Back

ⓘ The Diary of a Young Girl




The Diary of a Young Girl
                                     

ⓘ The Diary of a Young Girl

The Diary of a Young Girl, օրագիր մըն է, որ գրուած է հոլանտերէն լեզուով, Անն Ֆրանքին կողմէ երբ ան իր ընտանիքին հետ կը պահուըտէր Հոլանտա, Ամսթերտամի մէջ 2 տարուան ընթացքին, Երկրորդ Համաշխարհային Պատերազմին պատճառաւ: Ֆրանք ընտանիքը կը ձերբակալուի 1944 թուականին, իսկ Անն Ֆրանք կը մահանայ թիֆիւս հիւանդութենէ Bergen-Belsen ճամբարին մէջ։ Օրագիրը կը գտնուի Միէփ Կիէյսին քով, ով զայն կը յանձնէ Անն Ֆրանքի հօրը՝ Օթթօ Ֆրանքին, որ ճանչցուած է որպէս ընտանիքին միակ յետապրողը: Երկրորդ Համաշխարհային Պատերազմի աւարտէն ետք, օրատետրը կը հրատարակուի որպէս Անն Ֆրանքին ինքնակենսագրութիւնը, թարգմանուելով աւելի քան 60 լեզուներու:

The Diary of a Young Girl առաջին անգամ հրատարակուած է "Het Achterhuis. Dagboekbrieven 14 Juni 1942 – 1 Augustus 1944" վերնագիրով, Contact Publishing հրատարակչական տան կողմէ, Ամսթերտամի մէջ, 1947 թուականին: Օրատետրը շահած է համաշխարհային դրական քննադատութիւններ: 1952 թուականին, այս ինքնակենսագրութիւնը Ամերիկայի Միացեալ Նահանգներուն մէջ թարգմանուած է Անգլերէնի Doubleday & Company հրատարակչութեան կողմէ, իսկ Անգլիոյ մէջ՝ Վալենթայն Միչելի կողմէ: The Diary of a Young Girl գիրքը նշանաւոր դարձած է 1955 թուականին երբ վերածուած է թատերախաղի Ֆրանսիս Կուտռիչի եւ Ալպերթ Հաքեթի կողմէ, իսկ ետքը վերածուած է ֆիլմի 1959 թուականին: Այս օրագիրրը կը գտնուի 20-րդ դարու լաւագոյն գիրքերու ցանկին մէջ:

                                     

1. Պատմութիւն

Երբ Գերմանիոյ Նազիի ուժերը կը գրաւեն Նետերլանտսը, Անն Ֆրանքը որպէս իր 13-րդ տարեդարձին նուէր՝ կը ստանայ օրատետր մը 12 Յունիս, 1942 թուականին: Երկու օր ետք, 14 Յունիս, 1942 թուականին, Անն սկսաւ արդէն իր յուշերը գրել այդ տետրակին մէջ:

5 Յուլիս, 1942 թուականին, Անն Ֆրանքին քոյրը՝ Մարկոթ Ֆրանքը կը ստանայ պաշտօնական նամակ մը որպէսզի ուղարկուի Գերմանիա աշխատելու Նազիական խիստ բանակավայրերուն մէջ։ Այս պատճառաւ, Ֆրանք ընտանիքը 6 Յուլիս, 1942 թուականին գաղտնօրէն կը փոխադրուի հին տուն մը հոն պահուըտելու նպատակով: Անոնց կը միանան նաեւ Օթթօ Ֆրանքին բարեկամը ու անոր ընտանիքը՝ Հերմանն Վան Փելսը, անոր կինը՝ Ակըսթը ու անոնց պատանի զաւակը՝ Փիթըրը: Անոնք սենեակներու մէջ կը պահուըտէին, ու այդ սենեակներուն գլխաւոր դուրը պահուըտած էր գրադարանի մը ետեւ: 4 ամիս ետք, անոնց կը միանայ 8-րդ անձ մը՝ Ֆրիթս Փֆերրերը: Անն Ֆրանքին հրատարակուած օրատետրին մէջ, այս անձերուն անունները փոխուած են՝ Վան Փելսերուն անունները եղած են "Վան Տաան" իսկ Ֆրիթս Փֆերրերին անունը եղած է "Պարոն Տըսսըլ": Անոնք այս տան մէջ պահուըտած կը մնան 2 տարի եւ մէկ ամիս:

Օգոստոս, 1944 թուականին անոնց գաղտնի ապաստանը կը գտնուի եւ անոնք կը փոխադրուին Նազիական բանակավայրերը: Բոլոր 8 անձերէն, ողջ կը մնայ միայն Աննին հայրը՝ Օթթօ Ֆրանքը: Աննը կը մահանայ 15 տարեկանին Bergen-Belsen բանակավայրին մէջ։ Անն Ֆրանքին մահին ճշգրիտ թուականը հստակ չէ, բայց գիտնականները կը նշեն թէ ան մահացած է Մարտ ամսուն: Սակայն 2015 թուականի նոր տեղեկութիւնները ցոյց կու տան թէ Անն մահացած է Փետրուար ամսուն:

Անն Ֆրանքին իսկական օրատետրը կը բաղկանայ 3 բաժիններէ: Առաջինը՝ կը պարունակէ անոր յուշերը 14 Յունիս, 1942 թուականէն մինչեւ 5 Դեկտեմբեր, 1942 թուական: Որովհետեւ օրատետրին երկրորդ բաժինը կը սկսի 22 Դեկտեմբեր, 1943 թուականին ու կը վերջանայ 17 Ապրիլ, 1944 թուականին, գիտնականները կը նշեն թէ առաջին եւ երկրորդ բաժիններուն մէջ գտնուող յաջորդող օրատետրը կորսուած է պատերազմին ընթացքին: Իսկ օրատետրին վերջին բաժինը որ գրուած էր Աննին դպրոցական գիրքերէն մէկուն մէջ, կը պարունակէ անոր յուշերը 17 Ապրիլ, 1944 թուականէն մինչեւ 1 Օգոստոս, 1944 թուական երբ Անն Ֆրանք, իր մահէն առաջ, վերջին անգամ ըլլալով գրած էր իր յուշերը:

Օրատետրը գտնուած էր Միէփ Կիէսին եւ Պեփ Վոսքուիժլին կողմէ Ֆրանք ընտանիքին ձերբակալութենէն ետք: Օրատետրը պահուած էր անոնց կողմէ, եւ ետքը յանձնուած էր Աննին հօր՝ Օթթօ Ֆրանքին Երկրորդ Համաշխարհային Պատերազմէն ետք: