Back

ⓘ Արաս Հրատարակչութիւն




Արաս Հրատարակչութիւն
                                     

ⓘ Արաս Հրատարակչութիւն

Պոլսոյ Պէյօղլու թաղամասին մէջ գտնուող "Հըտիվեալ Փալաս" կոչուող պատմական շէնքի գետնայարկը կը գտնուի "Արաս" հրատարակչատունը:

1993-ին Հրանդ Տինքի, Մկրտիչ Մարկոսեանի եւ Եդուարդ Թովմասեանի հիմնադրած "Արաս" հրատարակչատունը երկրի մէջ հայերէն եւ թրքերէն գիրքեր հրատարակող միակ հրատարակչատունն է։ Այն ստեղծուեր է որպէս Թուրքիոյ հայերու մշակութային ժառանգութիւնը ապագայ սերունդներուն կապելու կամուրջ:

Կարճ ժամանակամիջոցի մը մէջ նկատուած է պատուհան մը՝ բացուող հայ գրականութեան վրայ։ Կը հրատարակէ թրքերէնով ու հայերէնով գիրքեր․ յատկանիշ մը, որ հազուագիւտ է Թուրքիոյ եւ, ինչո՞ւ չէ, ուրիշ երկիրներու ալ պարագային։

Հրատարակչատունը ունի բազմասեռ հրատարակութիւններ։ Հայ հեղինակներէ թրքերէնի թարգմանուած կամ հայ հեղինակներու կողմէ թրքերէնով գրուած գեղարուեստական գործերու կողքին, կը տպագրէ նաեւ հայոց պատմութեան, ազգագրութեան, ժողովրդական նիստուկացին վերաբերող ուսումնասիրութիւններ, յուշագրութիւններ, ուղեգրութիւններ, պատկերագիրքեր։

Ան այս միջոցով նպատակադրած է գրականութեան միջոցով տարբեր մշակոյթներու տէր հասարակութիւնները իրարու ծանօթացնել, զանոնք իրարու մերձեցնել, որպէսզի մարդկային հասարակաց արժէքներուն միասնաբար բերեն իրենց նպաստը։ "Արաս" հրատարակչատունը միջոց կը ստեղծէ, որպէսզի հայեր, որոնք ներկայիս Թուրքիոյ մէջ ամփոփուած են Պոլսոյ սահմաններէն ներս, իրենց մշակութային արժէքները փոխանցեն յաջորդ սերունդներուն։

Հայկական տպագրութիւնը խոր արմատներ ունի Թուրքիոյ մէջ եւ "Արաս" հրատարակչատունը կը ջանայ այս աւանդութիւնը շարունակել արդի ժամանակներուն։

                                     

1. "Արաս" հրատարակչատունը՝ Թուրքիոյ տարուայ հրատարակչատուն

29 Յունուար, 2019-ին Սթամպուլի "Արաս" հրատարակչատունը թերթերու եւ գիրքերի "Տունիա" ամսագրի կողմէն ճանչցուեր է Թուրքիոյ "Տարուայ հրատարակչատուն":

"Արաս" հրատարակչատունին անուանելով "պատուհան դէպի հայ գրականութիւն, պատմութիւն և մշակոյթ՝ տարիներ շարունակ իր հրատարակած առանձնայատուկ, գրաւիչ և որակեալ գիրքերով" ՝ "Տունիա" մրցանակային յանձնաժողովը աւելցուցած է է, թէ հրատարակչատունը ցոյց կու տայ, որ "փոխըմբռնումը կարելի է և՛ կայուն արուեստի, և՛ գրականութեան միջոցով" ։

