Back

ⓘ Bad Romance




                                     

ⓘ Bad Romance

"Bad Romance", ամերիկացի երգչուհի Լէյտի Կակայի երգը, որուն արտադրիչը եղած է RedOne-ը։ Երգը թողարկուած է որպէս "The Fame Monster" ձայնասկաւառակի գլխաւոր երգ։ Երգը գրուած է ներշնչանքի ազդեցութեան տակ, ինչ որ երգչուհին զգացած է վերջին քանի մը տարիներուն աշխարհին մէջ կատարած համերգային շրջագայութեան ընթացին։ Երգի տեմո-տարբերակը յայտնուած է համացանցին վրայ մինչեւ պաշտօնական առաջին թողարկումը, որ տեղի ունեցած է "Փարիզի Նորաձեւութեան Շաբաթ" -ի ընթացքին՝ 2009 թուականի 6 Հոկտեմբերին։

Քննադատները երգին տուած են դրական գնահատական՝ համեմատելով այն "Poker Face" երգին հետ։ Երգը գլխաւորած է Մեծն Բրիտանիոյ, Իռլանտայի, Քանատայի, Ռուսաստանի, Շուէտի, Գերմանիոյ եւ Աւստրիոյ հիթ-շքերթները, ԱՄՆ-ի, Աւստրալիոյ եւ Նոր Զելանտայի հիթ-շքերթներուն վրայ հասած է մինչեւ երկրորդ հորիզոնականը։ Երգը նաեւ յիշատակուած է "Կրեմմի" մրցանակաբաշխութեան "Լաւագոյն Կանանց Փոփ-Վոգալ Կատարում" անուանակարգին մէջ։

Երգի տեսահոլովակը նկարահանուած է սպիտակ լոգասենեակի մը մէջ, ուրկէ Կակային կ’առեւանգէ գեղեցկուհիներու խումբ մը, որոնք անոր կը հարբեցնեն, իսկ ետք կը վաճառեն մաֆիաներու անբարոյական գործի համար։ Տեսահոլովակը արժանացաւ քննադատներու հիացմունքին հիմնականին մէջ գործողական աշխատանքի եւ անոր նորարարութեան համար։ Նաեւ քննադատները յատուկ կը նշեեն անոր իւրայատուկ նիւթը եւ հասարակութեանը հիացնելու ընդունակութիւնը։ Տեսահոլովակը ստացած է նաեւ "Կրեմմի" մրցանակ "Լաւագոյն Կարճատեւ Երաժշտական Տեսահոլովակ" անուանակարգին մէջ։

                                     

1. Երգի մասին

"Bad Romance" -ը թողարկուած է որպէս երգչուհու երկրորդ՝ "The Fame Monster" ձայնասկաւառակի առաջին գլխաւոր երգ սինկըլ։ Մինչ երգի պաշտօնական թողարկումը անոր տեմո-տարբերակը յայտնուած է համացանցին վրայ, որմէ ետք Լէյտի Կական ձգած է մեկնաբանութիւնը Թուիթըրի վրայ՝ "յաջորդ գլխաւոր երգ սինկըլի յայտնուիլը համացանցին վրայ կը ստիպէ ականջներուս արիւնահոսքը։ Համբերեցէք, մինչեւ լսէք իրական տարբերակը" ։ 2009 թուականի 3 Հոկտեմբերին երգի փոքր հատուածը երգչուհու այլ երգերու հետ՝ Poker Face եւ LoveGame, հետ միաժամանակ կատարուած է ամերիկեան հեռուստատեսութեան "Saturday Night Live" հաղորդման ժամանակ։ "Bad Romance" պաշտօնապէս ներկայացուած է 2009 6 Հոկտեմբերին Ալեքսանտր Մկքուինի կազմակերպած հագուստի ձեւաւորման գարուն/ամառ 2010 թուականի վերջնական ցուցադրութեան ժամանակ "Փարիզի Նորաձեւութեան Շաբաթ" ի ժամանակ։ Գլխաւոր երգի շապիկի նկարը ցուցադրուած է 2009-ի 15 Հոկտեմբերին։ "About.com" -էն Պիլ Լէմպը դրական ձեւով արտայայտուած է շապիկին նկարին մասին` ըսելով. "Կական կը շարունակէ իր լաւ նկարներու շարքի ստեղծումը, որոնք կ’ուղեկցին անոր երգին եւ ելոյթներուն" ։ Կական ըսած է, որ "Bad Romance" -ը եղած է այն երգերէն, որոնք ան գրած է 2008 թուականին, երբ համերգներով աշխարհը կը դառնար։ Բոլոր այդ երգերը գրուած են տարբեր "հրէշ" -ներու մասին տանչանքի մէջ մտքերով, որոնց հետ ան հանդիպած էր այդ ժամանակաշրջանին մէջ։ Այդ "հրէշներէն" եղած էր "սիրոյ հրէշը", ով պատճառ դարձած է "Bad Romance" երգի ստեղծման համար։ ետք՝ "Grazia" հնդկական ամսագրի հարցազրուցի ժամանակ, Կական բացատրած է, թէ ուրկէ է իր մօտ եկած ներշնչանքը երգի ստեղծման համար։ Ան ըսած է.

