնաժողովի յատուկ մրցանակ "շարժապատկերի մտածելակերպի ժամանակակից ոճի համար" ՝ "Շան դրախտ" ֆիլմի համար 2013
  • ՌԽՖՍՀ վաստակավոր նկարիչ 1983
  • Ղազախական ԽՍՀ պետական մրցանակ 1978
                                     

5. Արտաքին յղումներ

  • "Александр Адабашьян" ։ Архив редакции журнала "Искусство кино" ։ km.ru ։ արխիւացուած է բնօրինակէն-էն՝ 2013-02-26-ին ։ արտագրուած է՝ 2013-02-24 ռուս.
  • Ալեքսանդր Ադաբաշյանի մասին kino-teatr.ru կայքում ռուս.
  • "Александр Адабашьян в гостях у Фёклы Толстой и Петра Фадеева" ։ radiomayak.ru ։ 2008-12-29։ արխիւացուած է բնօրինակէն-էն՝ 2013-02-26-ին ։ արտագրուած է՝ 2013-02-24 ռուս.
  • "Александр Адабашьян на сайте журнала "Сеанс" ։ seance.ru ։ արխիւացուած է բնօրինակէն-էն՝ 2013-02-26-ին ։ արտագրուած է՝ 2013 թ․ Փետրուարի 24 ռուս.