Սեւան Տէյիրմենճեան որպէս հայկական բաժնի խմբագիր կը պաշտօնավարէ "Արաս" հրատարակչատան մէջ։ Ցարդ հրատարակած ու խմբագրած է Զապէլ Եսայեանի Գրիգոր Պըլտեանի հետ, Եղիա Տէմիրճիպաշեանի Ս. Դւոյեանի հետ, Երուխանի, Ռուբէն Զարդարեանի, Վահան Թէքէեանի, Միսաք Գօչունեանի եւ դասական այլ հեղինակներու մամլոյ մէջ ցրուած, առանձին հատորով մը չհրատարակուած գրական գործերը, յօդուածները։

                                     

2. Ցանկ հայերէն գիրքերու

  • "Դդումի համ", Զահրատ, 2009
  • "Մրջիւններու վերջալոյսը", Զաւէն Պիպեռեան, 2007
  • "Ողջոյն ամէնքին", Արա Գօչունեան, 2008
  • "Անանուն երազ", Վերճիհան Զիֆլիօղլու, 2000
  • "Կեանքի լուսանցքէն", Երուանդ Կոպէլեան, 2003
  • "Անտիպ թերթս", Զահրատ, 2012
  • "Հայրիկ, հայրիկ", Արա Ակինեան, 2012
  • "Յոյսի անտես թեւերով", Նարսէս Վանական, 1999
  • "Դէպի Պիթլիս Ուիլիըմ Սարոյեանի հետ", Պետրոս Զօպեան, 2007
  • "Յաղթանակի ճամբան", Արա Ակինեան, 2012
  • "Դաստիարակ դաշնակահարը", Վալանթին Մազլում, 2008
  • "Բանաստեղծութիւններ", Զահրատ, 2006
  • "Գիւղը կ՚ապրի իմ մէջ", Յակոբ Մնձուրի, 2005
  • "Պանդուխտ երգեր", Բագրատ Էսդուգեան, 2013
  • "Հէ՜գ թուղթի կտորներ", Վահրամ Պուրմաեան, 2005
  • "Տիգրիսի ափերէն", Մկրտիչ Մարկոսեան, 2010
  • "Արձագանգ եւ անցորդը", Արփիար Տէր Մարգարեան, 2006
  • "Լուցիքա տուտու", Յակոբ Այվազ, 2003
  • "Օրագրութիւն սարկաւագի - Քառասունք ձեռնադրութեան", Թորգոմ Մանուկեան, 2001
  • "Մեր այդ կողմերը", Մկրտիչ Մարկոսեան, 2011
  • "Բաբելոնէն վերջ պիտի ապրինք", Արա Կիւլէր, 1995
  • "Իսթանպուլահայերը կը կանչեն", Թորոս Թորանեան, 1997
  • "Մեծ պատրիարքը", Արա Ակինեան, 2013
  • "Հանելուկ", Վերճիհան Զիֆլիօղլու, 2007
  • "Եւ այսպէս ապրեցանք", Ռուբէն Մաշոյեան, 2006
  • "Ի լրումն ժամանակի", Անել, 2002
  • "Յուշեր առանց փուշերու", Վահան Աճեմեան, 2008
  • "Փոքրիկ իշխանը", Անթուան Տէօ Սենթ-Էքզիւփերի, Ֆրանսերէնէ թարգմանեց՝ Լուիզ Պաքար, 2016
  • "Կարպիս Ճանճիկեանի հետքերով", աշխատասիրեց՝ Ռուբէն Մաշոյեան, 2016
  • "Աւերակներուն մէջ", Զապէլ Եսայեան, 2012
  • "Զարմանալի աշխարհ", Ս․ Ք․ Զանգու, 2003
  • "Ու ես կ՚երթամ", Շաւարշ քհնյ․ Պալըմեան, 2005
  • "Հայերէն բառգիրք", Գեղամ Քերովբեան, 2011
                                     

3. Աղբիւրներ

  • ի Հարցազրոյցը պրն. Սեւան Տէյիրմենճեանի հետ
  • Թուրքիայի տարուայ հրատարակչատուն
  • Թօմոն: Հարցազրոյց Պոլսոյ "Արաս" հրատարակչատան հիմնադիրներէն` Եդուարդ Թովմասեանին հետ