"Ես գրած եմ "Bad Romance" -ը, երբ կը գտնուէի Նորուեկիոյ մէջ, իմ շրջագայութեան փոխադրակարգիս մէջ։ Պտտեցայ Ռուսաստանի մէջ, ետք Գերմանիոյ եւ շատ ալ ժամանակ անցուցի Արեւելեան Եւրոպայի մէջ։ Այդտեղ այնպիսի հրաշալի գերմանական հաուս-տեխնո երաժշտութիւն կար, որ ես ցանկացայ կատարել փորձարարական ձայնագրութիւն փոփ ժանրին մէջ։ Ես կուզէի ձգել 80-ականներու երաժշտական մինիմալիստական փմթկազարկը, իսկ երաժշտութիւնը վերցնել 90-ականներէն, որն ալ, իրականութեան մէջ, իմ ոգեւորութեան աղբիւրն էր։ Բայց, անշոււշտ երգի ստեղծման ժամանակ օգտագործուած է քիչ մը ուիսքի։ Իսկ ընդհանրապէս, երգին նիւթը այն է, թէ ինչ կը նշանակէ սիրահարուած ըլլալ լաւագոյն ընկերոջը հետ" ։

                                     

2. Երաժշտութիւն եւ քնարերգրութիւն

MTV-ի հաստատմամբ՝ երգի ռիթմը նման է Կակայի հին սինկլի՝ "Poker Face" երգի ռիթմին։ Երգը կը սկսի անով, որ Կական կ’երգէ կրկներգի կէսը, որմէ ետք հանդէս կու գայ "Rah-rah-ah-ah-ah/Roma-roma-mah/Gaga-ooh-lո-lո" բառերով։ Հնչողութիւնը կ’ուղեկցուի հարուածային եւ ստեղնաշարային գործիքաւորումով։ Կամրջային բաժնին մէջ Կական կ’ըսէ. "You know that I want you/ And you know that I need you", որմէ ետք կու գայ կրկներգը, որու մէջ Կական կ’երգէ. "You and me could write a bad romance Caught in a bad romance" ։

Ըստ "About.com" -ի տեսակէտին՝ երգի երաժշտութիւնը առաւել յարմար է նորաձեւութեան ցուցադրութիւներու համար։ "Slant Magazine" ըսած է, որ երգի երաժշտութիւնը կազմուած է նոր ալիքի ոճով եւ որոշակի թուաքանակով։ "The Independent" -ը ցոյց տուած է այդ կետը, որ կրկներգին մէջ կը գերակշռէ Boney M խումբի երաժշտութեամբ այն ժամանակ, երբ "The Guardian" -ը գրած է, որ այդ կը յիշեցնէ Black Celebration խումբի հինգերորդ՝ "Depeche Mode" ձայնասկաւառակի երաժշտութիւնը, որ թողարկուած է 1986 թուականին։ Երգը ձայնագրուած է միջին դեմբով՝116 հարուած մէկ վայրկեանի մէջ։ Նաեւ յայտնի է, որ երգը ձայնագրուած է Լեա-Մինորի տոնայնութեամբ, ակկորտներ այսպիսի յաջորդականութեամբ՝ Am–C–F–C–G քառատողերու համար եւ F-G-Am-C-F-G-E-Am կրկներգի համար։

