Back

ⓘ Անդին. Հայոց Ճանապարհորդութեան Տարեգրութիւն




                                     

ⓘ Անդին. Հայոց Ճանապարհորդութեան Տարեգրութիւն

Անդին. հայոց ճամբորդութեան տարեգրութիւն, բեմադրիչ Ռուբեն Կինէյի կողմէն նկարուած դիւցաներգութիւն. վաւերագրական ֆիլմ հայ-չինական եւ հայ-ասիական պատմական կապերու մասին։ Ֆիլմը 2014 թուականի դրութեամբ արժանացած է շարք մը մրցանակներու:

                                     

1. Բովանդակութիւն

Քանի մը գլուխներէ բաղկացած ֆիլմը կը պատմէ Եւրոպական ու Ասիական երկիրներու միջեւ կանուխ շրջանէն մինչեւ այսօր գոյութիւն ունեցող մշակութային, ռազմական եւ կրօնական կապերու մասին։ Սկզբնական դեր կը խաղայ Հայաստանի մասնակցութիւնը այդ կապերու հաստատման եւ զարգացման հարցին մէջ։ Ֆիլմէն մաս մը տրամադրուած է Մետաքսի ճանապարհին եւ Համեմունքի ուղիին՝ կարեւորագոյն պատմական տարրերուն։

                                     

2. Ստեղծում

Սկզբնական շրջանին չինական հեռատեսիլի կայաններէն մէկուն պատուէրով նախատեսուած էր կարճ ֆիլմ պատրաստել, սակայն ապագային յայտագիրը մեծ ծաւալ ստացաւ հիմնուելով հայկական բազմաթիւ հետքերու վրայ Միջին Ասիոյ, Հնդկաստանի եւ Չինաստանի մէջ։ Նկարահանման խումբը երեք տարուան ընթացքին անցաւ 80.000 քմ տարածութիւն՝ այցելելով 11 երկիր եւ 72 քաղաք աշխարհով մէկ։

2013 թուականին Փետրուար ամսուան նկարահանման խումբին յաջողուեցաւ գտնել Պանտուսովի կայրակը, որ 1894 թուականէն կորսուած կը համարուէր։ Առաջին անգամ մեծ պաստառի վրայ եւ հանրային հեռուստատեսութեամբ ցուցադրուեցան ստորջրեայ նկարահանումները Քարիպեան Ծովին մէջ, ուր 2007 թուականին գտնուած է հռչակաւոր ծովահէն Ուիլեամ Քիդդի կողմէն գրաւուած հայկական նաւը։

Նկարահանուած է Հեթում պատմիչի լատիներէն ձեռագիրը, ուր նշուած է հայոց թագաւոր Հեթում Ա․ի ճամբորդութիւնը Չինաստանի սահմանի մօտ 1254 թուականին։ Հետաքրքիրն այն է, որ Մարքօ Փոլօ այդ ժամանակ միայն մէկ տարեկան էր։

2012 թուականին Սերամպոր քաղաքին մէջ, որ կը գտնուի Պենկալիոյ մէջ, քանի մը տասնեակ քիլոմեթր Կոլկաթայէն հարաւ յայտնաբերուած է առաջին Աստուածաշունչը չինարէն լեզուով, որուն յեղինակն է հայ երիտասարդ Ճոաննէս Լասսարը Ղազարեանը։ Ֆիլմին մէջ ցուցադրուած է անոր իսկ կողմէն կատարուած աշխատանքը։ Այդ հրատարակչութիւնը լոյս տեսած է առաջին անգամ 1813 թուականին։

2012 թուականին Ռուբէն Կինէյ արշաւախումբ հաւաքեց Իսիկ-Կուլ լիճի յատակը որոնելու նպատակով։ Ըստ միջնադարեան քարտէսին՝ քադալան Ադլասին, Իսիկ-Կուլի շրջանին մէջ գտնուած է հայկական առասպելական վանքը։

Մեքսիքայի ազգային արխիւին մէջ յայտնաբերուած է հետաքրքրական փաստաթուղթ մը, որ ցոյց կու տայ հայերուն ներկայութիւնը Ամերիկեան մայրացամաքին մէջ դեռ կանուխ շրջանին։ Առաջին հայերը չինական Քանթոն քաղաքէն ճամբայ կ՛ելլէին դէպի Աքափուլքօ։

                                     

3. Արտաքին յղումներ

  • Shanghai Daily Report
  • Aravot Shantum. 09.09.2014
  • Հայ-չինական կապերու տարեգրութիւնը
  • "Andin. Armenian Journey Chronicles" IMDb կայքէջին վրայ
  • Հայկական մանրադրամները Չինաստանի մէջ