Քնարերգրութիւնը ամբողջութեամբ կը պատմէ "վատ սիրավէպի" ուրախութիւններուն մասին, բայց այդ միտքը կը փոխուի կամրջի բաժնին մէջ եւ կ’անցնի նորաձեւութիւն թեմային։ 2009 թուականի 2 Նոյեմբերին` "It’s On with Alexa Chung" -ի յայտագրի հարցազրոյցի ժամանակ, Կական նշած է, որ ան իր երգի քնարերգրութեան ժամանակ թուարկած է Ալֆրետ Հիչքոքի ֆիլմերը. "Ես կը ցանկանամ քու գլխապտոյտ սլենկը, փոքրիկս, դուն խելագար ես եւ ես կը ցանկանամ քեզի տեսնել իմ` "Բակ Նայող Պատուհան" ֆիլմին մէջ" ։ Ան հաստատած է. "Ինչ որ ես իրականութեան մէջ կը ցանկանայի ըսել, այն է, որ ես կ’ուզեմ քու ամենախոր, ամենամութ եւ խելագար մասերը, որոնք դուն կը վախնաս կիսել որեւէ մէկուն հետ, որովհետեւ ես շատ ուժեղ ձեւով կը սիրեմ քեզի" ։

                                     

3. Քննադատութիւն

  • Քրիստոֆըր Ճոն Ֆարլին՝ "The Wall Street Journal" ամսագրէն, նշած է. "շատ դժուար է ընդդիմանալ "Bad Romance" -ի արագ ընթացքներուն" ։
  • Մայքլ Հիւպըրդը "MusicOMH" -էն կարծիքը կը յայտնէ, որ երգի կրկներգը լաւագոյնն է Կակայի երգերուն մէջ մինչեւ այսօր "այն կազմուած է երեք առանձին մասերէ, որոնցմէ իւրաքանչիւրը այնքան կլանող է, որքան միւսը" ։
  • Տանիէլ Քրեփսը "Rolling Stone" -էն, երբ գրած է գլխաւոր երգ սինկըլի՝ համացանցին վրայ յայտնուելու մասին, ըսած է նաեւ, որ. "գլխաւոր երգ սինկըլը այդքան ալ հեռու չէ նախագծէն, ըստ ատոր գրուած են նաեւ այլ գլխաւոր երգ սինկըլներ, յատկապէս "Poker Face", որու հետ "Bad Romance" -ը ունի ապշեցուցիչ նմանութիւն" ։
  • Մոնիգա Հերերան "Billboard" -էն կը կարծէ, որ "Bad Romance" -ը այդքան ալ գրաւիչ չէ, որքան Կակայի նախորդ գլխաւոր երգ սինկըլները, սակայն անոր մէջ կայ "չարէ կրքոտ հմայք։
  • "Pitchfork Media" -ն 2009 թուականի լաւագոյն երգերու շարքին "Bad Romance" -ը տեղադրած է երեսունիններորդ հորիզոնականին վրայ՝ բնութագրելով այն որպէս "բնոյթով էբիկական" ։
  • Քիթթի Էմփայրը "The Guardian" -էն ըսած է, որ "այդպիսի գլխաւոր երգ սինկըլները, ինչպէս "Bad Romance" -ը, աւելի համոցիչ կը ցուցադրեն այդ լարուած, ոչ խարիզմատիկ իտալա-ամերիկացի Լէյտի Կակայի հնարաւորութիւնը՝ դառնալու նոր Մըտօնա։
  • Սայմըն Փրայսը "The Independent" -էն ըսած է, թէ երգի առաջին բառերը՝ "I want your ugly, I want your disease", գոթական տոն կու տան ամբողջ "The Fame Monster" ձայնասկաւառակին։
  • Փոլ Լեսթըրը "BBC" -էն երգը անուանած է "անպիտան" եւ զգացած է անոր նմանութիւնը Էնտի Ուորհոլի երաժշտութեան հետ։
  • "Rolling Stone" ամսագրի կազմած "2009 Թուականի Լաւագոյն 25 Երգերու Շարք" -ին մէջ "Bad Romance" երգը գրաւած է իններորդ դիրքը։
  • Ճոն Տոլընը "Rolling Stone" -էն ըսած է, որ "Bad Romance" -ը Կակայի անունը կը դարձնէ "հռչակ" ։
  • Մայքլ Ուուտը "Los Angeles Times" -էն երգն անուանած է "քիչ մը Եւրոփոփային" ։
  • "About.com" -էն Պիլ Լեմպը ըսած է. "Լէյտի Կակայի երգեցողութիւնը այստեղ կը ցուցադրուի իր լաւագոյն որակով այն ժամանակ, երբ ան կ’անցնէ իր թոքերի համար վտանգ ներկայացնող լարերէն մինչեւ թեթեւ քաղցրութեան մեծցնելով Erasure-ական հիացմունքը ռիթմիկ կրկներգի ժամանակ, բայց եւ այնպէս կը զգացուի այն հզօրութեան թերութիւնը, որոնք եղած են Կակայի լաւագոյն հիթերուն մէջ" ։
  • Սել Սինկուեմանին "Slant Magazine" -էն երգն անուանած է ձայնասկաւառակի լաւագոյն պահերէն մէկը եւ աւելցուցած է, թէ "եթէ երաժշտութեան վրայ հնարաւորութիւն ըլլար դնել ժամանակի դրոշմ, ապա հնարաւոր կ’ըլլար ութսունականներու դրոշմ դնել այդ երգի վրայ" ։
  • Կէորկի Եարապեւան "Muz.ru" -էն ըսած է, որ "Bad Romance-ը իտալական առաջին գլխաւոր երգ սինկըլն է, "Poker Face" ու "Paparazzi" երգերու ընկեր, շատ հետաքրքրական են երաժշտական կրկներգը եւ Կակայի ֆիրմային լարերը" ։


                                     

4. Երաժշտական Տեսահոլովակ

"Rolling Stone" ամսագրի հարցազրոյցի ժամանակ Կական յայտարարզծ է, որ բեմադրիչ Ֆրենսիս Լոուրենսը արդէն նկարահանաղ է վիտէոն, եւ որ ան արդէն "տպաւորութեան տակ "է, ինչպէս իրմէ եւ նկարահանումներու վերջնական արդիւնքէն։ Ան ըսած է. "ես գիտեմ, որ Լոուրենսի` որպէս բեմադրիչի յատկութիւնները աւելի բարձր են քան ինչ ես կրնայի ընել" ։ "Haus of Gagaէ անձնակազմի անդամները եղել են ներգրաւուած որպէս տեսայոլովակի արթ-դիրեկտորներ։ Տեսայոլովակի առաջին ցուցադրումը կայացած է 2009 թուականի 10 Նոյեմբերին։ ետք Կական բնութագրել է իր գործը Լոուրենսի հետ այսպէս.

"Ես կը ցանկանայի մէկուն, ով լաւ կը հասկնայ, թէ ինչպէս ստեղծել փոփ-վիտէո, որովհետեւ բեմադրիչներու հետ աշխատելու իմ ամենամեծ դժուարութիւնն այն է, որ ես ինքս բեմադրիչ եմ, կը գրեմ թատերգաիրներ եւ կը ստեղծեմ նորաձեւութիւն, ես կը որոշեմ` ինչի մասին է այդ ամէնը եւ ինծի համար շատ դժուար է գտնել այդպիսի բեմադրիչ, որ կու տար ազատութիւն երգչուհու մը ինքնադրսեւորման համար։ Այդ եղած է համագործակցութիւն։ Ան փոփ-տեսահոլովակներու իսկական բեմադրիչ է եւ ֆիլմերու իսկական հեղինակ է։ Ան կրնար թէ՛ հիացնել, եւ թէ՛ ըլլալ հասկանալի հասարակութեան համար".

                                     

4.1. Երաժշտական Տեսահոլովակ Նիւթ

Տեսահոլովակի նիւթի հիմքը ինկած է այն գիծը, որ Կակային կ’առեւանգեն գեղեցկուհիներու խումբ մը, որմէ ետք անոնք անոր կը հարբեցնեն եւ կը վաճառեն մաֆիային։ Տեսահոլովակին մէջ մաֆիայի համակարգիչի պաստարին վրայ կը տեսնենք "վաճառքի" 1.000.000 ռուպլի արժէքը, ուր կը ցուցադրէ նաեւ ռուբլու նոր նշանը։ Գործողութիւնը կը շարունակուի սպիտակ լոգասենեակի մը մէջ։ Տեսահոլովակը կը սկսի երբ Կական նստած է սպիտակ գահին վրայ. ան հագած է ոսկեգոյն զգեստ եւ դրած է ակնոց, որ ստեղծուած է շեղբերէ։ Անոր շրջապատին են տարբեր մարդիկ, եւ իր շունը գերմանական շուն ցեղատեսակի։ Այն պահին է մատը iPod-ի ձայնն անջատելու սեղմակի վրայ կը դնէ, եւ երբ ան բաց կը ձգէ ստեղնը, կը սկսի լսուիլ "Bad Romance" -ը։ Արեւու լոյսը կ’ինայ լոգասենեակի պատերուն վրայ եւ կ’աշխատի ֆլորեսցետեան լոյսարձակը, որմէ ետք կ’երեւի, գրուած, "Bath Haus of GaGa" -ն։ Ատկէ տք պարողները, որոնք հագած են սպիտակ տաբատ եւ մինչեւ ծունկեր երկարաճիտ կօշիկներ եւ ունին թագի նման սանրուածք, դուրս կու գան հաւկթանման անկողիններէ։ Կենդոնական անկողինին վրայ գրուած է "հրէշ", եւ անկէ ալ դուրս կու գայ Կական, ով հագուած էր այդ պարողներու նման, որոնք կը սկսին պարել անոր ետեւը։ Երբ կը սկսի կրկներգը, երկու աղջիկներ կը հանեն Կական լոգարանէն, կը պատռեն անոր հագուստը եւ կը ստիպեն խմել բաժակ մը Nemiroff Lex օղի։ Երբ կը սկսի երկրորդ քառատողը, Կական կը հագնի "գորսէ" մը, որ զարդարուած է ադամանդներով, կը սկսի գայթակղիչ ձեւով պարել տղամարդկանց խումբին առջեւ, որոնք կը գնահատեն անոր։ Ան կ’ընտրէ տղամարդու մը եւ կը պարէ անոր ծունկերուն վրայ։ Ատկէ ետք ալ տղամարդը կը բարձրացնէ իր խաղադրոյքը եւ կ’առաջարկէ անոր համար լաւագոյն գինը։ Երբ կրկներգը կը հնչէ երրորդ անգամ, Կական արդէն հագած էր երկար փէշերով զգեստ, որ ունէր նաեւ արջի մորթէ օձիկ։ Ան կը պառկի տղամարդուն մօտ, ով պառկած է անկողինին մէջ, արձակելով իր շապիկի կոճակները։ Կական կը ցուցաբերէ անտարբերութիւն եւ կը լքէ իր հագած հագուստը եւ արեւային ակնոցները։ Յանկարծակի կերպով, անկէ ետք, անկողինը կը բռնկի այնտեղ պառկած տղամարդու հետ։ Տեսահոլովակը կ’աւարտի անորմով, որ Կական պառկած է անկողնի մէջ այրած կմախքի հետ պատուած մոխրով։ Ան կը ծխէ ծխախոտ այն ժամանակ, երբ անոր կրակ արձակող կրծքկալը կ’արձակէ կայծեր։

                                     
  • Fame Monster անունով, որուն մէջ կան 8 յաւելեալ երգեր որոնք կ ընդգրկեն Bad Romance Alejandro եւ Telephone երգերը Ալպոմին յաջորդող The Monster Ball
  • Award մրցանակաբաշխութեան ժամանակ Կակա ստացած է Տարուան երգ մրցանակ Bad Romance երգի համար Այդտեղ ալ ան կատարած է թերեւս անյայտ երգէ քառատող մը. I m
  • Լուիս Մայլսթոն All Quiet on the Western Front Քլէրընս Պրաուն Anna Christie Romance Ռոպըրթ Զ. Լէնըրտ The Divorcee Ըրնսդ Լուպիդչ The Love Parade Քինկ Վայտըր

Users also searched:

...
...
...